ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ଦ୍ୱିତୀୟ କାର୍ଯ୍ୟକାଳର ପ୍ରଥମ ‘ମନ୍ କି ବାତ୍’ କାର୍ଯ୍ୟକ୍ରମରେ ଦେଶବାସୀଙ୍କୁ ସମ୍ବୋଧିତ କରିଛନ୍ତି। ମନ କୀ ବାତ୍ ଦେଶ ଓ ସମାଜ ପାଇଁ ଆଇନା ସଦୃଶ। ଦେଶବାସୀଙ୍କ ଚିଠି ତାଙ୍କୁ ପ୍ରେରଣା ଦେଉଛି। ଏହାଦ୍ୱାରା ତାଙ୍କର ଚିନ୍ତାଧାରାରେ ପରିବର୍ତ୍ତନ ମଧ୍ୟ ହେଉଛି। ଏହା ସହିତ ମୋଦି ୪୪ ବର୍ଷ ତଳେ ଦେଶରେ ୧୯୭୫ରେ ଜାରି ହୋଇଥିବା ଜରୁରୀକାଳୀନ ପରିସ୍ଥିତି ସମ୍ପର୍କରେ ମଧ୍ୟ କହିଛନ୍ତି। ଏହା କେବଳ ରାଜନୀତି କ୍ଷେତ୍ରରେ ନୁହେଁ, କିମ୍ବା ରାଜନେତା, ଆନ୍ଦୋଳନ ପର୍ଯ୍ୟନ୍ତ ସୀମିତ ନଥିଲା। ଏହା ଜନ ସାଧାରଣଙ୍କ ମନରେ ଆକ୍ରୋଶ ଥିଲା। ଲୁଚି ଯାଇଥିବା ଲୋକତନ୍ତ୍ରର ଏକ ସ୍ୱର ଥିଲା। ଲୋକତନ୍ତ୍ର ଯେତେବେଳେ କେହି ଛିନ୍ନ କରେ ସେହି ସମୟରେ ଆଧିକାର କଣ ବୋଲି ପରିଲକ୍ଷିତ ହୋଇ ଥାଏ। ଭାରତବାସୀ ଗର୍ବରେ କହିପାରିବେ କି, ଲୋକତନ୍ତ୍ର ଆମର ସଂସ୍କାର, ଲୋକତନ୍ତ୍ର ଆମ ସଂସ୍କୃତି। ଏହି ଅବସରରେ ମୋଦି କହିଛନ୍ତି ଯେ,୨୦୧୯ ସାଧାରଣ ନିର୍ବାଚନରେ ଭାରତରେ ମତଦାତାମାନେ ଆମକୁ ପ୍ରଚଣ୍ଡ ବହୁମତ ଦେଇଛନ୍ତି। ଏହା ବର୍ତମାନର ସବୁଠାରୁ ବଡ ଲୋକତାନ୍ତ୍ରିକ ନିର୍ବାଚନ ଥିଲା। ସେହିପରି ଦେଶରେ ଦେଖାଦେଉଥିବା ଭୟାନକ ଜଳ ସଂକଟର ମୁକାବିଲା କରିବା ପାଇଁ ସମସ୍ତଙ୍କ ସହଯୋଗ ଲୋଡିଛନ୍ତି ମୋଦି। ଜଳ ସଂରକ୍ଷଣ ପାଇଁ ସମେସ୍ତ ପ୍ରୟାସ କରିବା ଉଚିତ୍ ବୋଲି ମଧ୍ୟ କହିଛନ୍ତି। ସେହିପରି ବିଶ୍ବସ୍ତରରେ ଯୋଗର ଗ୍ରହଣୀୟତା ସମ୍ପର୍କରେ ମଧ୍ୟ ମୋଦି ସୂଚନା ଦେଇଛନ୍ତି।
