ଇମରଜେନ୍ସିକୁ ୪୪ ବର୍ଷ ପୂରଣ ହେଲା । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ୍ ଶାହା ଟୁଇଟ୍ କରି କଡା ପ୍ରତିକ୍ରିୟା ରଖିବା ସହ ଇଶାରା ଇଶାରାରେ କଂଗ୍ରେସ ଟାର୍ଗେଟ୍ କରିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ଭିଡ଼ିଓ ଜରିଆରେ ଇମରଜେନ୍ସିକୁ ମନେ ପକାଇବା ସହ ଏହି ବିରୋଧରେ ଲଢୁଥିବା ଲୋକଙ୍କୁ ସଲାମ କରିଥିବାବେଳେ ରାଜନୈତିକ ହିତ ପାଇଁ ଲୋକତନ୍ତ୍ରର ହତ୍ୟା କରାଯାଇଥିଲା ବୋଲି ଶାହା କହିଛନ୍ତି । ତେବେ ଇମରଜେନ୍ସିକୁ ନେଇ ଭିନ୍ନ ବୟାନ ଦେଇଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ଟିଏମ୍ସି ସୁପ୍ରିମୋ ମମତା ବାନାର୍ଜୀ । ମମତା ମୋଦି-ଶାହାଙ୍କୁ ନିଶାନା କରି କହିଛନ୍ତି ଯେ, ଗତ ପାଞ୍ଚ ବର୍ଷ ହେଲାଣି ଦେଶରେ ସୁପର ଇମରଜେନ୍ସି ଲାଗୁ ହୋଇଛି । ଆଜିର ଦିନ ଅର୍ଥାତ୍ ୨୫ ଜୁନ୍ ୧୯୭୫ ମସିହାରେ ତତ୍କାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧି ଦେଶରେ ଇମରଜେନ୍ସିର ଘୋଷଣା କରିଥିଲେ । ଏହା ୧୯୭୭ ମସିହା ମାର୍ଚ୍ଚ ୨୧ ପର୍ଯ୍ୟନ୍ତ ଚାଲିଥିଲା । ବିଜେପି ଓ ଟିଏମ୍ସି ଏବେ ଦୁହେଁ ଦୁହିଁଙ୍କର ଘୋର ବିରୋଧୀ ହୋଇଛନ୍ତି । ମମତା ବାନାର୍ଜୀ କେନ୍ଦ୍ର ସରକାର, ନିର୍ବାଚନ ଆୟୋଗ୍, ସିବିଆଇ ପରି ସାମ୍ବିଧାନିକ ସଂସ୍ଥା ଉପରେ ଦୁରୁପଯୋଗର ଆରୋପ ଲଗାଇଛନ୍ତି ।
