ଅଭିନେତ୍ରୀରୁ ସାଂସଦ ହୋଇଥିବା ନୁସରତ୍ ଜହାଁ ପରିଣୟ ସୂତ୍ରରେ ବାନ୍ଧି ହୋଇଛନ୍ତି। କଲିକତାର ବିଜିନେସ୍ମ୍ୟାନ୍ ନିଖିଲ୍ ଜୈନ୍ଙ୍କୁ ବିବାହ କରିଛନ୍ତି ଏହି ଟିଏମ୍ସି ସାଂସଦ। ତୁର୍କୀର ଓ୍ବଡରୁମ୍ଠାରେ ହିନ୍ଦୀ ରୀତିରେ ବାହାଘର ସମ୍ପୂର୍ଣ୍ଣ ହୋଇଛି। ବିବାହର ଫଟୋକୁ ନୁସରତ୍ ନିଜ ଇନ୍ଷ୍ଟାଗ୍ରାମ୍ରେ ସେୟାର କରିଛନ୍ତି। ଏହି ବିବାହ ଉତ୍ସବରେ ପରିବାରର କିଛି ସଦସ୍ୟଙ୍କ ସହ ଅଳ୍ପ କିଛି ଘନିଷ୍ଠ ବନ୍ଧୁ ଉପସ୍ଥିତ ରହିଥିଲେ। ଏହି ବିବାହ ଉତ୍ସବରେ ଟିଏମ୍ସିର ଅନ୍ୟତମ ସାଂସଦ ମିମି ଚକ୍ରବର୍ତ୍ତୀ ମଧ୍ୟ ସାମିଲ୍ ହୋଇଥିଲେ। ନୁସରତ୍ ପଶ୍ଚିମବଙ୍ଗର ବସୀରହାଟରୁ ସାଂସଦ ରୂପେ ନିର୍ବାଚିତ ହୋଇଛନ୍ତି। ସେ ବିଜେପିର ସାୟନ୍ତନ ବସୁଙ୍କୁ ୩,୫୦,୩୬୯ ଭୋଟ୍ରେ ହରାଇଥିଲେ। ‘ଖୋଖା ୪୨୦’, ‘ଖିଲାଡି’, ‘ସୋନ୍ଧେ ନମାର ଆଗେୟ ପରି ଫିଲ୍ମରେ ଅଭିନୟ କରି ବେଶ୍ ଲୋକପ୍ରିୟତା ପାଇଥିଲେ ନୁସରତ୍। ଏହା ସହିତ ସୋସିଆଲ ମିଡ଼ିଆରେ ବେଶ୍ ସକ୍ରିୟ ରହିଛନ୍ତି ଏହି ଅଭିନେତ୍ରୀ ତଥା ସାଂସଦ ଜଣକ।
tmc mp nusrat jahan marraige ceremony