ବିହାରରେ ମସ୍ତିଷ୍କ ଜ୍ବର ଏହାର ଆତଙ୍କ ବୃଦ୍ଧି କରିଚାଲିଛି। ମୁଜାଫରପୁରରେ ମସ୍ତିଷ୍କ ଜ୍ବରରେ ଶିଶୁଙ୍କ ମୃତ୍ୟୁ ସଂଖ୍ୟା ୫୭କୁ ବୃଦ୍ଧି ପାଇଛି। ବିଗତ ୧୫ ଦିନ ମଧ୍ୟରେ ରାଜ୍ୟରେ ୫୭ ଶିଶୁଙ୍କ ମୃତ୍ୟୁ ହୋଇଥିବା ନେଇ ବିହାର ସ୍ବାସ୍ଥ୍ୟ ମନ୍ତ୍ରୀ ମଙ୍ଗଲ ପାଣ୍ଡେ ସୂଚନା ଦେଇଛନ୍ତି। ଶ୍ରୀ କ୍ରୀଷ୍ଣା ମେଡିକାଲ କଲେଜ୍ରେ ୪୭ ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ୧୦ ଜଣଙ୍କର କେଜ୍ରିଓ୍ବାଲ ହସ୍ପିଟାଲରେ ମୃତ୍ୟୁ ହୋଇଛି। ପରସ୍ଥିତି ଉପରେ ନଜର ରଖାଯାଇଛି ଏବଂ ଖୁବ୍ ଶୀଘ୍ର ଏହାକୁ ନିୟନ୍ତ୍ରଣକୁ ଅଣାଯିବ ବୋଲି କହିଛନ୍ତି ପାଣ୍ଡେ। ମୁଜାଫରପୁରରେ ଏହି ଘଟଣାର ତଦନ୍ତ ନିମନ୍ତେ ଜଣେ ପ୍ରଫେସର, ତିନି ସହଯୋଗୀ ପ୍ରଫେସର, ୯ ଜଣ ଡାକ୍ତରଙ୍କୁ ନେଇ ଗଠିତ କମିଟି ଏହି ଘଟଣାର ତଦନ୍ତ କରିବେ। ସେହିପରି ସରକାର ସମସ୍ତ ଡାକ୍ତରଖାନାରେ ଅଧିକ ଖଟିଆର ବ୍ୟବସ୍ଥା କରାଯାଇଛି ବୋଲି ପାଣ୍ଡେ ସୂଚନା ଦେଇଛନ୍ତି।
