ଆସାମ ଏବଂ ତ୍ରିପୁରା ମୁଖ୍ୟମନ୍ତ୍ରୀଙ୍କ ବିରୋଧରେ ଫେସ୍ବୁକ୍ରେ ପୋଷ୍ଟ କରି ଗିରଫ ହୋଇଛନ୍ତି ୨ ଯୁବକ। ଆସାମରେ ଶାସକ ବିଜେପି ମିଡିଆ ସେଲ୍ର ଜନୈକ କାର୍ଯ୍ୟକର୍ତ୍ତା ମୁଖ୍ୟମନ୍ତ୍ରୀ ସର୍ବାନନ୍ଦ ସୋନଓ୍ବାଲଙ୍କ ବିରୋଧରେ ଫେସ୍ବୁକ୍ରେ କିଛି ଆପତ୍ତିଜନକ ପୋଷ୍ଟ କରି ଗିରଫ ହୋଇଥିବା ବେଳେ ସମାନ ଭାବରେ ତ୍ରିପୁରା ମୁଖ୍ୟମନ୍ତ୍ରୀ ବିପ୍ଲବ ଦେବଙ୍କ ବିରୋଧରେ ଆପତ୍ତିଜନକ ପୋଷ୍ଟ ପାଇଁ ଅନ୍ୟ ଜଣଙ୍କୁ ଗିରଫ କରାଯାଇଛି। ବିଜେପି ମିଡିଆ ସେଲ୍ର ନିତୁମୋନି ବୋରାଙ୍କ ବିରୋଧରେ ରାଜୁ ମହାନ୍ତଙ୍କ ଅଭିଯୋଗ ପରେ ପୋଲିସ ନିତୁମୋନିଙ୍କୁ ଗିରଫ କରିଥିଲା। ଏହା ସହିତ ପୋଲିସ୍ ପକ୍ଷରୁ ଅନ୍ୟ ୫ ଜଣଙ୍କୁ ମଧ୍ୟ ଏହି ମାମଲାରେ ପଚରା ଉଚୁରା କରାଯାଇଥିଲା। ଏହା ପରେ ବିପ୍ଲବ୍ କୁମାର ଦେବଙ୍କ ବୈବାହିକ ଜୀବନକୁ ନେଇ ଆପତ୍ତିଜନକ ପୋଷ୍ଟ କରିଥିବା ଅନୁପମ ପଲଙ୍କୁ ପୋଲିସ୍ ଦିଲ୍ଳୀରୁ ଗିରଫ କରିଛି। ଏପ୍ରିଲ୍ ଶେଷ ଭାଗରେ ପଶ୍ଚିମ ଅଗରତାଲାରେ ପଲ୍ଙ୍କ ବିରୋଧରେ ଅଭିଯୋଗ କରାଯାଇଥିଲା।
2 Arrested For Social Media Posts Against Assam, Tripura Chief Ministers