Categories
ଅପରାଧ ଆଜିର ଖବର ଜାତୀୟ ଖବର

ସୁରକ୍ଷିତ ନୁହଁନ୍ତି ସୁପରଷ୍ଟାର ସଲମାନ ଖାନ!: ହତ୍ୟା ଉଦ୍ୟମର ଆଉ ଏକ ଷଡଯନ୍ତ୍ର, ଚାରି ଗିରଫ

ମୁମ୍ବାଇ: ସଲମାନ ଖାନଙ୍କୁ ହତ୍ୟା କରିବା ପାଇଁ ପୋଲିସ ଆଉ ଏକ ଯୋଜନା ପଣ୍ଡ କରିଛି। ନଭି ମୁମ୍ବାଇର ପନଭେଲ ପୋଲିସ ଏହି ମାମଲାରେ ୪ ଜଣଙ୍କୁ ଗିରଫ କରିଛି। ପୋଲିସ ଦାବି କରିଛି ଯେ, ଏହି ଲୋକମାନେ ଲରେନ୍ସ ବିଷ୍ନୋଇ ଗ୍ୟାଙ୍ଗର ଏବଂ ସେମାନେ ପନଭେଲରେ ସଲମାନ ଖାନଙ୍କ କାର ଉପରେ ଆକ୍ରମଣ କରିବାକୁ ଯୋଜନା କରିଥିଲେ। ସୂଚନାନୁସାରେ, ଏଥିପାଇଁ ପାକିସ୍ତାନର ଅସ୍ତ୍ରଶସ୍ତ୍ର ଯୋଗାଣକାରୀଙ୍କଠାରୁ ଅସ୍ତ୍ରଶସ୍ତ୍ର କ୍ରୟ କରିବାର ଯୋଜନା ଥିଲା। ନଭି ମୁମ୍ବାଇ ପୋଲିସ ଏହି ମାମଲାରେ ଏଫଆଇଆର ପଞ୍ଜୀକୃତ କରି ସେମାନଙ୍କୁ ଗିରଫ କରିଛି।

ପୋଲିସ ସୂଚନା ପାଇଥିଲା ଯେ ଜେଲରେ ଥିବା ଗ୍ୟାଙ୍ଗଷ୍ଟର ଲରେନ୍ସ ବିଷ୍ନୋଇଙ୍କ ସହ ତାଙ୍କ କାନାଡାର ସମ୍ପର୍କୀୟ ଭାଇ ଅନମୋଲ ବିଷ୍ନୋଇ ଏବଂ ସହଯୋଗୀ ଗୋଲଡି ବରାର ସହ ମିଶି ପାକିସ୍ଥାନର ଜଣେ ଅସ୍ତ୍ର ଡିଲରଙ୍କଠାରୁ ଏକେ-୪୭, ଏମ-୧୬ ଏବଂ ଏକେ-୯୨ ସମେତ ଗୁଳି କିଣିଥିଲେ। ଏହାସହ ଅନ୍ୟ ଅତ୍ୟାଧୁନିକ ଅସ୍ତ୍ର କ୍ରୟ କରି ଅଭିନେତା ସଲମାନ ଖାନଙ୍କୁ ହତ୍ୟା କରିବା ପାଇଁ ଏକ ଷଡଯନ୍ତ୍ର ରଚିଥିଲେ।

ସୂଚନା ଅନୁଯାୟୀ, ଗିରଫ ଅପରାଧୀ ଏବଂ ଗ୍ୟାଙ୍ଗ ଦ୍ୱାରା ଏହି ଯୋଜନା ପ୍ରସ୍ତୁତ କରାଯାଇଥିଲା। ଏଥିରେ ସେମାନଙ୍କର ଉଦ୍ଦେଶ୍ୟ ଥିଲା ସଲମାନ ଖାନଙ୍କ କାରକୁ ଅଟକାଇବା କିମ୍ବା ଫାର୍ମହାଉସ ଉପରେ ଆକ୍ରମଣ କରିବା। ସୂତ୍ର ଏହା ମଧ୍ୟ କହିଛି ଯେ, ଅଭିନେତା ସଲମାନ ଖାନଙ୍କ ଘର ବାହାରେ ଗୁଳି ଚଳାଇବାରୁ ଦୁଇ ଜଣ ସୁଟର ଗିରଫ ହେବାର ଏକ ମାସ ପୂର୍ବରୁ ଲରେନ୍ସ ବିଷ୍ନୋଇ ଗ୍ୟାଙ୍ଗ ଏହି ଯୋଜନା ପ୍ରସ୍ତୁତ କରିଥିଲେ।

Categories
ଆଜିର ଖବର ଜାତୀୟ ଖବର ନିର୍ବାଚନ ଖବର

ରଶ୍ମିକା ମନ୍ଦନାଙ୍କ ଉପରେ କାହିଁକି ରାଗିଲା କଂଗ୍ରେସ?: ଭିଡିଓ ପୋଷ୍ଟ କରି କହିଲା ଏଭଳି କଥା

ନୂଆଦିଲ୍ଲୀ: ସୋସିଆଲ ମିଡିଆ ପ୍ଲାଟଫର୍ମ X ରେ ‘ଅଟଳ ବିହାରୀ ବାଜପେୟୀ ସେୱ୍ରି-ନଭା ସେବା ଅଟଳ ସେତୁ’ର ଏକ ପ୍ରମୋସନାଲ ଭିଡିଓ ପୋଷ୍ଟ କରିଥିବାରୁ ବଲିଉଡ ଅଭିନେତ୍ରୀ ରଶ୍ମିକା ମନ୍ଦନା ଟ୍ରୋଲର ସମ୍ମୁଖୀନ ହୋଇଛନ୍ତି। କେବଳ ଏତିକି ନୁହେଁ ଏଥର ମଧ୍ୟ କଂଗ୍ରେସ ତାଙ୍କୁ ଟାର୍ଗେଟ କରିଛି। କେରଳ କଂଗ୍ରେସ ରଶ୍ମିକା ମନ୍ଦନାଙ୍କୁ ସମାଲୋଚନା କରି କହିଛି ଯେ, ବଲିଉଡ ଅଭିନେତ୍ରୀଙ୍କ ଦ୍ୱାରା ପୋଷ୍ଟ କରାଯାଇଥିବା ଭିଡିଓକୁ ଇଡି ମାଧ୍ୟମରେ ନିର୍ଦ୍ଦେଶ ଦିଆଯାଇଛି।

କେରଳ କଂଗ୍ରେସ ଟ୍ୱିଟରରେ ଲେଖିଛି ଯେ, “ପ୍ରିୟ ରଶ୍ମିକା ମନ୍ଦନା ଜୀ, ଦେଶ ପୂର୍ବରୁ ପେଡ୍ ବିଜ୍ଞାପନ ଏବଂ ସେରୋଗେଟ୍ ବିଜ୍ଞାପନ ଦେଖିଛି। ଏହା ପ୍ରଥମ ଥର ପାଇଁ ଆମେ ଇଡି ନିର୍ଦ୍ଦେଶିତ ବିଜ୍ଞାପନ ଦେଖୁଛୁ। ଏହା ଭଲ ହୋଇଛି। ବହୁତ ଭଲ! ଆମେ ଦେଖିଛୁ ଯେ” ଆପଣଙ୍କର ବିଜ୍ଞାପନରେ ଖାଲି ଅଟଳ ସେତୁ ଦେଖାଯାଉଛି। ଯେହେତୁ ଆମେ କେରଳର, ତେଣୁ ଆମେ ଭାବିଲୁ ମୁମ୍ବାଇରେ ଟ୍ରାଫିକ୍ ଏତେ କମ୍, ତେଣୁ ଆମେ ମୁମ୍ବାଇରେ ଆମର ସାଙ୍ଗମାନଙ୍କ ଠାରୁ ପଚାରିବୁଝିଲୁ।

ଏହି ପୋଷ୍ଟରେ ଆହୁରି ମଧ୍ୟ କୁହାଯାଇଛି ଯେ, “ସେମାନେ ଆମକୁ କହିଲେ ଯେ ରାଜୀବ ଗାନ୍ଧୀ ବାନ୍ଦ୍ରା-ୱର୍ଲି ସି ଲିଙ୍କରେ ବହୁତ ଭାରି ଟ୍ରାଫିକ୍ ଅଛି। ରେଫରେନ୍ସ ପାଇଁ ଆମେ ଏକ ଭିଡିଓ ମଧ୍ୟ ସେୟାର କରିଛୁ। ଏହି ଭିଡିଓକୁ ମଧ୍ୟ ଦେଖନ୍ତୁ।”

https://x.com/INCKerala/status/1791484608665809143?ref_src=twsrc%5Etfw%7Ctwcamp%5Etweetembed%7Ctwterm%5E1791484608665809143%7Ctwgr%5Eb07a4cab9e5061a1994d5b74bbf52ad97e72927e%7Ctwcon%5Es1_&ref_url=https%3A%2F%2Fwww.abplive.com%2Fnews%2Findia%2Fkerala-congress-attack-bollywood-actress-rashmika-mandanna-over-atal-setu-promotional-video-2693472

ଅଟଳ ସେଟୁତୁ ପ୍ରଶଂସା କରିଥିଲେ ରଶ୍ମିକା:

ପ୍ରମୋସନାଲ ଭିଡିଓ ସେୟାର କରି ରଶ୍ମିକା ମନ୍ଦନା ଅଟଳ ସେଟୁକୁ ପ୍ରଶଂସା କରିଥିଲେ। କେଉଁ ପ୍ରକାରର ମୁମ୍ବାଇ ଟ୍ରାନ୍ସ ହାରବର୍ ଲିଙ୍କ୍ ଲୋକମାନଙ୍କ ପାଇଁ ଲାଭଦାୟକ, ତାହା ସେ କହିଥିଲେ। ଏହି ଭିଡିଓ ଉପରେ ପ୍ରଧାନମନ୍ତ୍ରୀ ମୋଦୀ ମଧ୍ୟ ପ୍ରତିକ୍ରିୟା ଦେଇଛନ୍ତି।

ANI ସହିତ କଥାବାର୍ତ୍ତା ବେଳେ ରଶ୍ମିକା ଅଟଳ ସେତୁକୁ ପ୍ରଶଂସା କରି କହିଥିଲେ ଯେ, “ମୁଁ ଭାବୁଛି ବର୍ତ୍ତମାନ ଅନ୍ତତଃ ପକ୍ଷେ ଭାରତ କୌଣସି ସ୍ଥାନରେ ଅଟକି ନାହିଁ। ବର୍ତ୍ତମାନ ଦେଶର ବିକାଶକୁ ଦେଖନ୍ତୁ। ଏହା ଆଶ୍ଚର୍ଯ୍ୟଜନକ ଯେ, ଗତ ୧୦ ବର୍ଷ ମଧ୍ୟରେ ଦେଶରେ କେତେ ବିକାଶ ହୋଇଛି?

