ଚଳିତ କ୍ରିକେଟ ବିଶ୍ବକପ୍ରେ ଭାରତକୁ ବଡ ଝଟ୍କା । ଭାରତୀୟ ଓପ୍ନର ବାମହାତୀ ଶିଖର ଧଓ୍ବନ୍ ବିଶ୍ବକପ୍ରୁ ବାଦ ପଡିଛନ୍ତି । ଆଙ୍ଗୁଠିରେ ଆଘାତ ଯୋଗୁଁ ଧଓ୍ବନ୍ ବାଦ ପଡିଥିବା ବେଳେ ଧଓ୍ବନ୍ଙ୍କ ସ୍ଥାନରେ ବଦଳ ଖେଳାଳି ଭାବରେ ଯୋଗ ଦେଇଥିବା ଋଷଭ ପନ୍ତଙ୍କୁ ଦଳରେ ସାମିଲ କରାଯାଇଛି । ପନ୍ତଙ୍କ ସ୍ଥାନରେ ଧଓ୍ବନଙ୍କୁ ସାମିଲ କରାଇବା ନେଇ ଆଇସିସି ନିକଟରେ ଆବେଦନ କରାଯାଇଛି ବୋଲି ଭାରତୀୟ ଦଳର ମ୍ୟାନେଜର ସୁନୀଲ ସୁବ୍ରମଣ୍ୟମ ପ୍ରକାଶ କରିଛନ୍ତି । ଧଓ୍ବନ୍ ଅଷ୍ଟ୍ରେଲିଆ ବିପକ୍ଷ ମ୍ୟାଚ୍ରେ ଆହତ ହୋଇଥିବା ବେଳେ ଦୁଇ ସପ୍ତାହ ମଧ୍ୟରେ ଠିକ୍ ହେବା ନେଇ ଆଶାପ୍ରକାଶ କରାଯାଉଥିଲା ମାତ୍ର ଧଓ୍ବନ୍ ଜୁଲାଇ ପର୍ଯ୍ୟନ୍ତ ଠିକ୍ ହେବାର ସମ୍ଭାବନା କ୍ଷୀଣ ଥିବାରୁ ତାଙ୍କ ସ୍ଥାନରେ ପନ୍ତଙ୍କୁ ସାମିଲ କରାଯାଇଛି । ଧଓ୍ବନଙ୍କ ଅନୁପସ୍ଥିତିରେ ରାହୁଲ୍ ଓପନ୍ କରିବେ ତେଣୁ ଚାରି ନମ୍ବର ସ୍ଥାନ ପାଇଁ ବିଜୟ ଶଙ୍କର, ଦୀନେଶ କାର୍ତ୍ତିକ ଏବଂ ଋଷଭ ପନ୍ତଙ୍କ ମଧ୍ୟରେ କଡା ମୁକାବିଲା ହେବ ବୋଲି ଆଶା କରାଯାଉଛି ।
