ନୂଆଦିଲ୍ଲୀ: ଲକ୍ଷ୍ନୌ ସୁପର ଜଏଣ୍ଟସ୍ ଏବଂ ପଞ୍ଜାବ କିଙ୍ଗସ୍ ୨୦୨୪ ଆଇପିଏଲ୍ ର ୧୧ ତମ ମ୍ୟାଚ୍ ରେ ମୁହାଁମୁହିଁ ହେବେ। ଉଭୟ ଦଳର ଏହି ମ୍ୟାଚ୍ ଲକ୍ଷ୍ନୌରେ ଅବସ୍ଥିତ ଅଟଳ ବିହାରୀ ବାଜପେୟୀ ଇକାନା କ୍ରିକେଟ୍ ଷ୍ଟାଡିୟମରେ ଖେଳାଯିବ। ଶିଖର ଧାୱନଙ୍କ ଅଧିନାୟକତ୍ୱରେ ପଞ୍ଜାବ ଏପର୍ଯ୍ୟନ୍ତ ଆଇପିଏଲ୍ ରେ ୨ ଟି ମ୍ୟାଚ୍ ଖେଳିଛି, ସେଥିମଧ୍ୟରୁ ସେମାନେ ଥରେ ଜିତିଛନ୍ତି ଏବଂ ଥରେ ହାରିଛନ୍ତି। ଅନ୍ୟପକ୍ଷରେ ଲକ୍ଷ୍ନୌ ଏପର୍ଯ୍ୟନ୍ତ ମାତ୍ର ୧ ଟି ମ୍ୟାଚ୍ ଖେଳିଛି, ଯେଉଁଥିରେ ରାଜସ୍ଥାନ ରୟାଲ୍ସ ହାତରେ ୨୦ ରନ୍ ରେ ପରାଜୟର ସମ୍ମୁଖୀନ ହେବାକୁ ପଡିଛି।
ପିଚ୍ ର ସ୍ଥିତି କ’ଣ?:
୨୦୨୪ ଆଇପିଏଲ୍ ର ୧୧ ତମ ମ୍ୟାଚ୍ ରେ LSG ଏବଂ PBKS ମୁହାଁମୁହିଁ ହେବେ, କିନ୍ତୁ ଏହା ଚଳିତ ସଂସ୍କରଣର ପ୍ରଥମ ମ୍ୟାଚ୍ ହେବ ଯାହା ଇକାନା ପିଚ୍ ରେ ଖେଳାଯିବ। ଯଦି ଆମେ ଇତିହାସକୁ ଦେଖିବା, ଇକାନାର ପିଚ୍ ସ୍ପିନ୍ ବୋଲରମାନଙ୍କ ପାଇଁ ବିଶେଷ ସହାୟକ ହୋଇଥାଏ କାରଣ ପିଚ ଧିମାଥାଏ। ଏଥର ମଧ୍ୟ ଲକ୍ଷ୍ନୌ ଏବଂ ପଞ୍ଜାବ ମଧ୍ୟରେ ଖେଳାଯାଇଥିବା ମ୍ୟାଚରେ ସ୍ପିନ୍ ବୋଲରମାନେ ନିଜ ନିଜ ବିରୋଧୀ ବ୍ୟାଟ୍ସମ୍ୟାନ୍ ଙ୍କ ପାଇଁ ସମସ୍ୟା ସୃଷ୍ଟି କରିପାରନ୍ତି। ଏହି ଗ୍ରାଉଣ୍ଡରେ ଏକ ବଡ଼ ସ୍କୋର କ୍ୱଚିତ୍ ଦେଖିବାକୁ ମିଳେ। ତେଣୁ ଉଭୟ ଦଳ ଅତି କମରେ ୨ ଟି ଫୁଲ୍ ଟାଇମ୍ ସ୍ପିନ୍ ବୋଲରଙ୍କ ସହ ପଡିଆକୁ ଓହ୍ଲାଇପାରନ୍ତି।
ଆଇପିଏଲର ପ୍ରଥମ ମ୍ୟାଚ୍ ୨୦୨୩ ମସିହାରେ ଅଟଳ ବିହାରୀ ବାଜପେୟୀ ଷ୍ଟାଡିୟମରେ ଖେଳାଯାଇଥିଲା। ଏହା ପରେ ଏହି ଗ୍ରାଉଣ୍ଡରେ ମୋଟ ୭ ଟି ମ୍ୟାଚ୍ ଖେଳାଯାଇଛି। ଏହି ୭ ଟି ମ୍ୟାଚ୍ ମଧ୍ୟରୁ ୪ ଥର ପ୍ରଥମେ ବ୍ୟାଟିଂ କରିଥିବା ଦଳ ଜିତିଛି ଏବଂ ପିଛା କରୁଥିବା ଦଳ ମାତ୍ର ୨ ଥର ଜିତିଛି। ଗୋଟିଏ ମ୍ୟାଚର କୌଣସି ଫଳାଫଳ ମିଳିନାହିଁ। LSG ବନାମ PBKS ମ୍ୟାଚ୍ ବିଷୟରେ କହିବାକୁ ଗଲେ ଟସ୍ ଜିତିଥିବା ଦଳ ଏହି ସ୍ୱଳ୍ପ ସ୍କୋର ଗ୍ରାଉଣ୍ଡରେ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇପାରେ।
୨୦୨୪ ଆଇପିଏଲ୍ ରେ ଲକ୍ଷ୍ନୌ ସୁପର ଜଏଣ୍ଟସ୍ ପ୍ରଥମ ମ୍ୟାଚରେ ରାଜସ୍ଥାନ ରୟାଲ୍ସ ଦ୍ୱାରା ୨୦ ରନ୍ ରେ ପରାସ୍ତ କରିଥିଲା। ନିଜ ଘରୋଇ ଗ୍ରାଉଣ୍ଡରେ ଲକ୍ଷ୍ନୌର ରେକର୍ଡ ଏତେ ଭଲ ନାହିଁ, ତେଣୁ ପଞ୍ଜାବ କିଙ୍ଗ୍ସ ଦଳ ସେମାନଙ୍କ ପାଇଁ ଏକ ବଡ଼ ବିପଦ ବୋଲି କୁହାଯାଉଛି। ଲକ୍ଷ୍ନୌ ବର୍ତ୍ତମାନ ପଏଣ୍ଟ ଟେବୁଲର ଶେଷ ସ୍ଥାନ’ରେ ଅଛି, କିନ୍ତୁ ଦଳ ଏହାର ପ୍ରଥମ ବିଜୟ ପଞ୍ଜିକରଣ କରି ଏକ ଉତ୍ତମ ସ୍ଥିତି ହାସଲ କରିବାକୁ ଚାହୁଁଛି।