Categories
ଆଜିର ଖବର ଜାତୀୟ ଖବର

ଆରବିଆଇ @୯୦ର ଉଦଘାଟନୀ ସମାରୋହକୁ ସମ୍ବୋଧିତ କଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ମହାରାଷ୍ଟ୍ରର ମୁମ୍ବାଇଠାରେ ଭାରତୀୟ ରିଜର୍ଭ ବ୍ୟାଙ୍କର ୯୦ ବର୍ଷ ପୂର୍ତ୍ତି ଉପଲକ୍ଷେ ଆୟୋଜିତ ଆରବିଆଇ@ ୯୦ ଉଦଘାଟନୀ ସମାରୋହକୁ ସମ୍ବୋଧିତ କରିଛନ୍ତି। ରିଜର୍ଭ ବ୍ୟାଙ୍କର ୯୦ ବର୍ଷ ପୂର୍ତ୍ତି ଅବସରରେ ଶ୍ରୀ ମୋଦୀ ଏକ ସ୍ମାରକୀ ମୁଦ୍ରା ଉନ୍ମୋଚନ କରିଛନ୍ତି। ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ୧୯୩୫ ମସିହା ଏପ୍ରିଲ ପହିଲାରୁ ଏହାର କାର୍ଯ୍ୟ ଆରମ୍ଭ କରି ଆଜି ଏହାର ୯୦ତମ ବର୍ଷରେ ପ୍ରବେଶ କରିଛି।

ଏହି ଅବସରରେ ଉଦବୋଧନ ଦେଇ ପ୍ରଧାନମନ୍ତ୍ରୀ କହିଥିଲେ ଯେ ଭାରତୀୟ ରିଜର୍ଭ ବ୍ୟାଙ୍କ ଆଜି ୯୦ ବର୍ଷ ପୂର୍ତ୍ତି ଅବସରରେ ଏକ ଐତିହାସିକ ସ୍ଥାନରେ ପହଞ୍ଚିଛି। ରିଜର୍ଭ ବ୍ୟାଙ୍କ ଉଭୟ ସ୍ୱାଧୀନତା ପୂର୍ବ ଓ ପରବର୍ତ୍ତୀ ଯୁଗର ସାକ୍ଷୀ ହୋଇଛି ଏବଂ ନିଜର ବୃତ୍ତିଗତ ଆଭିମୁଖ୍ୟ ଓ ପ୍ରତିବଦ୍ଧତା ଆଧାରରେ ସମଗ୍ର ବିଶ୍ୱରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛି ବୋଲି ସେ ଉଲ୍ଲେଖ କରିଥିଲେ। ଆରବିଆଇର ୯୦ ବର୍ଷ ପୂର୍ତ୍ତି ଅବସରରେ ପ୍ରଧାନମନ୍ତ୍ରୀ ସମସ୍ତ କର୍ମଚାରୀଙ୍କୁ ଅଭିନନ୍ଦନ ଜଣାଇଥିଲେ। ବର୍ତ୍ତମାନର ଆରବିଆଇ କର୍ମଚାରୀମାନଙ୍କୁ ଭାଗ୍ୟଶାଳୀ ବୋଲି ଅଭିହିତ କରି ପ୍ରଧାନମନ୍ତ୍ରୀ କହିଥିଲେ ଯେ ଆଜି ପ୍ରସ୍ତୁତ କରାଯାଇଥିବା ନୀତିଗୁଡ଼ିକ ଆରବିଆଇର ପରବର୍ତ୍ତୀ ଦଶନ୍ଧିକୁ ଆକାର ଦେବ ଏବଂ ଆଗାମୀ ୧୦ ବର୍ଷ ରିଜର୍ଭ ବ୍ୟାଙ୍କକୁ ଏହାର ଶତବାର୍ଷିକୀ ବର୍ଷକୁ ନେଇଯିବ । ଦ୍ରୁତ ଅଭିବୃଦ୍ଧି, ବିଶ୍ୱାସ ଏବଂ ସ୍ଥିରତା ଉପରେ ଧ୍ୟାନ ଦେବା ଦିଗରେ ରିଜର୍ଭ ବ୍ୟାଙ୍କର ପ୍ରାଥମିକତା ଉପରେ ଆଲୋକପାତ କରି ପ୍ରଧାନମନ୍ତ୍ରୀ ମୋଦୀ କହିଛନ୍ତି, ‘‘ଆଗାମୀ ଦଶନ୍ଧି ଏକ ବିକଶିତ ଭାରତର ସଂକଳ୍ପ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ।’’ ଏହାର ଲକ୍ଷ୍ୟ ଓ ସଂକଳ୍ପ ପୂରଣ ପାଇଁ ପ୍ରଧାନମନ୍ତ୍ରୀ ଶୁଭେଚ୍ଛା ଜଣାଇଛନ୍ତି।

ଦେଶର ଜିଡିପି ଏବଂ ଅର୍ଥନୀତିରେ ମୁଦ୍ରା ଏବଂ ବିତ୍ତୀୟ ନୀତିର ସମନ୍ୱୟ ଉପରେ ଗୁରୁତ୍ୱ ଦେଇ  ପ୍ରଧାନମନ୍ତ୍ରୀ ୨୦୧୪ରେ ଆରବିଆଇର ୮୦ ବର୍ଷ ପୂର୍ତ୍ତି ଉତ୍ସବକୁ ମନେ ପକାଇଥିଲେ ଏବଂ ସେହି ସମୟରେ ଦେଶର ବ୍ୟାଙ୍କିଙ୍ଗ ବ୍ୟବସ୍ଥା ସମ୍ମୁଖୀନ ହୋଇଥିବା ଏନପିଏ ଏବଂ ସ୍ଥିରତା ଭଳି ଆହ୍ୱାନ ଏବଂ ସମସ୍ୟାକୁ ମନେ ପକାଇଥିଲେ । ସେଠାରୁ ଆରମ୍ଭ କରି ଆଜି ଆମେ ଏପରି ଏକ ସ୍ଥିତିରେ ପହଞ୍ଚିଛୁ ଯେଉଁଠାରେ ଭାରତୀୟ ବ୍ୟାଙ୍କିଙ୍ଗ ବ୍ୟବସ୍ଥାକୁ ବିଶ୍ୱର ଏକ ସୁଦୃଢ଼ ଏବଂ ସ୍ଥାୟୀ ବ୍ୟାଙ୍କିଙ୍ଗ୍ ବ୍ୟବସ୍ଥା ଭାବରେ ଦେଖାଯାଉଛି କାରଣ ସେହି ସମୟରେ ପ୍ରାୟତଃ ସ୍ଥାଣୁ ପାଲଟି ଯାଇଥିବା ବ୍ୟାଙ୍କିଙ୍ଗ୍ ବ୍ୟବସ୍ଥା ଏବେ ଲାଭରେ ଅଛି ଏବଂ ରେକର୍ଡ କ୍ରେଡିଟ୍ ଦେଖାଉଛି।

ଏହି ପରିବର୍ତ୍ତନ ପାଇଁ ପ୍ରଧାନମନ୍ତ୍ରୀ ନୀତି, ଉଦ୍ଦେଶ୍ୟ ଏବଂ ନିଷ୍ପତ୍ତିର ସ୍ପଷ୍ଟତାକୁ ଶ୍ରେୟ ଦେଇଥିଲେ । ଯେଉଁଠି ଉଦ୍ଦେଶ୍ୟ ଠିକ୍, ସେଠାରେ ଫଳାଫଳ ମଧ୍ୟ ଠିକ୍ ବୋଲି ପ୍ରଧାନମନ୍ତ୍ରୀ କହିଛନ୍ତି। ସଂସ୍କାରର ବ୍ୟାପକ ପ୍ରକୃତି ଉପରେ ବକ୍ତବ୍ୟ ରଖି ପ୍ରଧାନମନ୍ତ୍ରୀ କହିଥିଲେ ଯେ ସରକାର ସ୍ୱୀକୃତି, ସଂକଳ୍ପ ଏବଂ ପୁନଃପୁଞ୍ଜିକରଣ ରଣନୀତି ଉପରେ କାର୍ଯ୍ୟ କରିଛନ୍ତି। ପ୍ରଶାସନିକ ସମ୍ବନ୍ଧୀୟ ଅନେକ ସଂସ୍କାର ସହିତ ରାଷ୍ଟ୍ରାୟତ୍ତ ବ୍ୟାଙ୍କଗୁଡ଼ିକୁ ସାହାଯ୍ୟ କରିବା ପାଇଁ ୩.୫ ଲକ୍ଷ କୋଟି ଟଙ୍କାର ପୁଞ୍ଜି ନିବେଶ କରାଯାଇଥିଲା। କେବଳ ଦେବାଳିଆ ଓ ଦେବାଳିଆପଣ ସଂହିତା ଦ୍ୱାରା ୩.୨୫ ଲକ୍ଷ ଟଙ୍କାର ଋଣର ସମାଧାନ କରିଛି ବୋଲି ପ୍ରଧାନମନ୍ତ୍ରୀ ଦର୍ଶାଇଛନ୍ତି। ଆଇବିସି ଅଧୀନରେ ପ୍ରବେଶ ପୂର୍ବରୁ ୯ ଲକ୍ଷ କୋଟି ଟଙ୍କାରୁ ଅଧିକ ଡିଫଲ୍ଟ ଥିବା ୨୭,୦୦୦ରୁ ଅଧିକ ଆବେଦନର ସମାଧାନ କରାଯାଇଥିଲା ବୋଲି ସେ ଦେଶକୁ ସୂଚନା ଦେଇଛନ୍ତି। ୨୦୧୮ରେ ବ୍ୟାଙ୍କଗୁଡ଼ିକର ମୋଟ ଏନପିଏ ୧୧.୨୫ ପ୍ରତିଶତ ଥିବା ବେଳେ ୨୦୨୩ ସେପ୍ଟେମ୍ବର ସୁଦ୍ଧା ଏହା ୩ ପ୍ରତିଶତ ତଳକୁ ଖସି ଆସିଛି। ଟ୍ୱିନ୍ ବାଲାନ୍ସ ସିଟ୍ ସମସ୍ୟାକୁ ଅତୀତର ସମସ୍ୟା ବୋଲି ସେ କହିଛନ୍ତି। ଏହି ପରିବର୍ତ୍ତନରେ ଆରବିଆଇର ଅବଦାନ ପାଇଁ ପ୍ରଧାନମନ୍ତ୍ରୀ ମୋଦୀ ପ୍ରଶଂସା କରିଥିଲେ।

