ଦୀର୍ଘ ସମୟ ଧରି ମୌନବ୍ରତ ଅବଲମ୍ବନ କରିଥିବା କଂଗ୍ରେସ ପରିଶେଷରେ ଲୋକସଭାରେ ନିଜ ନେତାକୁ ଚୟନ କରିଛି । ଦଳ ତରଫରୁ ପଶ୍ଚିମବଙ୍ଗର ସାଂସଦ ଅଧୀର ରଂଜନ ଚୌଧୁରୀକୁ ଦଳ ନେତା ଚୟନ କରିଛି । କଂଗ୍ରେସ ଅଧ୍ୟକ୍ଷ ରାହୁଲ୍ ଗାନ୍ଧି ଏହି ପଦ ଗ୍ରହଣକୁ ପ୍ରତ୍ୟାଖାନ କରିବା ପରେ ଅଧୀରଙ୍କ ନାମକୁ ଚୟନ କରିଛି ଦଳ । ମଙ୍ଗଳବାର ଦିନ ଦୀର୍ଘ ରାଜନୈତିକ ଚର୍ଚ୍ଚା ପରେ ଏହି ନିଷ୍ପତ୍ତି ନିଆଯାଇଛି । ବୈଠକରେ ରାହୁଲ୍ ଗାନ୍ଧି ଓ ସୋନିଆ ଗାନ୍ଧିଙ୍କ ଉପସ୍ଥିତିରେ ଏହା ନିର୍ଣ୍ଣୟ କରାଯାଇଛି । ଚୌଧୁରୀଙ୍କକୁ ବିପକ୍ଷ ଦଳର ନେତା ଭାବେ ଚୟନ କରାଯାଇ ଏକ ପତ୍ର ପ୍ରେରଣ କରାଯାଇଛି । ଏହି ପତ୍ରରେ ସେ ସମସ୍ତ ମହତ୍ତ୍ବପୂର୍ଣ୍ଣ ଚୟନ ସମିତିରେ ପାର୍ଟିର ପ୍ରତିନିଧିତ୍ବ କରିବା ପାଇଁ ଉଲ୍ଲେଖ କରାଯାଇଛି । ଚୌଧୁରୀ ପଶ୍ଚିମବଙ୍ଗର ବରହମପୁରର ସାଂସଦ ରହିଛନ୍ତି । ସେହିପରି ରାଜ୍ୟସଭାରେ ବିରୋଧୀ ନେତା ଭାବେ ଗୁଲାମ ନବୀ ଆଜାଦ୍ ରହିଛନ୍ତି । ବୁଧବାର ଦିନ ପ୍ରଧାନମନ୍ତ୍ରୀ ମୋଦିଙ୍କ ଡକାଯାଇଥିବା ସର୍ବଦଳୀୟ ବୈଠକରେ ସେ ଅଂଶଗ୍ରହଣ କରିବେ । ବୁଧବାର ଦିନ ‘ଏକ ଦେଶ, ଏକ ନିର୍ବାଚନ’ ଉପରେ ଚର୍ଚ୍ଚା ପାଇଁ ଏହି ବୈଠକ ରଖଯାଇଛି ।
