ମାଗଣା ଯାତ୍ରା ପ୍ରଦାନ କଲେ ଦେବାଳିଆ ହେବ ଦିଲ୍ଳୀ ମେଟ୍ରୋ : ଇ ଶ୍ରୀଧରନ୍‌

ଦିଲ୍ଲୀ ମେଟ୍ରୋର ପୂର୍ବତନ ମୁଖ୍ୟ ତଥା ଭାରତର ମେଟ୍ରୋମ୍ୟାନ୍ ଭାବରେ ପରିଚିତ ଇ ଶ୍ରୀଧରନ୍‌ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଦିଲ୍ଳୀ ମେଟ୍ରୋର ମାଗଣା ଯାତ୍ରା ନେଇ ଏକ ଚିଠି ଲେଖିଛନ୍ତି। ଦିଲ୍ଲୀ ମେଟ୍ରୋରେ ମାଗଣା ଯାତ୍ରା ପ୍ରଦାନ କରାଗଲେ ଏହା ଦିଲ୍ଲୀ ମେଟ୍ରୋକୁ ଦେବାଳିଆ କରିଦେବ ବୋଲି ଶ୍ରୀଧରନ୍‌ ଚିଠିରେ ଉଲ୍ଲେଖ କରିଛନ୍ତି। ୨୦୦୨ରେ ମେଟ୍ରୋ ସେବା ଆରମ୍ଭ ହେବା ସମୟରେ ସମସ୍ତେ ଟିକଟ କିଣିବା ଆବଶ୍ୟକ ବୋଲି ନିୟମ ରହିଥିଲା। ଏପରିକି ତତ୍କାଳୀନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ମଧ୍ୟ ଟିକଟ କରି ଯାଇଥିଲେ। ଏହି ନିୟମ ଲାଗୁ କରାଯିବା ଦ୍ବାରା ଡିଏମ୍‌ଆରସି ଉପରେ ଅତିରିକ୍ତ ୧୫୬୭ କୋଟିର ଆର୍ଥିକ ବୋଝ ପଡିବ ଯାହାକି ସଂସ୍ଥାକୁ ଦେବାଳିଆ କରିଦେବ। ତେଣୁ ଦିଲ୍ଲୀ ସରକାରଙ୍କ ପ୍ରସ୍ତାବକୁ ଅଗ୍ରାହ୍ୟ କରିବା ନିମନ୍ତେ ନିବେଦନ କରିଛନ୍ତି ଶ୍ରୀଧରନ୍‌।