ପ୍ରଧାନମନ୍ତ୍ରୀ ମୋଦୀ ଦର୍ଶାଇଛନ୍ତି ଯେ ଯଦିଓ ଆରବିଆଇ ସହ ଜଡିତ ଆଲୋଚନା ପ୍ରାୟତଃ ଆର୍ଥିକ ସଂଜ୍ଞା ଏବଂ ଜଟିଳ ଶବ୍ଦରେ ସୀମିତ ରହିଥାଏ, ତଥାପି ଆରବିଆଇରେ କରାଯାଇଥିବା କାର୍ଯ୍ୟ ସିଧାସଳଖ ସାଧାରଣ ନାଗରିକଙ୍କ ଜୀବନ ଉପରେ ପ୍ରଭାବ ପକାଇଥାଏ। ପ୍ରଧାନମନ୍ତ୍ରୀ କହିଥିଲେ ଯେ ଗତ ୧୦ ବର୍ଷ ମଧ୍ୟରେ ସରକାର କେନ୍ଦ୍ରୀୟ ବ୍ୟାଙ୍କ, ବ୍ୟାଙ୍କିଙ୍ଗ ବ୍ୟବସ୍ଥା ଏବଂ ଅନ୍ତିମ ସୋପାନରେ ହିତାଧିକାରୀଙ୍କ ମଧ୍ୟରେ ସଂଯୋଗ ଉପରେ ଜୋର ଦେଇଛନ୍ତି। ସେ ଗରିବଙ୍କ ଆର୍ଥିକ ଅନ୍ତର୍ଭୁକ୍ତୀକରଣର ମଧ୍ୟ ଉଦାହରଣ ଦେଇଥିଲେ। ଦେଶର ୫୨ କୋଟି ଜନଧନ ଆକାଉଣ୍ଟ ମଧ୍ୟରୁ ୫୫ ପ୍ରତିଶତ ମହିଳାଙ୍କର ବୋଲି ସେ ଉଲ୍ଲେଖ କରିଛନ୍ତି। କୃଷି ଏବଂ ମତ୍ସ୍ୟ କ୍ଷେତ୍ରରେ ଆର୍ଥିକ ଅନ୍ତର୍ଭୁକ୍ତୀକରଣର ପ୍ରଭାବ ବିଷୟରେ ମଧ୍ୟ ସେ ଉଲ୍ଲେଖ କରିଥିଲେ ଯେଉଁଠାରେ ୭ କୋଟିରୁ ଅଧିକ କୃଷକ, ମତ୍ସ୍ୟଜୀବୀ ଏବଂ ଗୋରୁ ମାଲିକମାନେ ପିଏମ କିଷାନ କ୍ରେଡିଟ୍ କାର୍ଡ ଉପଲବ୍ଧ କରାଇଛନ୍ତି ଯାହା ଗ୍ରାମୀଣ ଅର୍ଥବ୍ୟବସ୍ଥାକୁ ଏକ ଗୁରୁତ୍ୱପୂର୍ଣ୍ଣ ପ୍ରୋତ୍ସାହନ ପ୍ରଦାନ କରୁଛି । ବିଗତ ୧୦ ବର୍ଷ ମଧ୍ୟରେ ସମବାୟ କ୍ଷେତ୍ରକୁ ପ୍ରୋତ୍ସାହିତ କରିବା ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ ସମବାୟ ବ୍ୟାଙ୍କ ସମ୍ପର୍କରେ ଭାରତୀୟ ରିଜର୍ଭ ବ୍ୟାଙ୍କର ନିୟମାବଳୀର ଗୁରୁତ୍ୱ ଉପରେ ଆଲୋକପାତ କରିଥିଲେ । ସେ ୟୁପିଆଇ ମାଧ୍ୟମରେ ୧୨୦୦ କୋଟିରୁ ଅଧିକ ମାସିକ କାରବାର ବିଷୟରେ ମଧ୍ୟ ଉଲ୍ଲେଖ କରିଥିଲେ ଯାହା ଏହାକୁ ବିଶ୍ୱସ୍ତରରେ ସ୍ୱୀକୃତିପ୍ରାପ୍ତ ପ୍ଲାଟଫର୍ମରେ ପରିଣତ କରିଛି। କେନ୍ଦ୍ରୀୟ ବ୍ୟାଙ୍କ ଡିଜିଟାଲ ମୁଦ୍ରା ଉପରେ କରାଯାଉଥିବା କାର୍ଯ୍ୟ ସମ୍ପର୍କରେ ମଧ୍ୟ ପ୍ରଧାନମନ୍ତ୍ରୀ କହିଥିଲେ। ସେ କହିଥିଲେ ଯେ ଗତ ୧୦ ବର୍ଷର ପରିବର୍ତ୍ତନ ଏକ ନୂତନ ବ୍ୟାଙ୍କିଙ୍ଗ ବ୍ୟବସ୍ଥା, ଅର୍ଥନୀତି ଏବଂ ମୁଦ୍ରା ଅଭିଜ୍ଞତା ସୃଷ୍ଟି କରିବାରେ ସକ୍ଷମ କରିଛି।

ଆଗାମୀ ୧୦ ବର୍ଷର ଲକ୍ଷ୍ୟ ପାଇଁ ସ୍ପଷ୍ଟତାର ଗୁରୁତ୍ୱ ଉପରେ ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ। ଡିଜିଟାଲ କାରବାରକୁ ପ୍ରୋତ୍ସାହିତ କରିବା ସହିତ କ୍ୟାସଲେସ୍ ଅର୍ଥବ୍ୟବସ୍ଥା ଦ୍ୱାରା ଆସିଥିବା ପରିବର୍ତ୍ତନ ଉପରେ ନଜର ରଖିବାର ଗୁରୁତ୍ୱ ଉପରେ ସେ ଜୋର ଦେଇଥିଲେ। ଆର୍ଥିକ ଅନ୍ତର୍ଭୁକ୍ତୀକରଣ ଏବଂ ସଶକ୍ତୀକରଣ ପ୍ରକ୍ରିୟାକୁ ଆହୁରି ସୁଦୃଢ଼ କରିବାର ଆବଶ୍ୟକତା ରହିଛି ବୋଲି ସେ କହିଥିଲେ।

ଭାରତ ଭଳି ଏକ ବିଶାଳ ଦେଶର ବିବିଧ ବ୍ୟାଙ୍କିଙ୍ଗ ଆବଶ୍ୟକତା ଉପରେ ଜୋର ଦେଇ ପ୍ରଧାନମନ୍ତ୍ରୀ ‘ଇଜ୍ ଅଫ୍ ଡୁଇଙ୍ଗ୍ ବ୍ୟାଙ୍କିଙ୍ଗ୍’ ବା ବ୍ୟାଙ୍କ କାରବାରକୁ ସହଜ କରିବାରେ ଉନ୍ନତି ଆଣିବା ଏବଂ ନାଗରିକଙ୍କ ଆବଶ୍ୟକତା ଅନୁଯାୟୀ ଉପଯୁକ୍ତ ସେବା ପ୍ରଦାନ କରିବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ । ସେ ଆର୍ଟିଫିସିଆଲ ଇଣ୍ଟେଲିଜେନ୍ସ ଏବଂ ମେସିନ୍ ଲର୍ଣ୍ଣିଂର ଭୂମିକା ଉପରେ ଆଲୋକପାତ କରିଥିଲେ।

ଦେଶର ଦ୍ରୁତ ଏବଂ ସ୍ଥାୟୀ ଅଭିବୃଦ୍ଧିରେ ଆରବିଆଇର ଭୂମିକା ଉପରେ ସେ ଆଲୋକପାତ କରିଥିଲେ । ବ୍ୟାଙ୍କିଙ୍ଗ କ୍ଷେତ୍ରରେ ନିୟମ ଭିତ୍ତିକ ଶୃଙ୍ଖଳା ଏବଂ ଆର୍ଥିକ ଦୃଷ୍ଟିରୁ ବିଚକ୍ଷଣ ନୀତି ପ୍ରଣୟନ କରିବାରେ ଆରବିଆଇର ସଫଳତା ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ ବ୍ୟାଙ୍କଗୁଡ଼ିକୁ ସରକାରଙ୍କ ସହାୟତାର ପ୍ରତିଶ୍ରୁତି ଦେବା ସହିତ ସକ୍ରିୟ ପଦକ୍ଷେପ ଗ୍ରହଣ କରିବା ପାଇଁ ବିଭିନ୍ନ କ୍ଷେତ୍ରର ଆବଶ୍ୟକତାର ଆଗୁଆ ଆକଳନ କରିବାକୁ ମଧ୍ୟ କହିଥିଲେ । ରିଜର୍ଭ ବ୍ୟାଙ୍କକୁ ମୁଦ୍ରାସ୍ଫୀତି ଲକ୍ଷ୍ୟର ଅଧିକାର ଦେବା ଭଳି ମୁଦ୍ରାସ୍ଫୀତି ନିୟନ୍ତ୍ରଣ ପଦକ୍ଷେପ ବିଷୟରେ ମଧ୍ୟ ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ ଏବଂ ଏ ଦିଗରେ ମୁଦ୍ରାନୀତି କମିଟିର ପ୍ରଦର୍ଶନକୁ ପ୍ରଶଂସା କରିଥିଲେ । ସକ୍ରିୟ ମୂଲ୍ୟ ନିରୀକ୍ଷଣ ଏବଂ ବିତ୍ତୀୟ ସୁଦୃଢ଼ୀକରଣ ଭଳି ପଦକ୍ଷେପ କରୋନାର କଠିନ ସମୟରେ ମଧ୍ୟ ମୁଦ୍ରାସ୍ଫୀତିକୁ ମଧ୍ୟମ ସ୍ତରରେ ରଖିଥିଲା ବୋଲି ସେ କହିଥିଲେ ।

ଯଦି କୌଣସି ଦେଶର ପ୍ରାଥମିକତା ସ୍ପଷ୍ଟ ହୁଏ ତେବେ ତାକୁ କେହି ପ୍ରଗତିରୁ ଅଟକାଇ ପାରିବେ ନାହିଁ ବୋଲି ପ୍ରଧାନମନ୍ତ୍ରୀ ଜୋର ଦେଇ କହିଥିଲେ। କରୋନା ମହାମାରୀ ସମୟରେ ସରକାର ଆର୍ଥିକ ସଚେତନତା ପ୍ରତି ଧ୍ୟାନ ଦେବା ସହ ସାଧାରଣ ନାଗରିକଙ୍କ ଜୀବନକୁ ପ୍ରାଥମିକତା ଦେଉଥିବାରୁ ଗରିବ ଓ ମଧ୍ୟବିତ୍ତ ବର୍ଗ ପ୍ରତିକୂଳ ପରିସ୍ଥିତିରୁ ମୁକୁଳି ଆଜି ଦେଶର ଅଭିବୃଦ୍ଧିକୁ ତ୍ୱରାନ୍ୱିତ କରିଛନ୍ତି ବୋଲି ସେ ଉଦାହରଣ ଦେଇଥିଲେ। ମହାମାରୀର ଆର୍ଥିକ ଝଟକାରୁ ମୁକୁଳିବା ପାଇଁ ବିଶ୍ୱର ଅନେକ ଦେଶ ଏବେ ବି ପ୍ରୟାସ କରୁଥିବା ବେଳେ ଭାରତୀୟ ଅର୍ଥନୀତି ନୂଆ ରେକର୍ଡ ସୃଷ୍ଟି କରୁଛି ବୋଲି ପ୍ରଧାନମନ୍ତ୍ରୀ କହିଛନ୍ତି। ଭାରତର ସଫଳତାକୁ ବିଶ୍ୱସ୍ତରରେ ପହଞ୍ଚାଇବାରେ ଆରବିଆଇର ଭୂମିକା ଉପରେ ସେ ଗୁରୁତ୍ୱାରୋପ କରିଥିଲେ। ଯେକୌଣସି ବିକାଶଶୀଳ ଦେଶ ପାଇଁ ମୁଦ୍ରାସ୍ଫୀତି ନିୟନ୍ତ୍ରଣ ଏବଂ ଅଭିବୃଦ୍ଧି ମଧ୍ୟରେ ସନ୍ତୁଳନ ସୃଷ୍ଟି କରିବାର ଗୁରୁତ୍ୱ ଉପରେ ଆଲୋକପାତ କରି ପ୍ରଧାନମନ୍ତ୍ରୀ ମୋଦୀ ବିଶ୍ୱାସ ବ୍ୟକ୍ତ କରିଥିଲେ ଯେ ଆରବିଆଇ ଏଥିପାଇଁ ଏକ ମଡେଲ ହୋଇପାରିବ ଏବଂ ବିଶ୍ୱରେ ଏକ ନେତୃତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରିବ, ଯାହା ସମଗ୍ର ଗ୍ଲୋବାଲ୍‌ ସାଉଥ ବା ଦକ୍ଷିଣ ବିଶ୍ୱ କ୍ଷେତ୍ରକୁ ସମର୍ଥନ କରିବ।

