ଶ୍ରୀନଗର: ଜମ୍ମୁ କାଶ୍ମୀରର ଅନନ୍ତନାଗରେ ଏକ ବଡ ସଡ଼କ ଦୁର୍ଘଟଣା ଘଟିଛି। ଯେଉଁଥିରେ ଆଠ ଜଣଙ୍କର ମୃତ୍ୟୁ ହୋଇଛି। ଏହି ମୃତକଙ୍କ ମଧ୍ୟରେ ପାଞ୍ଚ ଜଣ ଶିଶୁ ମଧ୍ୟ ଅନ୍ତର୍ଭୁକ୍ତ। ଦକ୍ଷିଣ କାଶ୍ମୀରର ଅନନ୍ତନାଗ ଜିଲ୍ଲାର କୋକରନାଗର ଡକସୁମ୍ ଅଞ୍ଚଳ ନିକଟରେ ଏକ ଗାଡି ରାସ୍ତା ତଳକୁ ଖସିବା ପରେ ଏହି ଦୁର୍ଘଟଣା ଘଟିଛି।
ପୋଲିସର ସୂଚନାନୁସାରେ, ରେଜିଷ୍ଟ୍ରେସନ ନମ୍ବର JK03H9017 ଥିବା ସୁମୋ ଗାଡି ଜମ୍ମୁ ଅଞ୍ଚଳର କିସ୍ତୱାଡରୁ ଆସୁଥିଲା ଏବଂ ନିୟନ୍ତ୍ରଣ ହରାଇ ଡକସୁମ ନିକଟରେ ରାସ୍ତାକୁ ଖସିଯାଇଥିଲା। ଏହି ଦୁର୍ଘଟଣାରେ ଆଠ ଜଣଙ୍କର ମୃତ୍ୟୁ ଘଟିଛି ଯେଉଁଥିରେ ୫ ଶିଶୁ, ଦୁଇ ମହିଳା ଏବଂ ଜଣେ ପୁରୁଷ (ପୋଲିସ୍) ଅଛନ୍ତି। ସେପଟେ ଏ ବାବଦରେ ଏକ ମାମଲା ରୁଜୁ ହୋଇଛି ଏବଂ ତଦନ୍ତ ଆରମ୍ଭ ହୋଇଛି।
