ନୂଆଦିଲ୍ଲୀ: ଦଳର ବରିଷ୍ଠ ନେତା ସାମ ପିତ୍ରୋଦା କିଛି ସମୟ ଧରି ନିଜର ବିବୃତ୍ତି ଯୋଗୁଁ କଂଗ୍ରେସ ପାଇଁ ଅସୁବିଧା ସୃଷ୍ଟି କରୁଛନ୍ତି। ତେବେ ଏଥର ଭୁଲ କୌଣସି ବିବୃତ୍ତି ପାଇଁ ନୁହେଁ, ବରଂ ରାହୁଲ ଗାନ୍ଧୀଙ୍କ ପାଇଁ ତାଙ୍କର ପ୍ରଶଂସା।
ଆମେରିକାର ଗସ୍ତ ସମୟରେ ଟେକ୍ସାସରେ ଆୟୋଜିତ ଏକ କାର୍ଯ୍ୟକ୍ରମରେ ସାମ ପିତ୍ରୋଦା ରାହୁଲ ଗାନ୍ଧୀଙ୍କୁ ପ୍ରଶଂସା କରିଥିଲେ। ସେ କହିଥିଲେ ଯେ, “ରାହୁଲ ଗାନ୍ଧୀଙ୍କ ଏଜେଣ୍ଡା ହେଉଛି କିଛି ବଡ ସମସ୍ୟାର ସମାଧାନ, ତାଙ୍କର ଏକ ଲକ୍ଷ୍ୟ ଅଛି, ଯାହା କୋଟି କୋଟି ଟଙ୍କା ଖର୍ଚ୍ଚ କରି ବିଜେପି ଦ୍ୱାରା ପ୍ରଚାର କରାଯାଉଥିବା ଲକ୍ଷ୍ୟର ବିପରୀତ ଅଟେ। ମୁଁ ଆପଣଙ୍କୁ କହିବି ଯେ ସେ ‘ପପ୍ପୁ’ ନୁହନ୍ତି, ସେ ଉଚ୍ଚ ଶିକ୍ଷିତ ଅଟନ୍ତି, ସେ ଯେକୌଣସି ବିଷୟ ଉପରେ ଗଭୀର ବିଚାର ରଖୁଥିବା ଜଣେ ରଣନୀତିଜ୍ଞ ….।”