ଭାରତ ଆଜି ବିଶ୍ୱର ସବୁଠାରୁ ଯୁବ ରାଷ୍ଟ୍ର ବୋଲି ଉଲ୍ଲେଖ କରି ପ୍ରଧାନମନ୍ତ୍ରୀ ଯୁବବର୍ଗଙ୍କ ଆକାଂକ୍ଷା ପୂରଣ କରିବାରେ ଆରବିଆଇ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଥିବା କଥା କହିଥିଲେ। ଦେଶରେ ନୂଆ ନୂଆ କ୍ଷେତ୍ର ଖୋଲିବାରେ ସରକାରଙ୍କ ନୀତିକୁ ସେ ଶ୍ରେୟ ଦେଇଛନ୍ତି ଯାହାଦ୍ୱାରା ଆଜିର ଯୁବପିଢିଙ୍କ ପାଇଁ ଅନେକ ସୁଯୋଗ ସୃଷ୍ଟି ହୋଇଛି। ସେ ସବୁଜ ଶକ୍ତି କ୍ଷେତ୍ରର ସମ୍ପ୍ରସାରଣର ଉଦାହରଣ ଦେବା ସହ ସୌର ଶକ୍ତି, ସବୁଜ ହାଇଡ୍ରୋଜେନ ଏବଂ ଇଥାନଲ ମିଶ୍ରଣ ବିଷୟରେ ଉଲ୍ଲେଖ କରିଥିଲେ। ସେ ସ୍ୱଦେଶୀ ଜ୍ଞାନକୌଶଳରେ ନିର୍ମିତ ୫ଜି ପ୍ରଯୁକ୍ତି ବିଦ୍ୟା ଏବଂ ପ୍ରତିରକ୍ଷା କ୍ଷେତ୍ରରେ ବଢୁଥିବା ରପ୍ତାନି ବିଷୟରେ ମଧ୍ୟ ସ୍ପର୍ଶ କରିଥିଲେ। ଏମ୍ଏସ୍ଏମ୍ଇ ଗୁଡ଼ିକ ଭାରତର ଉତ୍ପାଦନ କ୍ଷେତ୍ରର ମେରୁଦଣ୍ଡ ପାଲଟିବା ବିଷୟରେ ଜୋର ଦେଇ ପ୍ରଧାନମନ୍ତ୍ରୀ କହିଥିଲେ, କୋଭିଡ୍ ମହାମାରୀ ସମୟରେ ଏମ୍ଏସ୍ଏମ୍ଇଗୁଡ଼ିକୁ ସହାୟତା କରିବା ପାଇଁ କ୍ରେଡିଟ୍ ଗ୍ୟାରେଣ୍ଟି ସ୍କିମର କାର୍ଯ୍ୟକାରିତା ଉପରେ ଆଲୋକପାତ କରିଥିଲେ। ନୂଆ କ୍ଷେତ୍ର ସହ ଜଡ଼ିତ ଯୁବକମାନଙ୍କ ପାଇଁ ଋଣ ଉପଲବ୍ଧତା ସୁନିଶ୍ଚିତ କରିବା ପାଇଁ ରିଜର୍ଭ ବ୍ୟାଙ୍କ ବାହାର ନୀତି ପ୍ରଣୟନ କରିବା ଉପରେ ସେ ଗୁରୁତ୍ୱାରୋପ କରିଥିଲେ।

ଏକବିଂଶ ଶତାବ୍ଦୀରେ ନବସୃଜନର ଗୁରୁତ୍ୱ ଉପରେ ଜୋର ଦେଇ ପ୍ରଧାନମନ୍ତ୍ରୀ ନିଜ ଦଳ ସହିତ ଅତ୍ୟାଧୁନିକ ଜ୍ଞାନକୌଶଳ ଏବଂ ଏହି କାର୍ଯ୍ୟ ପାଇଁ କର୍ମଚାରୀ ଚିହ୍ନଟ ସମ୍ପର୍କରେ ଆସୁଥିବା ପ୍ରସ୍ତାବଗୁଡ଼ିକ ପାଇଁ ପ୍ରସ୍ତୁତ ରହିବାକୁ କହିଥିଲେ। ମହାକାଶ ଏବଂ ପର୍ଯ୍ୟଟନ ଭଳି ନୂତନ ଏବଂ ପାରମ୍ପରିକ କ୍ଷେତ୍ରର ଆବଶ୍ୟକତା ପାଇଁ ପ୍ରସ୍ତୁତ ରହିବାକୁ ସେ ବ୍ୟାଙ୍କର୍‌ ଏବଂ ନିୟାମକମାନଙ୍କୁ କହିଥିଲେ। ଆଗାମୀ ବର୍ଷଗୁଡ଼ିକରେ ଅଯୋଧ୍ୟା ବିଶ୍ୱର ସର୍ବବୃହତ ଧାର୍ମିକ ପର୍ଯ୍ୟଟନ କେନ୍ଦ୍ର ହେବାକୁ ଯାଉଛି ବୋଲି ସେ ବିଶେଷଜ୍ଞଙ୍କ ମତ ଉଲ୍ଲେଖ କରିଥିଲେ।

ପ୍ରଧାନମନ୍ତ୍ରୀ ଆର୍ଥିକ ଅନ୍ତର୍ଭୁକ୍ତୀକରଣ ଏବଂ ଡିଜିଟାଲ ଦେୟ ପାଇଁ ସରକାରଙ୍କ ଦ୍ୱାରା କରାଯାଇଥିବା କାର୍ଯ୍ୟକୁ ଶ୍ରେୟ ଦେଇଥିଲେ ଯାହା କ୍ଷୁଦ୍ର ବ୍ୟବସାୟୀ ଏବଂ ଷ୍ଟ୍ରିଟ୍ ଭେଣ୍ଡରଙ୍କ ଆର୍ଥିକ କ୍ଷମତାରେ ସ୍ୱଚ୍ଛତା ସୃଷ୍ଟି କରିଛି । ସେମାନଙ୍କୁ ଆର୍ଥିକ ଭାବେ ସଶକ୍ତ କରିବା ପାଇଁ ଏହି ସୂଚନା ବ୍ୟବହାର କରାଯିବା ଆବଶ୍ୟକ ବୋଲି ପ୍ରଧାନମନ୍ତ୍ରୀ ମୋଦୀ କହିଛନ୍ତି।

ଆଗାମୀ ୧୦ ବର୍ଷ ମଧ୍ୟରେ ଭାରତର ଆର୍ଥିକ ଆତ୍ମନିର୍ଭରଶୀଳତା ବୃଦ୍ଧି କରିବା ଉପରେ ମଧ୍ୟ ପ୍ରଧାନମନ୍ତ୍ରୀ ମୋଦୀ ଗୁରୁତ୍ୱାରୋପ କରିଛନ୍ତି। ଆଜି ବିଶ୍ୱ ଜିଡିପି ଅଭିବୃଦ୍ଧିରେ ୧୫ ପ୍ରତିଶତ ଅଂଶ ସହ ଭାରତ ବିଶ୍ୱ ଅଭିବୃଦ୍ଧିର ଇଞ୍ଜିନ୍ ପାଲଟିଛି ବୋଲି ଶ୍ରୀ ମୋଦୀ କହିଥିଲେ। ସମଗ୍ର ବିଶ୍ୱରେ ଟଙ୍କାକୁ ଅଧିକ ସୁଲଭ ଏବଂ ଗ୍ରହଣୀୟ କରିବାର ପ୍ରୟାସ ଉପରେ ସେ ଗୁରୁତ୍ୱାରୋପ କରିଥିଲେ। ଅତ୍ୟଧିକ ଆର୍ଥିକ ସମ୍ପ୍ରସାରଣ ଏବଂ ଋଣର ବଢୁଥିବା ଧାରା ସମ୍ପର୍କରେ ମଧ୍ୟ ସେ ଆଲୋଚନା କରିଥିଲେ। ସେ ଦର୍ଶାଇଥିଲେ ଯେ ଅନେକ ଦେଶର ଘରୋଇ କ୍ଷେତ୍ରର ଋଣ ସେମାନଙ୍କ ଜିଡିପିକୁ ଦ୍ୱିଗୁଣିତ କରିଛନ୍ତି। ଅନେକ ଦେଶର ଋଣ ସ୍ତର ମଧ୍ୟ ବିଶ୍ୱ ଉପରେ ନକାରାତ୍ମକ ପ୍ରଭାବ ପକାଉଛି ବୋଲି ସେ କହିଥିଲେ। ଭାରତର ଅଭିବୃଦ୍ଧି କ୍ଷମତା ଏବଂ ସମ୍ଭାବନାକୁ ଦୃଷ୍ଟିରେ ରଖି ଆରବିଆଇ ଏହା ଉପରେ ଏକ ଅଧ୍ୟୟନ କରିବାକୁ ପ୍ରଧାନମନ୍ତ୍ରୀ ପରାମର୍ଶ ଦେଇଥିଲେ।

ପ୍ରଧାନମନ୍ତ୍ରୀ ମୋଦୀ ଦେଶର ପ୍ରକଳ୍ପଗୁଡ଼ିକୁ ଆବଶ୍ୟକ ପାଣ୍ଠି ଯୋଗାଇବା ପାଇଁ ଏକ ଶକ୍ତିଶାଳୀ ବ୍ୟାଙ୍କିଙ୍ଗ ଶିଳ୍ପର ଆବଶ୍ୟକତା ଉପରେ ଜୋର ଦେଇଥିଲେ। ଏଆଇ ଏବଂ ବ୍ଲକଚେନ୍ ଭଳି ଟେକ୍ନୋଲୋଜି ଦ୍ୱାରା ହୋଇଥିବା ପରିବର୍ତ୍ତନକୁ ସେ ଉଲ୍ଲେଖ କରିଥିଲେ ଏବଂ ବଢୁଥିବା ଡିଜିଟାଲ ବ୍ୟାଙ୍କିଙ୍ଗ ବ୍ୟବସ୍ଥାରେ ସାଇବର ସୁରକ୍ଷା ଉପରେ ଗୁରୁତ୍ୱ ଦେଇଥିଲେ। ନୂଆ ଫାଇନାନ୍ସିଂ, ଅପରେଟିଂ ଏବଂ ବିଜନେସ୍ ମଡେଲର ଆବଶ୍ୟକତା ଥିବାରୁ ଫିନଟେକ୍ ଇନୋଭେସନ୍ ପରିପ୍ରେକ୍ଷୀରେ ବ୍ୟାଙ୍କିଙ୍ଗ୍ ବ୍ୟବସ୍ଥାର ଢାଞ୍ଚାରେ ଆବଶ୍ୟକ ପରିବର୍ତ୍ତନ ବିଷୟରେ ଚିନ୍ତା କରିବାକୁ ସେ ଦର୍ଶକମାନଙ୍କୁ କହିଥିଲେ। ବିଶ୍ୱ ଚାମ୍ପିଅନଙ୍କ ଠାରୁ ଉଠାଦୋକାନୀଙ୍କ ପର୍ଯ୍ୟନ୍ତ, ଅତ୍ୟାଧୁନିକ କ୍ଷେତ୍ର ଠାରୁ ଆରମ୍ଭ କରି ପାରମ୍ପରିକ କ୍ଷେତ୍ର ପର୍ଯ୍ୟନ୍ତ ଋଣ ଆବଶ୍ୟକତା ପୂରଣ କରିବା ବିକଶିତ ଭାରତ ପାଇଁ ବହୁତ ଗୁରୁତ୍ୱପୂର୍ଣ୍ଣ। ସେ କହିଥିଲେ ଯେ, ଆରବିଆଇ ବିକଶିତ ଭାରତର ବ୍ୟାଙ୍କିଙ୍ଗ ଦୃଷ୍ଟିକୋଣର ସାମଗ୍ରିକ ପ୍ରଶଂସା ପାଇଁ ଏକ ଉପଯୁକ୍ତ ସଂସ୍ଥା ଅଟେ।

ଏହି ଅବସରରେ ମହାରାଷ୍ଟ୍ର ରାଜ୍ୟପାଳ ରମେଶ ବୈସ, ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ, ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭିସ ଓ ଅଜିତ ପାୱାର, କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ, ଅର୍ଥ ରାଷ୍ଟ୍ରମନ୍ତ୍ରୀ ଭାଗବତ କିଶନରାଓ କରାଡ ଓ ପଙ୍କଜ ଚୌଧୁରୀ, ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ପ୍ରମୁଖ ଉପସ୍ଥିତ ଥିଲେ।

