ମୋଦିଙ୍କ ନେତୃତ୍ବରେ ବିଜେପି ସଂସଦୀୟ ଦଳର କାର୍ଯ୍ୟକାରୀ କମିଟି ଗଠିତ ହୋଇଛି । ଲୋକସଭାରେ ଦଳର ଉପନେତା ରାଜନାଥ ସିଂହ ଓ ରାଜ୍ୟଓଭାରେ ଦଳର ଉପନେତା ପୀୟୂଷ ଗୋଏଲ୍ ରହିଛନ୍ତି । ସେହିପରି ରାଜ୍ୟସଭାରେ ସଂସଦୀୟ ଦଳର ନେତା ହୋଇଛନ୍ତି ଥାଓ୍ବରଚନ୍ଦ ଗେହଲଟ । ତେବେ ଏହି ସଂସଦୀୟ ଦଳରେ ତିନି ଓଡ଼ିଆଙ୍କୁ ସ୍ଥାନ ମିଳିଛି । ସୁରେଶ ପୂଜାରୀ, ଧର୍ମେନ୍ଦ୍ର ପ୍ରଧାନ ଓ ଜୁଏଲ୍ ଓରାମ୍ ପ୍ରମୁଖଙ୍କୁ ଏହି ସୁଯୋଗ ମିଳିଛି । ଲୋକସଭାରେ ସଚେତକ ଭାବେ ସୁରେଶ ପୂଜାରୀଙ୍କୁ ସ୍ଥାନ ମିଳିଥିବାବେଳେ ତାଙ୍କ ଦାୟିତ୍ବରେ ଓଡ଼ିଶା, ମଣିପୁର ଓ ତେଲେଙ୍ଗାନା ରହିବ । ଧର୍ମେନ୍ଦ୍ର ପ୍ରଧାନ ରାଜ୍ୟସଭା ପାଇଁ ସ୍ବତନ୍ତ୍ର ନିମନ୍ତ୍ରିତ ସଦସ୍ୟ ହୋଇଥିବାବେଳେ ଜୁଏଲ୍ ଓରାମ୍ ଲୋକସଭାରେ ସ୍ବତନ୍ତ୍ର ନିମନ୍ତ୍ରିତ ସଦସ୍ୟ ରୂପେ ନିଯୁକ୍ତି ପାଇଛନ୍ତି ।
