ନୂଆଦିଲ୍ଲୀ: ଆଜି ପଞ୍ଜାବ-ହରିୟାଣାର ଶମ୍ଭୁ ସୀମାରେ ଯେତେବେଳେ କୃଷକମାନେ ଦିଲ୍ଲୀ ଚଲୋ ମାର୍ଚ୍ଚରେ ଆଗକୁ ବଢିବା ଆରମ୍ଭ କଲେ ସେତେବେଳେ ସେମାନଙ୍କ ଉପରକୁ ଲୁହବୁହା ଗ୍ୟାସ୍ ଗୁଳି ଚାଳନା କରାଯାଇଥିଲା। ଏହି କାରଣରୁ ଘଟଣାସ୍ଥଳରେ ଏକ ବଡ଼ ଧରଣର ଅଶାନ୍ତ ପରିବେଶ ସୃଷ୍ଟି ହୋଇଛି। ତେବେ ସେପଟେ କୃଷକ ନେତା ସରଭନ ସିଂ ପଣ୍ଢେର୍ ବିକ୍ଷୋଭକାରୀଙ୍କୁ ଆଗକୁ ନଆସିବାକୁ ନିବେଦନ କରିଛନ୍ତି।
ଏଥି ସହ ୫ ମ ପର୍ଯ୍ୟାୟ ଆଲୋଚନା ପାଇଁ କେନ୍ଦ୍ର କୃଷି ମନ୍ତ୍ରୀ ଅର୍ଜୁନ ମୁଣ୍ଡା କୃଷକ ନେତାମାନଙ୍କୁ ନିମନ୍ତ୍ରଣ କରିଛନ୍ତି। ଏବଂ ଶାନ୍ତି ବଜାୟ ରଖିବା ଆମ ପାଇଁ ଗୁରୁତ୍ୱପୂର୍ଣ୍ଣ ବୋଲି କୃଷିମନ୍ତ୍ରୀ କହିଛନ୍ତି।
