ନୂଆଦିଲ୍ଲୀ: ବୁଧବାର ଛତିଶଗଡ ଏବଂ ମହାରାଷ୍ଟ୍ର ସୀମାରେ ଘଟିଥିବା ପୋଲିସ-ନକ୍ସଲ ଗୁଳିବିନିମୟରେ ମହାରାଷ୍ଟ୍ରର ସ୍ପେଶାଲ ଫୋର୍ସ ସି -60 କମାଣ୍ଡୋ 12 ଜଣ ନକ୍ସଲଙ୍କୁ ସଫା କରିଛନ୍ତି। ଯଦିଓ ନିହତ ନକ୍ସଲମାନଙ୍କୁ ଚିହ୍ନଟ କରାଯାଇ ନାହିଁ, ସଯବାନମାନେ ଘଟଣାସ୍ଥଳରୁ 7 ଟି ସ୍ୱୟଂଚାଳିତ ଅସ୍ତ୍ର ଉଦ୍ଧାର କରିଛନ୍ତି। ଏଥିମଧ୍ୟରୁ ଯବାନମାନେ ତିନୋଟି AK-47, ଦୁଇଟି INSAS ଏବଂ ଗୋଟିଏ କାର୍ବାଇନ୍ ଏବଂ ଗୋଟିଏ SLR ଉଦ୍ଧାର କରିଛନ୍ତି।
ଏହା ବ୍ୟତୀତ ବହୁ ପରିମାଣର ବିସ୍ଫୋରକ ସାମଗ୍ରୀ ଏବଂ ନକ୍ସଲମାନଙ୍କ ଦୈନନ୍ଦିନ ଜିନିଷ ମଧ୍ୟ ଘଟଣାସ୍ଥଳରୁ ଉଦ୍ଧାର କରାଯାଇଛି। ଏହି ସମୟରେ, ଏହି ଏନକାଉଣ୍ଟରରେ ସି -60 କମାଣ୍ଡୋ ର ସବ୍ ଇନ୍ସପେକ୍ଟର ସତୀଶ ପାଟିଲଙ୍କ ବାମ କାନ୍ଧରେ ଗୁଳି ବାଜିଥିଲା, ଯେଉଁଥିପାଇଁ ସେ ଗୁରୁତର ଆହତ ହୋଇଥିଲେ। କାଙ୍କେର ଜିଲ୍ଲାର ପୋଲିସ କ୍ୟାମ୍ପରୁ ହେଲିକପ୍ଟର ସାହାଯ୍ୟରେ ତାଙ୍କୁ ମହାରାଷ୍ଟ୍ରର ଗଡଚିରୋଲିର ବାନ୍ଦା ଶିବିରକୁ ନିଆଯାଇଛି। ବର୍ତ୍ତମାନ ଯବାନଙ୍କ ଜୀବନ ବିପଦ ମୁକ୍ତ ରହିଛି।