Categories
ଅପରାଧ ଆଜିର ଖବର ଜାତୀୟ ଖବର

ହ୍ଵାଟସ୍ ଆପ୍ ରେ ସାଂସଦ ନବନୀତ୍ ରାଣାଙ୍କୁ ଧମକ: ଭୟାନକ କ୍ଲିପ୍ ସହିତ ବାର୍ତ୍ତା ପଠାଇଲା ଅଭିଯୁକ୍ତ

ମୁମ୍ବାଇ: ମହାରାଷ୍ଟ୍ରର ଅମ୍ରାବତୀରୁ ଲୋକସଭା ସାଂସଦ ନବନୀତ୍ ରାଣାଙ୍କୁ ମୃତ୍ୟୁ ଧମକ ଦିଆଯାଇଛି। ସୋସିଆଲ ମିଡିଆ ଆପ୍ ହ୍ଵାଟସ୍ ଆପ୍ ରେ ବାର୍ତ୍ତା ଏବଂ ଅଡିଓ କ୍ଲିପ୍ ମାଧ୍ୟମରେ ତାଙ୍କୁ ଧମକ ଦିଆଯାଇଛି। ତେବେ ଅଭିଯୋଗ ପରେ ପୋଲିସ ଧାରା ୩୫୪, ୩୫୪ଏଡି, ୫୦୬ (୨) ଏବଂ ୬୭ ଅନୁଯାୟୀ ଏକ ଏଫଆଇଆର ପଞ୍ଜିକରଣ କରିଛି।

ହନୁମାନ ଚାଳିଶା ବିବାଦ ହେତୁ ନବନୀତ୍ ରାଣା ଏବଂ ତାଙ୍କ ସ୍ୱାମୀ ରବି ରାଣା କିଛି ସମୟ ପୂର୍ବରୁ (୨୦୨୨ ମସିହାରେ) ଚର୍ଚ୍ଚାକୁ ଆସିଥିଲେ।

Categories
ଆଜିର ଖବର ଜାତୀୟ ଖବର

ସିଏମ ସିନ୍ଦେ, ଅଜିତ ପାୱାର ଏବଂ ଦେବେନ୍ଦ୍ର ଫଡନାଭିସଙ୍କୁ ରାତ୍ରୀ ଭୋଜନ ପାଇଁ ନିମନ୍ତ୍ରଣ କଲେ ଶରଦ ପାୱାର

ମୁମ୍ବାଇ: ଶରଦ ପାୱାର ମାର୍ଚ୍ଚ ୨ ତାରିଖରେ ବାରାମତୀରେ ଥିବା ମୋହନବାଗ ବାସଭବନରେ ରାତ୍ରୀ ଭୋଜନ ପାଇଁ ମୁଖ୍ୟମନ୍ତ୍ରୀ ଏବଂ ଉଭୟ ଉପ-ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ଏବଂ ଅଜିତ ପାୱାରଙ୍କୁ ନିମନ୍ତ୍ରଣ କରିଛନ୍ତି। ଏ ସମ୍ପର୍କରେ ସେ ମୁଖ୍ୟମନ୍ତ୍ରୀ ସିନ୍ଦେ, ଉପ-ମୁଖ୍ୟମନ୍ତ୍ରୀ ଅଜିତ ପାୱାର ଏବଂ ଦେବେନ୍ଦ୍ର ଫଡନାଭିସଙ୍କୁ ଏକ ଚିଠି ପଠାଇଛନ୍ତି। ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କୁ ପଠାଯାଇଥିବା ଚିଠିରେ ଶରଦ ପାୱାର କହିଛନ୍ତି ଯେ, ଆପଣ ସରକାରୀ ପରିଦର୍ଶନ ପାଇଁ ମାର୍ଚ୍ଚ ୨ ତାରିଖରେ ବାରାମତୀକୁ ଆସୁଛନ୍ତି। ସେଦିନ ବିଦ୍ୟା ପ୍ରତିଷ୍ଠାନ, ବିଦ୍ୟାନଗରୀ, ବାରାମତୀ ପରିସରରେ ମହାରୋଜଗାର ମେଳା ଆୟୋଜନ କରାଯାଉଛି। ମୁଁ ବିଦ୍ୟା ପ୍ରତିଷ୍ଠାନର ପ୍ରତିଷ୍ଠାତା ସଭାପତି, ସଂଗଠନର ସଭାପତି ଭାବରେ ମୁଁ ଆପଣଙ୍କୁ ସଂଗଠନର ପରିସରକୁ ସ୍ୱାଗତ କରିବାକୁ ଚାହେଁ।

ଏହା ସହିତ ସେ କହିଛନ୍ତି ଯେ, “ମୁଁ ବହୁତ ଖୁସି ଯେ ଆପଣ ମୁଖ୍ୟମନ୍ତ୍ରୀ ପଦ ଗ୍ରହଣ କରିବା ପରେ ପ୍ରଥମେ ବାରାମତୀ ସହରକୁ ଆସୁଛନ୍ତି। ମୁଁ ବାରାମତୀରେ ଥିବା ମୋ ବାସଭବନ ‘ଗୋବିନ୍ଦବାଗ’ରେ ଆତିଥ୍ୟ ଉପଭୋଗ କରିବାକୁ ମୁଁ ଆପଣଙ୍କୁ ଫୋନ୍ ମାଧ୍ୟମରେ ନିମନ୍ତ୍ରଣ କରିସାରିଛି। ଦୟାକରି ଆସନ୍ତୁ ନାମୋ ମହାରୋଜଗାର ମେଳା ପରେ ଅନ୍ୟ କ୍ୟାବିନେଟ ସହକର୍ମୀଙ୍କ ସହ ମୁଁ ଆଶା କରୁଛି ଆପଣ ନିମନ୍ତ୍ରଣକୁ ଆନ୍ତରିକତାର ସହ ଗ୍ରହଣ କରିବେ।”

Categories
ଆଜିର ଖବର ଜାତୀୟ ଖବର

ସାଇକେଲ ଚଲାଉଥିଲେ ଇଣ୍ଟେଲ ଇଣ୍ଡିଆର ପୂର୍ବତନ ମୁଖ୍ୟ: ଟ୍ୟାକ୍ସି ଧକ୍କାରେ ଅବତାର ସାଇନିଙ୍କ ମୃତ୍ୟୁ

ନୂଆଦିଲ୍ଲୀ: ନଭି ମୁମ୍ବାଇରେ କ୍ୟାବରେ ଧକ୍କା ହେବା ପରେ ଜଣଙ୍କର ମୃତ୍ୟୁ ଘଟିଛି। ମୃତ ବ୍ୟକ୍ତି ହେଉଛନ୍ତି ଇଣ୍ଟେଲ ଇଣ୍ଡିଆର ପୂର୍ବତନ ମୁଖ୍ୟ ଅବତାର ସାଇନି। ଅବତାର ସାଇନି ସେହି ବ୍ୟକ୍ତି ଯିଏ ପେଣ୍ଟିଅମ୍ ପ୍ରୋସେସରର ଡିଜାଇନ୍ କୁ ଆଗେଇ ନେଇଥିଲେ। ପୋଲିସ କହିଛି ଯେ, ବୁଧବାର ସକାଳେ ନଭି ମୁମ୍ବାଇରେ ଏକ ଦ୍ରୁତ ଗତିରେ ଆସୁଥିବା କାର ତାଙ୍କ ସାଇକେଲକୁ ଧକ୍କା ଦେଇଥିଲା, ଯାହା ଫଳରେ ତାଙ୍କର ମୃତ୍ୟୁ ଘଟିଥିଲା। ସେ ବୁଧବାର ସକାଳ ପ୍ରାୟ ୫.୫୦ ସମୟରେ ନେରୁଲ ଅଞ୍ଚଳର ପାମ ବିଚ ରୋଡରେ ସାଇକେଲ ଚଳାଉଥିଲେ। ସେ ଅନ୍ୟ ସାଇକେଲ ଚାଳକଙ୍କ ସହ ନିଜ ସାଇକେଲରେ ଯାଉଥିଲେ, ଯେତେବେଳେ ପଛରୁ ଏକ ଦ୍ରୁତ ଗତିରେ ଆସୁଥିବା ଟ୍ୟାକ୍ସି ଅବତାର ସାଇନିଙ୍କ ସାଇକେଲକୁ ଧକ୍କା ଦେଇଥିଲା। ଏହି ଘଟଣା ପରେ ଅଭିଯୁକ୍ତ ଟ୍ୟାକ୍ସି ଡ୍ରାଇଭର ସେଠାରୁ ପଳାଇବାକୁ ଚେଷ୍ଟା କରିଥିଲା।

କାରଟି ଅବତାର ସାଇନିଙ୍କୁ କିଛି ଦୂର ପର୍ଯ୍ୟନ୍ତ ଟାଣିନେଇଯାଇଥିଲା। ଅବତାର ସାଇନିଙ୍କ ଅନ୍ୟ ସାଇକେଲ ଚାଳକ ବନ୍ଧୁମାନେ ଏହି ସୂଚନା ପ୍ରଦାନ କରିଥିଲେ। ଘଟଣା ସମୟରେ ସେ ହେଲମେଟ ପିନ୍ଧିଥିଲେ ମଧ୍ୟ ସେ ଗୁରୁତର ଆହତ ହୋଇଥିଲେ। ଆହତ ଅବସ୍ଥାରେ ତାଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଥିଲା, ଯେଉଁଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ। ଏହି ଘଟଣା ପରେ ଟ୍ୟାକ୍ସି ଡ୍ରାଇଭରକୁ ସାଇକେଲ ଆରୋହୀମାନେ ଧରି ପୋଲିସକୁ ହସ୍ତାନ୍ତର କରିଥିଲେ।

Categories
ଅନ୍ତରାଷ୍ଟ୍ରୀୟ ଜାତୀୟ ଖବର ବିଶେଷ ଖବର ବ୍ୟବସାୟ

ଜଳୁଥିବା ତାଜକୁ ଦେଖି ହସିଥିଲା ପାକିସ୍ତାନ, ଟାଟା ଦେଖାଇଲା ଶକ୍ତି

ନୂଆଦିଲ୍ଲୀ: ଦେଶର ଆର୍ଥିକ ରାଜଧାନୀ ମୁମ୍ବାଇ। ୨୦୦୮ ମସିହା। ନଭେମ୍ବର ୨୬ ତାରିଖ। ହଠାତ୍ ପାକିସ୍ତାନର ଆତଙ୍କବାଦୀମାନେ ଏଠାରେ ଆକ୍ରମଣ କରିଥିଲେ। ଆରବ ସାଗର କୂଳରେ ଗର୍ବର ସହ ଠିଆ ହୋଇଥିବା ଟାଟାର ଐତିହାସିକ ହୋଟେଲ ତାଜରେ ଗୁଳି ମାଡ଼ର ଶବ୍ଦ ଶୁଣିବାକୁ ମିଳିଥିଲା। ଏହାକୁ ଦେଖି ଆତଙ୍କବାଦୀମାନେ ଏହି ପ୍ରସିଦ୍ଧ ହୋଟେଲର ଗୁମ୍ବୁଜରେ ନିଆଁ ଲଗାଇ ଦେଇଥିଲେ। ଧୂଆଁରେ ପୂରା ଗୁମ୍ବୁଜ ଜଳିବାକୁ ଲାଗିଲା। ଏହି ଫଟୋଦେଖି ପାକିସ୍ତାନ ନିଶ୍ଚୟ ହସିଥିବ। ଏହି ନୃଶଂସ ଆତଙ୍କବାଦୀ ଘଟଣାରେ ୧୬୬ ଜଣଙ୍କ ମୃତ୍ୟୁ ଘଟିଥିଲା। ଟାଟା ଗ୍ରୁପର ଏହି ପ୍ରସିଦ୍ଧ ହୋଟେଲକୁ ଏହି ଆକ୍ରମଣ ପାଇଁ ବନ୍ଦ କରି ଦିଆଯାଇଥିଲା ଏବଂ ପ୍ରାୟ ଏକ ବର୍ଷର କଠିନ ପରିଶ୍ରମ ପରେ ଏହି ହୋଟେଲ ପୁଣିଥରେ ମୁଣ୍ଡ ଉଠାଇ ସମୁଦ୍ର କୂଳରେ ଛିଡ଼ା ହୋଇଛି। ଏବେ ଟାଟା ପାକିସ୍ତାନକୁ ଏଭଳି ଝଟକା ଦେଇଛି, ଯାହା ଶୁଣି ସେ ନିଶ୍ଚୟ ଆଶ୍ଚର୍ଯ୍ୟ ହୋଇଯାଇଥିବ।

