ଭୁବନେଶ୍ବର: ବର୍ତ୍ତମାନ ସାରା ରାଜ୍ୟରେ ପ୍ରବଳ ଗ୍ରୀଷ୍ମ ପ୍ରବାହ ଲାଗିରହିଛି। ଏହା ଆସନ୍ତା 6 ତାରିଖ ପର୍ଯ୍ୟନ୍ତ ଲାଗି ରହିବ ବୋଲି ଜଣାପଡିଛି। ତେବେ ଏହି ଖରା ସମୟରେ ଟ୍ରାଫିକ ଛକରେ ଅପେକ୍ଷା କରିବା ସବୁଠାରୁ କଷ୍ଟକର ବ୍ୟାପାର। ବିଶେଷ କରି ଦୁଇଚକିଆ ଯାନରେ ଯାଉଥିବା ଲୋକଙ୍କ ଅବସ୍ଥା ଆହୁରି ଖରାପ ହୋଇପଡେ।
ଏହି ଅବସ୍ଥାକୁ ଦୃଷ୍ଟିରେ ରଖି ବିଏମସି ରାଜଧାନୀର ବିଭିନ୍ନ ଛକ ପାଖରେ ଅସ୍ଥାୟୀ ଛପର କରିଛି। ଉପରେ ପଲଥିନ ଦେଇ ଏହି ଛପର କରାଯାଇଛି। ଫଳରେ ଟ୍ରାଫିକ ଲାଇଟକୁ ଅପେକ୍ଷା କରିଥିବା ଯାତ୍ରୀମାନେ ସାମୟିକ ଅସ୍ବସ୍ଥି ଅନୁଭବ କରିପାରିବେ। ବର୍ତ୍ତମାନ ଏହା ମୁଖ୍ୟ ଟ୍ରାଫିକଗୁଡିକରେ ନିର୍ମାଣ କରାଯାଇଛି। ପରବର୍ତ୍ତି ସମୟରେ ଏହି ସବୁ ଟ୍ରାଫିକ ଛକରେ କରାଯିବ ବୋଲି ନିଷ୍ପତି ହୋଇଛି।
