ପଶ୍ଚିମବଙ୍ଗରେ ରାଜନୈତିକ ଝଡ଼ ଥମିବାର ନାଁ ଧରୁନାହିଁ । ନିର୍ବାଚନୀ ହିଂସା ସହିତ ଶ୍ରୀରାମ ନାରାବାଜିକୁ ନେଇ ପଶ୍ଚିମବଙ୍ଗ ରାଜନୀତି ବେଶ୍ ସରଗରମ ରହିଥିବାବେଳେ ଦଳ ବଦଳ ରାଜନୀତି ମଧ୍ୟ ବେଶ୍ ଚର୍ଚ୍ଚା ଧରିଛି । ପଶ୍ଚିମବଙ୍ଗରେ ଚଳିତ ଲୋକସଭା ନିର୍ବାଚନ ସମୟରୁ ଭାଜପା ଓ ଟିଏମ୍ସି ମଧ୍ୟରେ ଲାଗି ରହିଛି ବିବାଦ । ଇତିମଧ୍ୟରେ ଟିଏମ୍ସିର ବହୁ କର୍ମୀ ବିଜେପିରେ ଯୋଗଦେଇଛନ୍ତି । ସୋମବାର ଦିନ ଟିଏମ୍ସିର ୧୨ ଜଣ କାଉନସିଲର ଓ ଜଣେ ବିଧାୟକ ପଦ୍ମ ଧରିଛନ୍ତି । ଏମାନଙ୍କ ମଧ୍ୟରେ ରହିଛନ୍ତି ନୌପଡା ବିଧାୟକ ସୁନିଲ ସିଂ ଓ ଅନ୍ୟମାନେ । ପଶ୍ଚିମବଙ୍ଗର ବିଜେପି ପ୍ରଭାରୀ କୈଳାସ ବିଜୟବର୍ଗୀୟ ଓ ମୁକୁଲ ରାୟଙ୍କ ଉପସ୍ଥିତିରେ ସେମାନେ ବିଧିବଦ୍ଧ ଭାବରେ ବିଜେପିରେ ସାମିଲ୍ ହୋଇଛନ୍ତି ।
Tags:
