ଭୁବନେଶ୍ବର: ଆରମ୍ଭ ହୋଇଛି ରାଜ୍ୟ ବିଧାନସଭା ଏବଂ ଲୋକସଭା ନିର୍ବାଚନର ଭୋଟ ଗଣତି। ପ୍ରାରମ୍ଭିକ ଗଣତିରେ ଓଡିଶାର ମୋଟ ୨୧ ଟି ଲୋକସଭା ଆସନରୁ ୯ ଟି ଆସନର ଟ୍ରେଣ୍ଡ ଆସୁଥିବା ବେଳେ ବିଜେଡ଼ିକୁ ୧ ଟି, ବିଜେପିକୁ ୬ ଟି ଏବଂ କଂଗ୍ରେସ ୨ ଟି ଆସନରେ ବିଜେପି ଆଗରେ ଚାଲିଛି। ସେହିଭଳି ବିଧାନସଭାର ମୋଟ ୧୪୭ ଟି ଆସନରେ ୧୫ ଟି ଆସନର ଟ୍ରେଣ୍ଡ ଆସିଥିବା ବେଳେ ଏଥିରୁ ବିଜେଡିକୁ ୫ ଟି, ବିଜେପିକୁ ୦୯ ଏବଂ କଂଗ୍ରେସକୁ ୧ ଟି ଆସନରେ ଆଗୁଆ ଅଛି।
ପ୍ରଥମେ ପୋଷ୍ଟାଲ ବାଲଟ ଗଣତି ପରେ ୮ ଟା ୩୦ ମିନଟରେ ବର୍ତ୍ତମାନ ଇଭିଏମ ଗଣତି ଆରମ୍ଭ ହୋଇଯାଇଛି। ଆଜି ଓଡିଶାର ୭୦ ଟି ଗଣତି କେନ୍ଦ୍ରରେ ଭୋଟ ଗଣତି ଚାଲିଛି। ସେଥିପାଇଁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି। ପ୍ରଥମେ ଗଣତି ଅଧିକାରୀ ଏବଂ ରାଜନୈତିକ ଏଜେଣ୍ଟମାନେ କେନ୍ଦ୍ରରେ ପହଞ୍ଚିବା ପରେ ଶପଥ ପାଠ କରାଯାଇଥିଲା। ଏଥିରେ ଭିତର କଥା କିପରି ବାହାରକୁ ଯିବ ନାହିଁ ତାହା ଶପଥ କରାଯାଇ ପୋଷ୍ଟାଲ ବାଲଟ ଗଣତି ଆରମ୍ଭ ହୋଇଥିଲା।