ବିହାର, ଓଡ଼ିଶା, ଗୁଜୁରାଟରେ ଖାଲି ଥିବା ରାଜ୍ୟସଭାର ୬ଟି ଆସନରେ ହେବାକୁ ଥିବା ଉପନିର୍ବାଚନ ପାଇଁ ଆଜି ନାମାଙ୍କନର ଶେଷ ତାରିଖ । ବିହାରର ଗୋଟିଏ, ଗୁଜୁରାଟର ୨ଟି ଆସନ ଓ ଓଡ଼ିଶାର ୩ଟି ଆସନ ପାଇଁ ଉପନିର୍ବାଚନ ଅନୁଷ୍ଠିତ ହେବ । ବିହାରର ରବିଶଙ୍କର ପ୍ରସାଦ, ଗୁଜୁରାଟରୁ ଅମିତ୍ ଶାହା, ସ୍ମୃତି ଇରାନୀ ଓ ଓଡ଼ିଶାରୁ ବିଜେଡ଼ିର ଅଚ୍ୟୁତାନନ୍ଦ ସାମନ୍ତ ଲୋକସଭା ସଦସ୍ୟ ହେବା ପରେ ତାଙ୍କ ସ୍ଥାନ ପାଇଁ ଉପନିର୍ବାଚନ ଅନୁଷ୍ଠିତ ହେଉଛି ସେହିପରି ଓଡ଼ିଶାର ଆଉ ଦୁଇ ରାଜ୍ୟସଭା ଆସନରେ ପ୍ରତାପ କେଶରୀ ଦେବ ଓ ସୌମ୍ୟରଞ୍ଜନ ପଟ୍ଟନାୟକ ବିଧାନସଭା ସଦସ୍ୟ ହୋଇଥିବାବେଳେ ତାଙ୍କ ପାଇଁ ଦୁଇଟଇ ଆସନରେ ଉପନିର୍ବାଚନ ଅନୁଷ୍ଠିତ ହେଉଛି । ବିଜେଡ଼ି ତିନୋଟି ଆସନରେ ଦୁଇଜଣ ବିଜେଡ଼ି ପ୍ରାର୍ଥୀ ଅମର ପଟ୍ଟନାୟକ ଓ ସସ୍ମିତ ପାତ୍ରଙ୍କୁ ଟିକେଟ ଦେଇଥିବାବେଳେ ବିଜେପିର ଅଶ୍ବିନୀ ବୈଷ୍ଣବଙ୍କୁ ସମର୍ଥନ କରିବ ବୋଲି ଜଣାପଡିଛି । ସେହିପରି ଗୁଜୁରାଟର ଦୁଇ ଆସନ ପାଇଁ ବୈଦେଶିକ ମନ୍ତ୍ରୀ ଏସ୍. ଜୟଶଙ୍କର ଓ ଜୁଗଲଜୀ ମାଥୁରଜୀ ଠେକାର୍ଙ୍କୁ ପ୍ରାର୍ଥୀ କରାଯାଇଛି । ଆସନ୍ତା ଜୁଲାଇ ୫ ତାରିଖରେ ରାଜ୍ୟସଭାର ଖାଲିଥିବା ଆସନ ପାଇଁ ଉପନିର୍ବାଚନ ଅନୁଷ୍ଠିତ ହେବ ।
