ବୈଦେଶିକ ସଚିବରୁ ବୈଦେଶିକ ମନ୍ତ୍ର ହୋଇଥିବା ସୁବ୍ରମଣ୍ୟମ ଜୟଶଙ୍କର ସୋମବାର ଭାଜପା କାର୍ଯ୍ୟକାରୀ ଅଧ୍ୟକ୍ଷ ଜେପି ନଡ୍ଡାଙ୍କ ଉପସ୍ଥିତିରେ ଔପଚାରିକ ଭାବେ ବିଜେପିରେ ସାମିଲ୍ ହୋଇଛନ୍ତି । ନରେନ୍ଦ୍ର ମୋଦିଙ୍କ ଦ୍ବିତୀୟ କାର୍ଯ୍ୟକାଳରେ ଏସ୍. ଜୟଶଙ୍କର ସରକାରରେ ସାମିଲ୍ ହୋଇଛନ୍ତି । ଗତ ମେ ୩୦ ତାରିଖରେ ଅନ୍ୟ ସମସ୍ତ ମନ୍ତ୍ରୀମାନଙ୍କ ସହ ମନ୍ତ୍ରୀ ପଦର ଶପଥ ନେଇଥିଲେ ଏସ୍. ଜୟଶଙ୍କର । ବିଜେପି ତାଙ୍କୁ ଗୁଜୁରାଟ ରାଜ୍ୟସଭାରୁ ପ୍ରାର୍ଥୀ କରିବ । ଶପଥ ନେବାର ଛ’ମାସ ଭିତରେସଂସଦର ଯେକୌଣସି ଗୃହର ସଦସ୍ୟ ହେବା ଜରୁରୀ । ମୋଦିଙ୍କ ପ୍ରଥମ ଶାସନ କାଳରେ ବୈଦେଶିକ ମନ୍ତ୍ରୀ ଭାବେ ସୁଷମା ସ୍ବରାଜ ରହିଥିଲେ । ଚଳିତଥର ଲୋକସଭା ନିର୍ବାଚନ ନ ଲଢିବା ନେଇ ସୁଷମା ନିଷ୍ପତ୍ତି ନେଇଥିଲେ । ସୁଷମାଙ୍କ ସ୍ଥାନରେ ମୋଦି ଏସ୍. ଜୟଶଙ୍କରକୁ ବୈଦେଶିକ ମନ୍ତ୍ରୀ କରିଛନ୍ତି । ୬୪ ବର୍ଷୀୟ ଏସ୍. ଜୟଶଙ୍କର ୧୯୭୭ରେ ଭାରତୀୟ ବୈଦେଶିକ ସେବାରେ ସାମିଲ୍ ହୋଇଥିଲେ । ଏସ୍. ଶଙ୍କର ସଂଯୁକ୍ତ ରାଷ୍ଟ୍ର ଆମେରିକା, ଚୀନ, ଚେକ୍ ଗଣରାଜ୍ୟରେ ଭାରତୀୟ ରାଷ୍ଟ୍ରଦୂତ ଓ ସିଙ୍ଗାପୁରରେ ଉଚ୍ଚାୟୁକ୍ତ ରୂପେ କାର୍ଯ୍ୟ କରିଛନ୍ତି ।
s. jayashankar join in bjp