ନୂଆଦିଲ୍ଲୀ: ଆଜି ନୂଆଦିଲ୍ଲୀରେ ପୂର୍ବତନ ରାଜ୍ୟସଭା ସାଂସଦ ମମତା ମହନ୍ତ ବିଜେପିରେ ଯୋଗ ଦେଇଛନ୍ତି। ବିଜେପି ରାଷ୍ଟ୍ରୀୟ କାର୍ଯ୍ୟାଳୟରେ ସେ ଓଡିଶା ପ୍ରଭାରୀ ବିଜୟପାଲ ସିଂ ତୋମାରଙ୍କ ଉପସ୍ଥିତିରେ ବିଜେପିରେ ସାମିଲ ହୋଇଛନ୍ତି। ଏହି ମିଶ୍ରଣ ପର୍ବରେ ଅରୁଣ ସିଂ, ମନ୍ତ୍ରୀ ପୃଥୀରାଜ ହରିଚନ୍ଦନ, ସାଂସଦ ପ୍ରଦୀପ ପାଣିଗ୍ରାହୀ ପ୍ରମୁଖ ଯୋଗ ଦେଇଥିଲେ।
ବିଜେପିରେ ମିଶିବା ପରେ ମମତା କହିଛନ୍ତି ଯେ, ଲୋକମାନଙ୍କର ସେବା କରିବା ମୋର ଉଦ୍ଦେଶ୍ୟ। ହେଲେ ବିଜେଡି ମୋତେ ଅଣଦେଖା କରିବାରେ ଲାଗିଲା। ଫଳରେ ମୁଁ ରାଜ୍ୟସଭା ସାଂସଦ ଏବଂ ବିଜେଡିରୁ ଇସ୍ତଫା ପ୍ରଦାନ କଲି। ଗତକାଲି ମମତା ବିଜେଡି ସହିତ ରାଜ୍ୟସଭା ସଦସ୍ୟରୁ ଇସ୍ତଫା ଦେଇଥିଲେ।
