ନୂଆଦିଲ୍ଲୀ: ପୂର୍ବତନ ଆଇଏଫଏସ୍ ଅଧିକାରୀ, ଆମେରିକାର ପୂର୍ବତନ ଭାରତୀୟ ରାଷ୍ଟ୍ରଦୂତ ତଥା ପଞ୍ଜାବର ଅମୃତସର ଆସନରୁ ବିଜେପି ପ୍ରାର୍ଥୀ ତରଣଜିତ ସିଂ ସନ୍ଧୁଙ୍କୁ ୱାଇ ପ୍ଲସ୍ ସୁରକ୍ଷା ଦିଆଯାଇଛି। ନିକଟରେ ତରଣଜିତ ସିଂ ସନ୍ଧୁ ବିଜେପିରେ ଯୋଗ ଦେଇଥିଲେ।
ମାର୍ଚ୍ଚରେ ତରଣଜିତ ସିଂ ସାନ୍ଧୁ ବିଜେପିର ଜାତୀୟ ସାଧାରଣ ସମ୍ପାଦକ, ଦଳର ଜାତୀୟ ସଚିବ ମଞ୍ଜିନ୍ଦର ସିଂ ସିର୍ସା ଏବଂ ଅନ୍ୟ ନେତାଙ୍କ ଉପସ୍ଥିତିରେ ବିଜେପିରେ ଯୋଗ ଦେଇଥିଲେ। ଏହି ସମୟରେ ସନ୍ଧୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପ୍ରଶଂସା କରିଥିଲେ।
ବିଜେପିରେ ଯୋଗଦେବା ପରେ ତରଣଜିତ ସିଂ ସନ୍ଧୁ କହିଛନ୍ତି ଯେ, ଗତ ୧୦ ବର୍ଷ ମଧ୍ୟରେ ସେ ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ କାର୍ଯ୍ୟ କରିଛନ୍ତି ଏବଂ ଆମେରିକା ଏବଂ ଶ୍ରୀଲଙ୍କା ଭଳି ଦେଶରେ କାର୍ଯ୍ୟ କରିଛନ୍ତି। ଗତ ଚାରି ବର୍ଷ ମଧ୍ୟରେ ଆମେରିକା ସହ ଭାରତର ସମ୍ପର୍କ ଏକ ଭାଗିଦାରୀ ରୂପରେ ବଦଳିଛି। ଦୁଇ ଦେଶ ମଧ୍ୟରେ ସମ୍ପର୍କ ଅଧିକ ଶକ୍ତିଶାଳୀ ହୋଇଛି।
ଏହି ଅବସରରେ ସେ ପ୍ରଧାନମନ୍ତ୍ରୀ ମୋଦୀ, ବିଜେପି ସଭାପତି ଜେପି ନଡ୍ଡା ଏବଂ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଧନ୍ୟବାଦ ଜଣାଇଛନ୍ତି।