ନୂଆଦିଲ୍ଲୀ: ପଶ୍ଚିମବଙ୍ଗ ବିଧାନସଭାର ସ୍ୱତନ୍ତ୍ର ଅଧିବେଶନ ସୋମବାର ଠାରୁ ଆରମ୍ଭ ହୋଇପାରେ। ବୁଧବାର ଦିନ ତୃଣମୂଳ କଂଗ୍ରେସ ଛାତ୍ର ପରିଷଦର ସ୍ଥାପନା ଦିବସରେ ଆୟୋଜିତ ଏକ ରାଲିରେ ବିଧାନସଭା ଅଧିବେଶନ ଡାକିବାକୁ ମୁଖ୍ୟମନ୍ତ୍ରୀ ମମତା ବାନାର୍ଜୀ ସୂଚନା ଦେଇଛନ୍ତି। କୋଲକାତା ଦୁଷ୍କର୍ମ-ହତ୍ୟା ମାମଲା ଭଳି ଘଟଣା ସମ୍ପର୍କରେ ମମତା କହିଛନ୍ତି ଯେ, ଏହି ଜଘନ୍ୟ ଅପରାଧର ଅପରାଧୀଙ୍କୁ ନିର୍ଦ୍ଦିଷ୍ଟ ସମୟ ମଧ୍ୟରେ ଫାଶୀ ଦେବା ପାଇଁ ବିଧାନସଭାରେ ବିଲ ପାରିତ ହେବେ। ମଙ୍ଗଳବାର ଦିନ ଏହି ବିଲ୍ ଆଗତ ହେବାର ସମ୍ଭାବନା ରହିଛି।
ବାସ୍ତବରେ କୋଲକାତାର ଆରଜି କର ମେଡିକାଲ କଲେଜ ଏବଂ ହସ୍ପିଟାଲରେ ଜଣେ ମହିଳା ଡାକ୍ତରଙ୍କ ସହ ହୋଇଥିବା ଦୁଷ୍କର୍ମ ଓ ହତ୍ୟାକୁ ନେଇ ମମତା ସରକାର ବ୍ୟାକ ଫୁଟରେ ଅଛନ୍ତି। ଏହି ମାମଲାର ପ୍ରାରମ୍ଭିକ ତଦନ୍ତ ବେଳେ ପୋଲିସ ଅବହେଳା କରିଥିବା ଅଭିଯୋଗ ହୋଇଛି। ବିଜେପିର ନେତୃତ୍ୱରେ ଲୋକମାନେ ମମତା ସରକାରଙ୍କ ବିରୋଧରେ ଜୋରଦାର ପ୍ରଦର୍ଶନ କରିଛନ୍ତି। ମୁଖ୍ୟମନ୍ତ୍ରୀ ମମତାଙ୍କ ଇସ୍ତଫା ପାଇଁ ମଧ୍ୟ ଦାବି ହେଉଛି। ବୁଧବାର ଦିନ ବଙ୍ଗଳାରେ ବନ୍ଦ ଡକାଯାଇଥିଲା, ଯାହାର ବିଶେଷ ପ୍ରଭାବ ପଡିଛି। ଅନେକ ସ୍ଥାନରେ ଟିଏମସି-ବିଜେପି କର୍ମୀଙ୍କ ମଧ୍ୟରେ ସଂଘର୍ଷ ମଧ୍ୟ ହୋଇଛି।