ଫିଲ୍ମ ଫ୍ରାଇଡେ’ରେ ରିଲିଜ୍ ହୋଇଛି ଅଭିନେତା ଶାହିଦ୍ କପୁର୍ଙ୍କ ବହୁ ପ୍ରତୀକ୍ଷିତ ଫିଲ୍ମ ‘କବୀର୍ ସିଂ’ । ତେଲୁଗୁ ବ୍ଲକ୍ବଷ୍ଟର ଫିଲ୍ମ ‘ଅର୍ଜୁନ୍ ରେଡ୍ଡି’ର ରିମେକ୍ ହେଉଛି ଏହି ଫିଲ୍ମ । ସନ୍ଦୀପ ଭାଙ୍ଗା ରେଡ୍ଡିଙ୍କ ନିର୍ଦ୍ଦେଶିତ ଏହି ଫିଲ୍ମରେ ଶାହିଦ୍ଙ୍କ ବ୍ୟତୀତ କିଆରା ଆଡଭାନୀ, ସୁରେଶ୍ ଓବରୟେ, ନିକିତା ଦତ୍ତ, ଅର୍ଜନ ବାଜ୍ଓ୍ବା ପ୍ରମୁଖ ଅଭିନୟ କରିଛନ୍ତି । ଏହି ଫିଲ୍ମରେ ଶାହିଦ୍ କପୁର୍ଙ୍କ ଜଣେ ବିଫଳ ପ୍ରେମିକ ତଥା ମଦ୍ୟପ ଭୂମିକାରେ ଦେଖିବାକୁ ମିଳିଥିବାବେଳେ କିଆରାଙ୍କୁ ଜଣେ ସାଧାସିଧା ଝିଅର ଚରିତ୍ରରେ ଦେଖିବାକୁ ମିଳିଛି । ଏଥିରେ ପୁଣି ଦିଓ୍ବାନଗୀର କାହାଣୀ ନଜର ଆସିଛି। ମୋଟ ଉପରେ କହିବାକୁ ଗଲେ ଏହି ରୋମାଣ୍ଟିକ୍ ଫିଲ୍ମଟି ଟୁଇଷ୍ଟ୍ ଓ ଟର୍ଣ୍ଣରେ ଭରପୂର ରହିଛି । ବହୁତ ଦିନ ପରେ ଏହିପରି ଏକ ଲଭ୍ଷ୍ଟୋରୀ ବଡ଼ପରଦାକୁ ଆସିଛି । ଫିଲ୍ମର ଗୀତଗୁଡ଼ିକ ବେଶ୍ ମନଛୁଆଁ ରହିଛି । ତେବେ ‘ଅର୍ଜୁନ୍ ରେଡ୍ଡି’ ସଫଳ ହୋଇଥିବା ବେଳେ ଏହି ଫିଲ୍ମଟି ସେତେ ସଫଳତା ପାଇପାରୁଛି କି ନାହିଁ ତାହା ଉପରେ ନଜର ରହିବ ।
teasure release of kabir singh movie