ପାକିସ୍ତାନକୁ ଶକ୍ତି ଦେଖାଇଲା ଟାଟା

ଯେଉଁ ଟାଟା ଗ୍ରୁପ୍‍ର ହୋଟେଲ ଆତଙ୍କବାଦୀ ଆକ୍ରମଣ କରି ପାକିସ୍ତାନ ଉପରେ ହସିଥିଲା, ସେହି ଟାଟା ଗ୍ରୁପ୍ ଆଜି ପାକିସ୍ତାନକୁ ନିଜର ସ୍ଥାନ ଦେଖାଇଛି। ଟାଟା ଗ୍ରୁପ୍ କମ୍ପାନିଗୁଡ଼ିକର ମୂଲ୍ୟ ୩୬୫ ବିଲିୟନ ଡଲାରକୁ ବୃଦ୍ଧି ପାଇଛି। ଯେତେବେଳେ କି ପାକିସ୍ତାନର ମୋଟ ଜିଡିପି ପ୍ରାୟ ୩୪୧ ବିଲିୟନ ଡଲାର। ଅର୍ଥାତ୍ ଟାଟା କମ୍ପାନିଗୁଡ଼ିକର ମୋଟ ସମ୍ପତ୍ତିଠାରୁ ୨୪ ବିଲିୟନ ଡଲାର କମ୍। ଟାଟା ଗ୍ରୁପ୍‍ର ୨୫ରୁ ଅଧିକ ତାଲିକାଭୁକ୍ତ କମ୍ପାନି ରହିଛି।

୨୦୦୮ ବନାମ ୨୦୨୪

ପାକିସ୍ତାନୀ ଆତଙ୍କବାଦୀମାନେ ଭାରତର ଆର୍ଥିକ ପୁଞ୍ଜିକୁ ବନ୍ଧକ ରଖିଥିବାବେଳେ ରତନ ଟାଟା ଏକ ବୟାନ ଜାରି କରିଥିଲେ। ଏଭଳି ପରିସ୍ଥିତିରେ ଆମେ ଏକାଠି ହୋଇ ଏଭଳି ଆତଙ୍କବାଦୀ ଆକ୍ରମଣର ମୁକାବିଲା କରିବା ସହ କ୍ଷତିଗ୍ରସ୍ତ ସମ୍ପତ୍ତିର ପୁନରୁଦ୍ଧାର ଦିଗରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବା ଦରକାର। ଟାଟା ତାଙ୍କ କହିବା ଅନୁଯାୟୀ କରିଥିଲେ ଏବଂ ପ୍ରାୟ ଏକବର୍ଷ ପରେ ପୁଣିଥରେ ତାଜ ହୋଟେଲକୁ ଠିଆ କରାଇଥିଲେ। ଟାଟା ପାକିସ୍ତାନକୁ ତା’ର ଔକାତ ଦେଖାଇଛି।

ଭାରତକୁ ଆଘାତ ଦେବା ପରେ ହସୁଥିବା ପାକିସ୍ତାନ ଏବେ ଆଣ୍ଠେଇଛି

ସେତେବେଳେ ମୁମ୍ବାଇରେ ଆତଙ୍କବାଦୀ ଆକ୍ରମଣ କରି ପାକିସ୍ତାନ ଖୁସି ଥିଲା, କିନ୍ତୁ ଆଜି ଏହା ଦେବାଳିଆ ହୋଇଯାଇଛି। ପରିସ୍ଥିତି ଏପରି ହୋଇଛି ଯେ ତାକୁ ଋଣ ଦେବାକୁ କେହି ନାହାନ୍ତି। ସେହି ଆକ୍ରମଣର କ୍ଷତରୁ ଶିକ୍ଷା ନେଇ ଭାରତ ଆଜି ବିଶ୍ୱର ପଞ୍ଚମ ବୃହତ୍ତମ ଅର୍ଥନୀତିରେ ପରିଣତ ହୋଇଛି। କେବଳ ଟାଟା ଭଳି କମ୍ପାନି ପାକିସ୍ତାନ ଜିଡିପିଠାରୁ ଅଧିକ ହୋଇଛି। ପାକିସ୍ତାନର ସ୍ଥିତି ଏବେ ଭାରତ ସାମ୍ନାରେ ପୀଡ଼ିତା ଭଳି ହୋଇଗଲାଣି।

କମ୍ପାନୀ ରତନ ଟାଟାଙ୍କ ଉତ୍ସାହକୁ ପ୍ରମାଣିତ କରିଛି

ମୁମ୍ବାଇ ଆକ୍ରମଣ ପରେ ଟାଟାଙ୍କ ବୟାନ ଏବଂ ତାଙ୍କ ଉତ୍ସାହକୁ ଟାଟା ସନ୍ସ ପ୍ରମାଣିତ କରିଛି। ଏକଦା ଆତଙ୍କବାଦୀ ଆକ୍ରମଣ କରି ଭାରତକୁ ଧ୍ୱଂସ କରିବାକୁ ଚାହୁଁଥିବା ପାକିସ୍ତାନ ଆଜି ନିଜେ ଅସୁବିଧାରେ ପଡ଼ିଛି। ଅନ୍ୟପକ୍ଷରେ ଯେଉଁ ଟାଟାକୁ ପାକିସ୍ତାନ ଅସୁବିଧାରେ ପକାଇବାକୁ ଚେଷ୍ଟା କରିଥିଲା, ତାହା ଆଜି ଘରକୁ ଘର ବୁଲି ବୁଲୁଛି।

କରମ, କରମ କା ଫେର୍ ହୈ…

ଆତଙ୍କବାଦୀଙ୍କୁ ପୋଷଣ କରୁଛି ପାକିସ୍ତାନ। ଟାଟା କମ୍ପାନି ଭାରତର ଅର୍ଥନୀତିକୁ ସୁଦୃଢ଼ କରିଥାଏ। ଆଜି ପାକିସ୍ତାନ ପାଖରେ ଖାଦ୍ୟ ନାହିଁ ଏବଂ ଟାଟା ଲକ୍ଷ ଲକ୍ଷ ଲୋକଙ୍କୁ ରୋଜଗାର ଦେଉଛି। ସୋସିଆଲ ମିଡିଆରେ ଲୋକମାନେ ପାକିସ୍ତାନର ଜିଡିପି ଏବଂ ଟାଟା କମ୍ପାନୀର ମୋଟ ମୂଲ୍ୟ ଦେଖାଇ ଇସଲାମାବାଦକୁ ଏହାର ସ୍ଥିତି ଦେଖାଉଛନ୍ତି।

Categories
ଅପରାଧ ଆଜିର ଖବର ଜାତୀୟ ଖବର

ଉଦ୍ଧବ ଠାକରେ ଗୋଷ୍ଠୀ ନେତା ଅଭିଷେକ ଘୋଷାଲକରଙ୍କ ଉପରକୁ ଆକ୍ରମଣ: ବାଜିଲା ୩ ଟି ଗୁଳି

ମୁମ୍ବାଇ: ମୁମ୍ବାଇର ଦାହିସ ଅଞ୍ଚଳରେ ଉଦ୍ଧବ ଠାକରେ ଗୋଷ୍ଠୀ ନେତା ଅଭିଷେକ ଘୋଷାଲକରଙ୍କୁ ଆକ୍ରମଣ କରାଯାଇଛି। ତାଙ୍କ ଉପରକୁ ଗୁଳି ଚାଳନା କରାଯାଇଛି। ଅଜ୍ଞାତ ଲୋକମାନେ ତାଙ୍କ ଉପରକୁ ଗୁଳି ଚଳାଇଛି। ବିନୋଦ ଘୋଷାଲକର ହେଉଛନ୍ତି ଉଦ୍ଧବ ଠାକରେ ଗୋଷ୍ଠୀର ନେତା ଏବଂ ତାଙ୍କ ପୁଅ ଅଭିଷେକ ଘୋଷାଲକରଙ୍କ ଉପରକୁ ଆକ୍ରମଣ କରାଯାଇଛି। ବର୍ତ୍ତମାନ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।

Categories
ଆଜିର ଖବର ଜାତୀୟ ଖବର

ବର୍ଷା ବିତ୍ପାତ : ହାଇଦ୍ରାବାଦ-ତେଲେଙ୍ଗାନାରେ 30 ମୃତ, ମୁମ୍ବାଇ-ପୁଣରେ ବି ପ୍ରବଳ ବର୍ଷା

ମୁମ୍ବାଇ :  ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟ ଲଘୁଚାପ ଗଭୀର ଅବପାତରେ ପରିଣତ ହୋଇ ସ୍ଥଳଭାଗ ଛୁଇଁବା ପରେ ଓଡ଼ିଶା ସମେତ କେତେକ ରାଜ୍ୟରେ ପ୍ରବଳରୁ ଅତି ପ୍ରବଳ ବର୍ଷା ହେଉଛି । ତେଲେଙ୍ଗାନାରେ ପ୍ରବଳ ବର୍ଷା ଲାଗି ରହିଛି। ବର୍ଷାରେ 30 ଲୋକଙ୍କର ମୃତ୍ୟୁ ଘଟିଲାଣି। ଏଥିମଧ୍ୟରୁ କେବଳ 15 ଜଣ କେବଳ ହାଇଦ୍ରାବାଦର। ସହରର ତଳିଆ ଅଞ୍ଚଳରେ ବର୍ଷା ପାଣି ଜମିରହିଥିବା ବେଳେ ସାରା ରାତି ବର୍ଷା ହେବାରୁ ଏକ ପାଚେରୀ ଭାଙ୍ଗି ପଡ଼ିଥିଲା। ଏହି ପାଚେରୀ ନିକଟରେ ଥିବା ୧୦ଟି ଘର ଉପରେ ଅଜାଡି ପଡ଼ିବାରୁ 9 ଜଣଙ୍କର ମୃତ୍ୟୁ ହୋଇଛି। ବର୍ଷା ଯୋଗୁ ରାଜଧାନୀ ହାଇଦ୍ରାବାଦ୍‌ ସ୍ଥିତି ବେହାଲ ହୋଇଯାଇଛି। ମିଳିଥିବା ଖବର ଅନୁଯାୟୀ, ପ୍ରବଳ ବର୍ଷା ଯୋଗୁ ବିଦ୍ୟୁତ ଖୁଣ୍ଟ ସବୁ ଉପୁଡି ଯାଇଛି। ଫଳରେ ସହରରେ ବିଦ୍ୟୁତ ସରବରାହ ବ୍ୟାହତ ହୋଇଛି। ହଜାର ହଜାର ଏକର କ୍ଷେତ ଜଳାର୍ଣ୍ଣବ ହୋଇଯାଇଛି। ଏନଡିଆରଏଫ ଏବଂ ସେନା ସହାୟତାରେ ଉଦ୍ଧାର କାର୍ଯ୍ୟ ଚାଲିଛି।

ଅପରପକ୍ଷରେ ବର୍ଷା ଯୋଗୁଁ ମାୟାନଗରୀର ଅବସ୍ଥା ମଧ୍ୟ ସଙ୍ଗୀନ ରହିଛି । ମହାରାଷ୍ଟ୍ରର ମୁମ୍ବାଇ ଓ ଥାଣେ ସମେତ ବହୁ ଅଞ୍ଚଳରେ ବିଳମ୍ବିତ ରାତ୍ରି ପର୍ଯ୍ୟନ୍ତ ବର୍ଷା ଜାରି ରହିଥିବାରୁ ତଳିଆ ଅଞ୍ଚଳରେ ପାଣି ଭରି ଯାଇଛି । ଅନ୍ଧେରୀ, ହିନ୍ଦମାତା, ଜାଗେଶ୍ବରୀ, କିଙ୍ଗ ସର୍କଲ୍‌, କୁର୍ଲା, ମରୋଲ୍‌, ଗୋରେଗାଓଁ, ଘାଟକୋପର, ଚୈମ୍ବୁର ସମେତ ବହୁ ଅଂଶରେ ପ୍ରବଳ ବର୍ଷା ହୋଇଛି । ପାଣିପାଗ ବିଭାଗ ମୁମ୍ବାଇ ପାଇଁ ରେଡ୍‌ଆଲର୍ଟ ଜାରି କରିଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ମୁମ୍ବାଇରେ ବଡ ଧରଣର ଗ୍ରୀଡ ଫେଲ୍‌

ମୁମ୍ବାଇ : ଦେଶର ଆର୍ଥିକ ରାଜଧାନୀ ମୁମ୍ବାଇ ସହରରେ ବଡ ଧରଣର ଗ୍ରୀଡ୍‌ ଫେଲ୍‌ ହୋଇଛି । ଏହା ଯୋଗୁଁ ମୁମ୍ବାଇର ବ୍ୟାପକ ଅଞ୍ଚଳରେ ଦିନ 10ଟାରୁ ବିଦ୍ୟୁତ୍‌ ଯୋଗାଣ ବନ୍ଦ ରହିଛି । ବିଦ୍ୟୁତ ବିଭ୍ରାଟ ପାଇଁ ମୁମ୍ବାଇ ଉପନଗରୀ ଅଞ୍ଚଳରେ ଟ୍ରେନ୍‌ ସେବା ବାଧାପ୍ରାପ୍ତ ହୋଇଛି । ଟାଟା ତରଫରୁ ହେଉଥିବା ବିଦ୍ୟୁତ୍‌ ଯୋଗାଣ ବିଫଳ ହୋଇଥିବାରୁ ରାଜଧାନୀରେ ବିଦ୍ୟୁତ୍‌ ଯୋଗାଣ ବ୍ୟାହତ ହୋଇଛି ବୋଲି ମୁମ୍ବାଇ ବିଦ୍ୟୁତ ଯୋଗାଣ ଓ ପରିବହନ ତରଫରୁ ସୂଚନା ଦିଆଯାଇଛି ।

ଏହି କାରଣରୁ ସହରର ପୂର୍ବ, ପଶ୍ଚିମ, ଉପନଗର ଓ ଥାନେର କିଛି ଅଂଶରେ ବିଜୁଳି ଯୋଗାଣ ବନ୍ଦ ରହିଛି । ଗ୍ରୀଡ୍‌ ଫେଲ୍‌ ହେବା କାରଣରୁ ମୁମ୍ବାଇରେ ଲୋକାଲ୍‌ ଟ୍ରେନ୍‌ ସେବା ମଧ୍ୟ ବାଧାପ୍ରାପ୍ତ ହୋଇଛି । ବାନ୍ଦ୍ରା, କୋଲାବ୍‌, ମାହିମା ଆଦି ଅଞ୍ଚଳରେ ସକାଳ 10ଟାରୁ ବିଜୁଳି ଯୋଗାଣ ବନ୍ଦ ରହିଛି ।

Categories
ଆଜିର ଖବର ଜାତୀୟ ଖବର

କରୋନା ଅପଡେଟ୍‌ : ଦିନକରେ 64 ହଜାରରୁ ଉର୍ଦ୍ଧ୍ବ ଆକ୍ରାନ୍ତ ଚିହ୍ନ, 861ଜଣଙ୍କ ମୃତ୍ୟୁ

ନୂଆଦିଲ୍ଲୀ : ଭାରତରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ତରଫରୁ ମିଳିଥିବା ସୂଚନା ଅନୁସାରେ ଗତ 24 ଘଣ୍ଟା ମଧ୍ୟରେ ଦେଶରେ ସର୍ବାଧିକ 64 ହଜାର 399 ଜଣ ଆକ୍ରାନ୍ତ ହୋଇଥିବାବେଳେ 861ଜଣ ପ୍ରାଣ ହରାଇଛନ୍ତି । ଏବେ ଦେଶର ଆକ୍ରାନ୍ତଙ୍କ ସଂଖ୍ୟା 21 ଲକ୍ଷ 53 ହଜାର 11ରେ ପହଞ୍ଚିଥିବାବେଳେ ମୃତ୍ୟୁ ସଂଖ୍ୟା 43 ହଜାର 379କୁବୃଦ୍ଧି ହୋଇଛି । ଦେଶରେ ବର୍ତ୍ତମାନ ସୁଦ୍ଧା ସକ୍ରିୟ ଆକ୍ରାନ୍ତଙ୍କ ସଂଖ୍ୟା 6 ଲକ୍ଷ 28 ହଜାର 747 ରହିଛି । ସେହିପରି ସୁସ୍ଥ ହୋଇଛନ୍ତି 14 ଲକ୍ଷ 08 ହଜାର 884ଜଣ ।

ମହାରାଷ୍ଟ୍ରରେ ସର୍ବାଧିକ 17 ହଜାର 376ଜଣଙ୍କ ମୃତ୍ୟୁ ହୋଇଥିବାବେଳେ ତାମିଲନାଡୁରେ 4 ହଜାର 808 ଜଣ, ଦିଲ୍ଲୀରେ 4 ହଜାର 98 ଜଣ, କର୍ଣ୍ଣାଟକରେ 3 ହଜାର 91 ଜଣଙ୍କ ମୃତ୍ୟୁ ହୋଇଛି ବୋଲି ସୂଚନା ରହିଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ଗତ 24 ଘଣ୍‌ଟାରେ 61 ହଜାରରୁ ଉର୍ଦ୍ଧ୍ବ ଆକ୍ରାନ୍ତ ଚିହ୍ନଟ, 933 ଜଣ ମୃତ

ନୂଆଦିଲ୍ଲୀ :  ଦେଶରେ କରୋନା ପ୍ରକୋପ ଲଗାତାର ଭାବରେ ବଢି ଚାଲିଛି ।  ଗତ 24 ଘଣ୍‌ଟା ମଧ୍ୟରେ ଦେଶରେ 61 ହଜାର 537 ଜଣ ଆକ୍ରାନ୍ତ ହୋଇଥିବାବେଳେ 933 ଜଣଙ୍କ ମୃତ୍ୟୁ ହୋଇଛି । ଏବେ ସୁଦ୍ଧା ଦେଶରେ କରୋନା ସଂକ୍ରମିତଙ୍କ ସଖ୍ୟା 20 ଲକ୍ଷ 86 ହଜାର ପାର୍‌ କରିସାରିଛି । ଦେଶରେ କରୋନାଜନିତ ମୃତ୍ୟୁସଂଖ୍ୟା 42 ହଜାର 518କୁ ବୃଦ୍ଧି ହୋଇଛି । କରୋନା ଆକ୍ରାନ୍ତଙ୍କ ସଂଖ୍ୟା 20 ଲକ୍ଷ 88 ହଜାର 612 ପାର୍‌ କରିଛି ।  ଦିନକରେ 61, 537 କରୋନା ଆକ୍ରାନ୍ତ ହୋଇଥିବାବେଳେ 933 ଜଣଙ୍କର ମୃତ୍ୟୁ ହୋଇଛି । ସମୁଦାୟ ସୁସ୍ଥ ବ୍ୟକ୍ତିଙ୍କ ସଂଖ୍ୟା 14.27 ଲକ୍ଷ ଛୁଇଁଥିବା ବେଳେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା 6 ଲକ୍ଷ ରହିଛି । ଦେଶରେ କରୋନାରୁ ସୁସ୍ଥ ହେଉଥିବା ଆକ୍ରାନ୍ତଙ୍କ ସଂଖ୍ୟା 68. 32% ରହିଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ଦେଶରେ ଗତ 24 ଘଣ୍ଟା ମଧ୍ୟରେ 56,282 ନୂତନ କରୋନା ରୋଗୀ ଚିହ୍ନଟ,904 ଜଣଙ୍କର ମୃତ୍ୟୁ

ନୂଆଦିଲ୍ଲୀ : ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ତଥ୍ୟ ଅନୁଯାୟୀ ଗତ 24 ଘଣ୍ଟା ମଧ୍ୟରେ ଭାରତରେ କରୋନା ରୋଗୀଙ୍କ ସଂଖ୍ୟା 19 ଲକ୍ଷ ଅତିକ୍ରମ କରିଛି, ଗୋଟିଏ ଦିନରେ 56,282 ଟି ନୂଆ ମାମଲା ଚିହ୍ନଟ ହୋଇଥିବାବେଳେ ଏବଂ 904 ଜଣ କରୋନା ସଂକ୍ରମିତ ପ୍ରାଣ ହରାଇଛନ୍ତି ।

ସେହିପରି ଏହା ସହ ଦେଶରେ ମୋଟ ସଂକ୍ରମିତ ସଂଖ୍ୟା 19 ଲକ୍ଷ 64 ହଜାର 536 କୁ ବୃଦ୍ଧି ପାଇଛି, ସେଥିମଧ୍ୟରୁ 5 ଲକ୍ଷ 95 ହଜାର ସକ୍ରିୟ ମାମଲା ଥିବାବେଳେ 13 ଲକ୍ଷ 28 ହଜାର ଲୋକ ଆରୋଗ୍ୟ ଲାଭ କରିଛନ୍ତି। ମହାରାଷ୍ଟ୍ରରେ ସର୍ବାଧିକ 16ହଜାର 476 ଆକ୍ରାନ୍ତଙ୍କ  ମୃତ୍ୟୁ ହୋଇଛି । ତାମିଲନାଡୁରେ 4 ହଜାର461 ଜଣଙ୍କର ମୃତ୍ୟୁ ହୋଇଥିବାବେଳେ  ଦିଲ୍ଲୀରେ 4 ହଜାର 44, କର୍ଣ୍ଣାଟକରେ 2 ହଜାର 804ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଛି । (ଏଜେନ୍ସି)

Categories
ଆଜିର ଖବର ବ୍ୟବସାୟ

ସୁନା ଦରରେ ରେକର୍ଡ ବୃଦ୍ଧି, 10 ଗ୍ରାମ ପିଛା 51 ହଜାର 833 ଟଙ୍କା

ମୁମ୍ବାଇ, ସୁନାର ଦରବୃଦ୍ଧି କମିବାର ନାଁ ନେଉନାହିଁ। ଏହି ଧାରା ଜାରି ରହିବା ସହ ଏବେ ସୁନା ଦର 10 ଗ୍ରାମ ପିଛା ପହଞ୍ଚିଛି 51 ହଜାର 833 ଟଙ୍କାରେ, ଯାହାକି ସର୍ବକାଳୀନ ରେକର୍ଡ। କରୋନା ମହାମାରୀକୁ ବିଶ୍ବ ଅର୍ଥନୀତିରେ ଯେଉଁ ସ୍ଥିତି ଉପୁଜିଛି ତାହାକୁ ନେଇ ଚିନ୍ତା ବଢିଥିବା ବେଳେ ଅନ୍ତର୍ଜାତୀୟ ବଜାରରେ ସୁନା ଦର ବଢିବାରେ ଲାଗିଛି।

