ନୂଆଦିଲ୍ଲୀ: ହରିୟାଣାରେ ରାଜ୍ୟସଭା ଉପ-ନିର୍ବାଚନରେ ବିଜେପିର କିରଣ ଚୌଧୁରୀ ନିର୍ବିରୋଧ ବିଜୟୀ ହୋଇଛନ୍ତି। କିରଣ ଚୌଧୁରୀ ହେଉଛନ୍ତି ପୂର୍ବତନ ମୁଖ୍ୟମନ୍ତ୍ରୀ ଚୌଧୁରୀ ବଂଶୀ ଲାଲଙ୍କ ବୋହୂ। ଗତ ଜୁନ୍ ମାସରେ କିରଣ ଏବଂ ତାଙ୍କ dଝିଅ ଶ୍ରୁତି ଚୌଧୁରୀ କଂଗ୍ରେସ ଛାଡି ବିଜେପିରେ ଯୋଗ ଦେଇଥିଲେ।
ରାଜ୍ୟସଭା ପ୍ରାର୍ଥୀ ହୋଇଥିବାରୁ କିରଣ ଚୌଧୁରୀ ପ୍ରଧାନମନ୍ତ୍ରୀ ମୋଦୀ, ଅମିତ ଶାହା, ଜେପି ନଡ୍ଡା, ମନୋହରଲାଲ ଖଟ୍ଟର ଏବଂ ମୁଖ୍ୟମନ୍ତ୍ରୀ ନାୟବ ସିଂ ସାଇନିଙ୍କୁ କୃତଜ୍ଞତା ଜଣାଇଛନ୍ତି। ସେ କହିଥିଲେ ଯେ, ସମସ୍ତଙ୍କ ଉଦ୍ୟମରେ ଆମେ ହରିୟାଣାରେ ପୁନର୍ବାର ବିଜେପି ସରକାର ଗଠନ କରିବୁ ଏବଂ ଦୁର୍ନୀତି ମୁକ୍ତ କରିବୁ। ଅଗଷ୍ଟ ୨୧ ତାରିଖରେ ମୁଖ୍ୟମନ୍ତ୍ରୀ ନାୟବ ସିଂ ସାଇନିଙ୍କ ଉପସ୍ଥିତିରେ କିରଣ ଚୌଧୁରୀ ନାମାଙ୍କନ ପତ୍ର ପୂରଣ କରିଥିଲେ।