ପୂର୍ବତନ ଆଇଏଏସ ଅଫିସର୍ ଅଶ୍ବିନୀ ବୈଷ୍ଣବଙ୍କ ପ୍ରାର୍ଥୀତ୍ବକୁ ନେଇ ଏବେ ଓଡ଼ିଶା ରାଜନୀତି ବେଶ୍ ସରଗରମ। ବିଜେପି ତରଫରୁ ରାଜ୍ୟସଭା ପ୍ରାର୍ଥୀ ହୋଇଥିବା ବୈଷ୍ଣବଙ୍କୁ ବିଜେଡ଼ି ସମର୍ଥନ କରୁଥିବାବେଳେ ଏବେ ଏହାକୁ ନେଇ କଂଗ୍ରେସ ଆକ୍ରମଣ କରିଛି। ଉଭୟ ବିଜେପି ଓ ବିଜେଡ଼ିକୁ ସମାଲୋଚନା କରିଛନ୍ତି କଂଗ୍ରେସ ନେତା ସତ୍ୟ ନାୟକ। ଅଶ୍ବିନୀଙ୍କୁ ବିଜେଡ଼ିର ସମର୍ଥନ ଦ୍ବାରା ଓଡ଼ିଶାର କ’ଣ ସ୍ବାର୍ଥ ହାସଲ ହେଲା ବୋଲି ପ୍ରଶ୍ନ କରିଛନ୍ତି ସତ୍ୟ ନାୟକ। ବିରୋଧୀ ଦଳ ଭାବେ ବିଜେପିର ନୈତିକତା ହରାଇଛି ବୋଲି କହିଛନ୍ତି ସତ୍ୟ ନାୟକ। ସେହିପରି ଅଶ୍ବିନୀଙ୍କ ଓଡ଼ିଶା ପ୍ରତି କ’ଣ ଅବଦାନ ଅଛି, ତା’ର ଉତ୍ତର ନବୀନ ଦେବେ କି ବୋଲି ପ୍ରଶ୍ନ କରିଛି କଂଗ୍ରେସ। ଉଭୟ ଦଳକୁ କଟାକ୍ଷ କରି ପୋଡ଼ା ଟ୍ରାନ୍ସଫର୍ମର ଓ ଡବଲ୍ ଇଞ୍ଜିନ୍ ଏକାଠି ହେବାର କାରଣ କ’ଣ ବୋଲି ପ୍ରଶ୍ନ କରିଛି କଂଗ୍ରେସ। ତେବେ ଚିଟ୍ଫଣ୍ଡରେ ଟଣାହେବା ଆଶଙ୍କାରେ ବିଜେପି କଥାକୁ ବିଜେଡ଼ି ମାନିନେଇଛୁ ଓ ଉଭୟ ଦଳଙ୍କ ମଧ୍ୟରେ ଅଘୋଷିତ ମେଣ୍ଟ ଚାଲିଛି ବୋଲି କହିଛନ୍ତି କଂଗ୍ରେସ ନେତା ସତ୍ୟ ନାୟକ।