ଅର୍ଥନୈତିକ ମାନ୍ଦାବସ୍ଥା ମଧ୍ୟରେ ଇକ୍ହିଟିଜ ଏବଂ ପ୍ରପର୍ଟିଜ କାରବାର ଭଲ ହେଉନଥିବା ବେଳେ ସୁନାର ଚାହିଦା ବଢି ଚାଲିଛି। ଅର୍ଥନୈତିକ କ୍ଷେତ୍ରରେ ସବୁଠି ଅନିଶ୍ଚିତତା ଦେଖା ଦେଇଥିବା ବେଳେ ନିବେଶକାରୀ ମାନେ ସୁନା ଗଚ୍ଛିତ ରଖିବା ସବୁଠାରୁ ନିରାପଦ ମନେ କରୁଛନ୍ତି। ରୁପା ଦର ମଧ୍ୟ କିଲୋଗ୍ରାମ ପିଛା ସାଢେ 3 ହଜାର ଟଙ୍କା ବୃଦ୍ଧି ପାଇ 64 ହଜାର 740 ଟଙ୍କାରେ ପହଞ୍ଚିଛି।

Categories
ଆଜିର ଖବର ଜାତୀୟ ଖବର

ଆଇଏସଆଇରୁ ଦୂରେଇ ରହୁ ବଲିଉଡ୍: ବିଜେପି

ନୂଆଦିଲ୍ଲୀ, ବଲିଉଡ୍ ପାକିସ୍ତାନର ଗୁପ୍ତଚର ସଂସ୍ଥା ଆଇଏସଆଇରୁ ନିଜକୁ ଦୂରେଇ ରଖୁ ବୋଲି ବିଜେପି କହିଛି। ସୋସିଆଲ ମିଡିଆ ଏବଂ ଦେଶ ବାହାରେ ଭାରତ ବିରୋଧୀ କିଛି ବ୍ୟକ୍ତିଙ୍କ ସହ ବଲିଉଡର କିଛି କଳାକାର ଫଟୋ ପ୍ରଦର୍ଶିତ ହେଉଥିବାରୁ ବିଜେପି ଏହା କହିଛି।

କାଲିଫର୍ଣ୍ଣିଆରେ ରହୁଥିବା କାଶ୍ମୀର ବିଚ୍ଛିନ୍ନତାବାଦୀ ଟୋନି ଆସାଇଙ୍କ ସହ ଶାହାରୁଖ ଖାଁ ଏବଂ ତାଙ୍କ ପତ୍ନୀ ଗୌରୀ ଖାଁଙ୍କ ଫଟୋକୁ ନେଇ ବିବାଦ ପରେ ବିଜେପି ଏଭଳି ମତ ରଖିଛି। ଭାରତ ବିରୁଦ୍ଧରେ ଲଢେଇ ପାଇଁ ଟୋନା ଆସାଇ କାଶ୍ମୀର ଯୁବକମାନଙ୍କୁ ପ୍ରୋତ୍ସାହିତ କରୁଥିବାର ଅଭିଯୋଗ ରହିଛି।

ଆହୁରି ବି ଅନେକ ବଲିଉଡ କଳାକାରଙ୍କର ପାକିସ୍ତାନୀ ଓ ଭାରତ ବିରୋଧୀ ତତ୍ତ୍ବଙ୍କ ସହିତ ବ୍ୟାବସାୟିକ ସମ୍ପର୍କ ରହୁଥିବା ନେଇ ଅନେକ ଅଭିଯୋଗ ରହିବା ସହ ଏ ନେଇ ନାନା ପ୍ରଚାର ମଧ୍ୟ ହେଉଛି।

ଏସବୁକୁ ଲକ୍ଷ୍ୟ କରି ବିଜେପି ଉପସଭାପତି ଏକ ପ୍ରତିକ୍ରିୟରେ ବଲିଉଡ ଜଗତକୁ ଭାରତ ବିରୋଧୀ ଗୋଷ୍ଠୀ ଠାରୁ ନିଜକୁ ଦୂରେଇ ରଖିବାକୁ ନିବେଦନ କରିଛନ୍ତି।

Categories
ଆଜିର ଖବର ଜାତୀୟ ଖବର

ମୁମ୍ବାଇର ହୋଟେଲ୍‌ରେ ଅଗ୍ନିକାଣ୍ଡ : 25 ଜଣ ଡାକ୍ତରଙ୍କୁ ଉଦ୍ଧାର କଲେ ଦମକଳ ବାହିନୀ

ମୁମ୍ବାଇ : କରୋନାର ମହାସଂକଟ ସମୟରେ ଦେଶର କିଛି ଜାଗାରେ ପ୍ରତ୍ୟେକ ଦିନ ଅଗ୍ନିକାଣ୍ଡର ଘଟଣା ସାମ୍ନାକୁ ଆସୁଛି। ମୁମ୍ବାଇର ମରିନ୍‌ ଡ୍ରାଇଭ୍‌ ନିକଟସ୍ଥ ହୋଟେଲ୍‌ ଫର୍ଚ୍ୟୁନ୍‌ରେ ନିଆଁ ଲାଗିଥିବାର ସୂଚନା ମିଳିଛି ।  ବୁଧବାର ବିଳମ୍ବିତ ରାତି ଭୟାବହ ଅଗ୍ନିକାଣ୍ଡ ଘଟଣା ଘଟିଛି । ହୋଟେଲର ଦ୍ବିତୀୟ ମହଲାରେ ନିଆଁ ଲାଗି ଏହା ଚତୁର୍ଥ ମହଲା ପର୍ଯ୍ୟନ୍ତ ବ୍ୟାପିଥିଲା । ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବାବେଳେ ହୋଟେଲ୍‌ରେ ରହୁଥିବା 25 ଜଣ ରେସିଡେଣ୍ଟ ଡାକ୍ତରଙ୍କୁ ସୁରକ୍ଷିତ ଅବସ୍ଥାରେ ଉଦ୍ଧାର କରାଯାଇଛି  ନିଆଁ ଲାଗିବାର ସୂଚନା ମିଳିବା ପରେ ଦମକଳ ବାହିନୀ ଘଟଣାସ୍ଥଲରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ଏଥି ସହିତ ହୋଟେଲରେ ରହୁଥିବା ଅନ୍ୟ ଲୋକମାନଙ୍କୁ ମଧ୍ୟ ଉଦ୍ଧାର କରାଯାଇଛି । ଏହି ଅଗ୍ନିକାଣ୍ଡରେ କୌଣସି କ୍ଷତି ହୋଇ ନଥିବା ଜଣାଯାଇଛି। (ଏଜେନ୍ସି)

Categories
ଆଜିର ଖବର ଜାତୀୟ ଖବର

ଗତ 24 ଘଣ୍ଟାରେ କରୋନା ଯୋଗୁଁ ମହାରାଷ୍ଟ୍ରରେ 54ଜଣଙ୍କ ମୃତ୍ୟୁ

ମୁମ୍ବାଇ :କରୋନା ଯୋଗୁଁ ମହାରାଷ୍ଟ୍ରର ସ୍ଥିତି ଜଟିଳ ହେବାରେ ଲାଗିଛି । ଗତ 24 ଘଣ୍ଟା ମଧ୍ୟରେ ରାଜ୍ୟରେ 1495 ଜଣ ଆକ୍ରାନ୍ତ ହୋଇଥିବାବେଳେ 54 ଜଣଙ୍କ ମୃତ୍ୟ ଘଟିଥିବାର ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି । 24 ଘଣ୍ଟାରେ ମୃତ୍ୟୁ ବରଣ କରିଥିବା 54 ଜଣଙ୍କ ମଧ୍ୟରେ ମୁମ୍ବାଇର 40 ଜଣ ରହିଥିବାବେଳେ ପୁଣେରୁ 6 ଜଣ, ଜଳଗାଓ୍ବରୁ 2, ସୋଲାପୁରରୁ 2, ଔରଙ୍ଗାବାଦରୁ 2, ବସଇଁ ବିରାର ଓ ରତ୍ନଗିରିରୁ ଜଣେ ଲେଖାଏଁ ରଖିଛନ୍ତି।  ମହାରାଷ୍ଟ୍ରରେ ଏବେ କରୋନା ଜନିତ ମୃତ୍ୟୁ ସଂଖ୍ୟା 975କୁ ବୃଦ୍ଧି ହୋଇଛି ।

ସେହିପରି ମହାରାଷ୍ଟ୍ରରେ କରୋନା ସଂକ୍ରମିତଙ୍କ ସଂଖ୍ୟା 25 ହଜାର ପାର୍‌ କରିଛି । ରାଜ୍ୟରେ ଏବେ ସର୍ବମୋଟ୍‌ କରୋନା ଆକ୍ରାନ୍ତଙ୍କ ସଂଖ୍ୟା 25,922 ରହିଛି । ସେହିପରି କେବଳ ମୁମ୍ବାଇରେ ସଂକ୍ରମିତଙ୍କ ସଂଖ୍ୟା 15747 ରହିଛି । ସେହିପରି ଏପର୍ଯ୍ୟନ୍ତ ମୁମ୍ବାଇରେ 596ଜଣଙ୍କ କରୋନା ଯୋଗୁଁ ମୃତ୍ୟୁ ହୋଇଥିବାର ସୂଚନା ରହିଛି ।

କରୋନା ଯୁଦ୍ଧରେ ଯୋଦ୍ଧା ସାଜିଥିବା ପୋଲିସ୍‌ଙ୍କ ଉପରେ ମଧ୍ୟ କରୋନା ପ୍ରଭାବ ପଡିଛି । ମୁମ୍ବାଇ ପୋଲିସର ଆଉ ଜଣେ ଅଧିକାରୀ କରୋନା ଯୋଗୁଁ ମୃତ୍ୟୁବରଣ କରିଥିବାର ସୂଚନା ରହିଛି ।  ସେହିପରି ମହାରାଷ୍ଟ୍ରରେ 5,547ଜଣ ସୁସ୍ଥ ହୋଇଛନ୍ତି । 2,98,213ଜଣଙ୍କୁ ହୋମ କ୍ବାରେଣ୍ଟିନ୍‌ରେ ରଖାଯାଇଥିବାବେଳେ 14, 627ଜଣଙ୍କୁ ବିଶେଷ ସୁବିଧା ଯୁକ୍ତର କ୍ବାରେଣ୍ଟିନ୍‌ କରାଯାଇଛି । (ଏଜେନ୍ସି)

Categories
ଅପରାଧ ଆଜିର ଖବର ଜାତୀୟ ଖବର

ନିଜର କରୋନା ତଥ୍ୟ ଲୁଚାଇଥିବାରୁ ମହିଳା ଡାକ୍ତରଙ୍କ ବିରୋଧରେ ମାମଲା

ମୁମ୍ବାଇ : ମୁମ୍ବାଇରେ କାର୍ଯ୍ୟ କରୁଥିବା ଜଣେ ମହିଳା ଡାକ୍ତର ନିଜର କରୋନା ତଥ୍ୟ ଲୁଚାଇ ଅଡୁଆରେ ପଡିଛନ୍ତି । 22 ବର୍ଷୀୟା ଡାକ୍ତର ଜଣକ କରୋନା ପଜିଟିଭ୍‌ ସାବ୍ୟସ୍ତ ହୋଇଥିବା ବେଳେ ମୁମ୍ବାଇରୁ ଭୁଜ୍‌ ଯାତ୍ରା କରି ଅଡୁଆରେ ପଡିଛନ୍ତି । ଜେଜେ ହସ୍ପିଟାଲରେ କାର୍ଯ୍ୟରତ ଏହି ