ନୂଆଦିଲ୍ଲୀ: କରୋନା ପୁଣିଥରେ ଭାରତରେ ଦେଖିବାକୁ ମିଳିଛି ଏବଂ ଏହାର ସବ୍-ଭାରିଆଣ୍ଟ JN.1 ଦ୍ରୁତ ଗତିରେ ବ୍ୟାପିଛି। ସୂଚନାନୁସାରେ, 26 ଡିସେମ୍ବର ମଙ୍ଗଳବାର ପର୍ଯ୍ୟନ୍ତ ସାରା ଦେଶରେ JN.1 ଭାରିଆଣ୍ଟର 109 ଟି ମାମଲା ରୁଜୁ ହୋଇଛି। ଏହି ଜୀବାଣୁ ଏପର୍ଯ୍ୟନ୍ତ ଦେଶର 8 ଟି ରାଜ୍ୟରେ ବ୍ୟାପିଛି।
ସରକାରୀ ସୂତ୍ରରୁ ପ୍ରକାଶ ଯେ ଗୁଜୁରାଟରୁ 36 ଟି, କର୍ଣ୍ଣାଟକର 34 ଟି, ଗୋଆରୁ 14 ଟି, ମହାରାଷ୍ଟ୍ରର 9 ଟି, କେରଳର 6 ଟି, ରାଜସ୍ଥାନର 4 ଟି, ତାମିଲନାଡୁର 4 ଟି ଏବଂ ତେଲେଙ୍ଗାନାରୁ 2 ଟି ମାମଲା ଚିହ୍ନଟ ହୋଇଛି। ବର୍ତ୍ତମାନ ଅଧିକାଂଶ ରୋଗୀଙ୍କୁ ଘରେ ପୃଥକ ବାସରେ ରଖାଯାଇଛି।