ମୁମ୍ବାଇ: ଭାରତୀୟ ଜନତା ପାର୍ଟି ନେତୃତ୍ୱାଧୀନ ନ୍ୟାସନାଲ ଡେମୋକ୍ରାଟିକ୍ ଆଲାଇନ୍ସ (ଏନଡିଏ) ମହାରାଷ୍ଟ୍ରରେ ଏକ ବଡ଼ ବିପର୍ଯ୍ୟୟର ସମ୍ମୁଖୀନ ହୋଇପାରେ। କାରଣ ବିଧାନସଭା ନିର୍ବାଚନ ପୂର୍ବରୁ ନିକଟରେ ହୋଇଥିବା ଏକ ସର୍ଭେର ଫଳାଫଳ ସାମ୍ନାକୁ ଆସିଛି, ଯାହା ଅତ୍ୟନ୍ତ ଆଶ୍ଚର୍ଯ୍ୟଜନକ। ସର୍ବେକ୍ଷଣ ଅନୁଯାୟୀ, ବିରୋଧୀ ଦଳ ମହାବିକାଶ ଅଘାଡି (ଏମଭିଏ) ରାଜ୍ୟର ଆଗାମୀ ବିଧାନସଭା ନିର୍ବାଚନରେ ଏନଡିଏକୁ ଭଲ ବ୍ୟବଧାନରେ ପରାସ୍ତ କରିପାରେ। ଆସନଗୁଡିକର ଏହି ଦୂରତା ପ୍ରାୟ ୨୦ ହୋଇପାରେ।
ମହାରାଷ୍ଟ୍ରରେ କରାଯାଇଥିବା ‘ଲୋକ ପୋଲ’ର ସଦ୍ୟତମ ସର୍ଭେ ଅନୁଯାୟୀ, ଏନଡିଏ ସେଠାରେ ୧୧୫ ରୁ ୧୨୮ ଟି ସିଟ୍ ପାଇପାରେ, ଯେତେବେଳେ ମହାବିକାଶ ଅଘାଡ଼ି (MVA- କଂଗ୍ରେସ, ଶରଦ ପାୱାରଙ୍କ ଏନସିପି ଏବଂ ଉଦ୍ଧବ ଠାକରେ ନେତୃତ୍ୱାଧୀନ ଶିବସେନା) ମେଣ୍ଟ ୧୪୧-154 ସିଟ୍ ଜିତିପାରେ। ଅନ୍ୟମାନେ ପାଞ୍ଚରୁ ୧୮ ଟି ସିଟ୍ ପାଇପାରନ୍ତି। ଭୋଟ୍ ସେୟାର ବିଷୟରେ କହିବାକୁ ଗଲେ, ଏନଡିଏର ଭୋଟ୍ ପ୍ରତିଶତ ୩୮-୪୧%, MVA ର ୪୧-୪୪% ଏବଂ ଅନ୍ୟମାନଙ୍କର ୧୫-୧୮% ହୋଇପାରେ।
ଲୋକ ପୋଲ କିପରି ସର୍ଭେ କରିଛି?:
ନିର୍ବାଚନ ସମ୍ବନ୍ଧୀୟ ମତାମତ ସର୍ଭେ ଏବଂ ପୂର୍ବାନୁମାନ କରୁଥିବା ‘ଲୋକ ପୋଲ୍’ ପ୍ରାୟ ଏକ ମାସ ଧରି ମହାରାଷ୍ଟ୍ର ସହ ଜଡିତ ଏକ ଗ୍ରାଉଣ୍ଡ ସର୍ଭେ କରିଛି, ଯାହାର ରିପୋର୍ଟ ସୋମବାର ଦିନ ସାର୍ବଜନୀନ କରାଯାଇଛି। ସର୍ବେକ୍ଷଣ ସମୟରେ ପ୍ରତ୍ୟେକ ବିଧାନସଭା ନିର୍ବାଚନମଣ୍ଡଳୀରୁ ପ୍ରାୟ ୫୦୦ ନମୁନା ନିଆଯାଇଥିଲା, ଯାହା ପରେ ସମଗ୍ର ସର୍ଭେରେ ମୋଟ ୧.୫ ଲକ୍ଷ ନମୁନା ଗ୍ରହଣ କରାଯାଇଥିଲା।
MVA vs ମହାୟୁତି ମଧ୍ୟରେ ଲଢେଇ!
ମହାରାଷ୍ଟ୍ରରେ ସମୁଦାୟ ୨୮୮ ଟି ବିଧାନସଭା ଆସନ ଥିବାବେଳେ kounasi ଦଳକୁ ସଂଖ୍ୟାଗରିଷ୍ଠତା ପାଇଁ ୧୪୫ ସଂଖ୍ୟା ଆବଶ୍ୟକ କରିବେ। ବର୍ତ୍ତମାନ ସେଠାରେ ମହାୟୁତି (ବିଜେପି, ଏକନାଥ ସିନ୍ଦେଙ୍କର ଶିବସେନା, ଅଜିତ ପାୱାରଙ୍କ ଏନସିପି, ଆରପିଆଇ, ଜନ ସୁରଜ ଶକ୍ତି, ରାଷ୍ଟ୍ରିୟ ସମାଜ ପକ୍ଷ ଏବଂ ପ୍ରହର ଜନଶକ୍ତି ପାର୍ଟି) ସରକାର ଅଛି, ଯେଉଁଥିରେ ଏକନାଥ ସିନ୍ଦେ ମୁଖ୍ୟମନ୍ତ୍ରୀ ଅଟନ୍ତି। ବିରୋଧୀ ଦଳ ଏମଭିଏ ବିଷୟରେ କହିବାକୁ ଗଲେ ଏଥିରେ କଂଗ୍ରେସ, ଶରଦ ପାୱାରଙ୍କ ନେତୃତ୍ୱାଧୀନ ଏନସିପି ଏବଂ ଉଦ୍ଧବ ଠାକରେଙ୍କ ନେତୃତ୍ୱାଧୀନ ଶିବସେନା, କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆ (ମାର୍କ୍ସବାଦୀ), ଏସପି ଅଛନ୍ତି।
