ଭୁବନେଶ୍ବର: ଆଜି ଅଯୋଦ୍ଧାରେ ରାମଲାଲା ପ୍ରାଣ ପ୍ରତିଷ୍ଠା ଉତ୍ସବ ଯୋଗୁଁ ସାରା ଦେଶ ରାମମୟ ହୋଇପଡିଛି। ଅଯୋଦ୍ଧାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଶେଷ ପୂଜା ଅର୍ଚ୍ଚନା କରି ରାମ ମୂର୍ତ୍ତିରେ ପ୍ରାଣ ପ୍ରତିଷ୍ଠା କରାଇଛନ୍ତି। ଏହି ଉତ୍ସବ ଦେଖିବା ପାଇଁ ଲକ୍ଷାଧିକ ଲୋକଙ୍କର ସମାଗମ ହୋଇଥିଲା। ହେଲେ ବହୁ ଭକ୍ତ ଟିଭି ସିଧାପ୍ରସାରଣ ଦେଖି ସେମାନଙ୍କର ଇଚ୍ଛାକୁ ପୂରଣ କରିଛନ୍ତି।
ସେହିପରି ଜଗନ୍ନାଥଙ୍କ ପରମ ଭକ୍ତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ନବୀନ ଓଡିଶାର ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ ମଧ୍ୟ ଟିଭିରୁ ସିଧା ପ୍ରସାରଣ ଦେଖିଛନ୍ତି। ଉଭୟ ଏକ ହିନ୍ଦି ଚ୍ୟାନେଲରୁ ଅଯୋଦ୍ଧାରେ ହେଉଥିବା ଏହି ମହାସମାରୋହକୁ ଦର୍ଶନ କରିଥିଲେ। ପ୍ରାଣ ପ୍ରତିଷ୍ଠା ସମୟରେ ଉଭୟ ନବୀନ ଏବଂ କାର୍ତ୍ତିକ ରାମଲାଲାଙ୍କୁ ହାତ ଯୋଡି ମୁଣ୍ଡିଆ ମାରିଥିଲେ।