ପ୍ରଥମ ଆମେରିକୀୟ ସହର ଭାବରେ ସାନ୍ଫ୍ରାନ୍ସସିସ୍କୋ ଇ ସିଗାରେଟ୍ ବ୍ୟବହାରକୁ ନିଷିଦ୍ଧ ଘୋଷଣା କରିଛି। ମଙ୍ଗଳବାର ସାନ୍ଫ୍ରାନସିସ୍କୋର ପର୍ଯ୍ୟବେକ୍ଷକ ଦଳ ଏହି ନିଷ୍ପତ୍ତି ନେଇଛନ୍ତି। ବିଧାୟକ ଦଳର ସମସ୍ତ ସଦସ୍ୟ ଇ ବସିଗାରେଟ୍ର ବ୍ୟବହାର ବିପକ୍ଷରେ ଭୋଟ ପ୍ରଦାନ କରିଥିଲେ। ସାନ୍ଫ୍ରାନସିସ୍କୋର ମେୟର ଲଣ୍ଡନ ବ୍ରିଡ୍ ଆସନ୍ତା ୧୦ ଦିନ ମଧ୍ୟରେ ଏହି ନିୟମକୁ ପ୍ରଣୟନ କରିବା ନେଇ ସୂଚନା ଦେଇଛନ୍ତି। ୧୦ ଦିନ ମଧ୍ୟରେ ଅଧ୍ୟାଦେଶ ଏବଂ ୬ ମାସ ମଧ୍ୟରେ ଏହା ନେଇ ବିଲ୍ ପ୍ରଣୟନ କରାଯିବ ବୋଲି ସୂଚନା ଦେଇଛନ୍ତି ମେୟର ଲଣ୍ଡନ ବ୍ରିଡ୍। ଇ ସିଗାରେଟ୍ ଏବଂ ନିକୋଟିନ୍ ପ୍ରଭାବରୁ ସହରର ଆଗାମୀ ପିଢିକୁ ରକ୍ଷା କରିବାର ସର୍ବଶ୍ରେଷ୍ଠ ଉପାୟ ବୋଲି ସହରର ଆଟର୍ଣ୍ଣି ଡେନିସ୍ ହେରେରା ପ୍ରକାଶ କରିଛନ୍ତି।
Tags:
