ଭୁବନେଶ୍ବର: ବର୍ତ୍ତମାନ ଓଡିଶାର ଯେଉଁ କେତୋଟି ଲୋକସଭା ନିର୍ବାଚନ ଟକ୍କର ହେଉଛି ସେଥିମଧ୍ୟରୁ ଗୋଟିଏ ହେଉଛି କେନ୍ଦ୍ରାପଡା। ଏହି ନିର୍ବାଚନ ମଣ୍ଡଳିରେ ବିଜେପିର ଟାଣୁଆ ନେତା ବୈଜୟନ୍ତ ପଣ୍ଡାଙ୍କ ସହିତ ମୁକାବିଲା ହେଉଛି ବିଜେଡିର ଅଂଶୁମାନ ମହାନ୍ତିଙ୍କ ସହିତ। ପ୍ରଚାର ଜୋରଦାର ଚାଲିଥିବା ବେଳେ ବିଜେପି ପ୍ରାର୍ଥୀ ବୈଜୟନ୍ତ ପଣ୍ଡା ଅସୁସ୍ଥ ହୋଇଛନ୍ତି।
ପ୍ରଚାର ସମୟରେ ବୈଜୟନ୍ତ ହଠାତ ଆଖିରେ ଯନ୍ତ୍ରଣା ଅନୁଭବ କଲେ। ପରେ ଡାକ୍ତରଙ୍କୁ ଦେଖାଇବା ପରେ ତୁରନ୍ତ ଅପରେସନର ଆବଶ୍ୟକତା ରହିଛି ବୋଲି ପରାମର୍ଶ ଦିଆଗଲା। ସେହି ଅନୁସାରେ ଡାକ୍ତର ବୈଜୟନ୍ତ ପଣ୍ଡା ଆଖିରେ ଅପରେସନ କରିଛନ୍ତି। ସେଥିପାଇଁ ସେ କିଛିଦିନ ବିଶ୍ରାମ କରିବେ ବୋଲି ଡାକ୍ତର କହିଥିବାରୁ ସେ ପ୍ରଚାରରୁ ଦୂରେଇ ରହିବେ।
