ପଶ୍ଚିମବଙ୍ଗର ଝୁଲନ୍ତା ପୋଲ ଭୁଶୁଡି 2 ଜଣଙ୍କର ମୃତ୍ୟୁ ଘଟିଥିବା ବେଳେ 4 ଜଣ ଆହତ ହୋଇଛନ୍ତି। କାଲିମପୋଙ୍ଗ ଜିଲ୍ଲାରେ ଏକ ସରୁଆ ସ୍ରୋତ ଉପରେ ରହିଥିବା ଏହି ଝୁଲନ୍ତା ପୋଲ ଭୁଶୁଡି ପଡିଛି। ରବିୁବାର ସନ୍ଧ୍ୟାରେ ଘଟିଥିବା ଏହି ଦୁର୍ଘଟଣାରେ ତେକ୍ ବାହାଦୁର ସୁବ୍ବା(52) ଏବଂ ଏତ୍ରାଜ୍ ରାଜ ରାୟ (23)ଙ୍କ ପ୍ରାଣହାନି ଘଟିଛି। ଆହତଙ୍କ ମଧ୍ୟରୁ ଜଣଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ସିଲିଗୁଡି ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ଏହି ଝୁଲନ୍ତା ପୋଲର ଦଉଡି ଛିଣ୍ଡି ଯିବାରୁ ଏହି ଘଟଣା ଘଟିଥିଲା । ଉକ୍ତ 6 ଜଣ ସେହି ସମୟରେ ପୋଲ ଅତିକ୍ରମ କରୁଥିଲେ। ଦୁର୍ଘଟଣାର କାରଣ ସମ୍ପର୍କରେ ତଦନ୍ତ ଜାରି ରହିଥିବା ନେଇ ପୋଲିସ୍ ପକ୍ଷରୁ ସୂଚନା ମିଳିଛି।
Tags:
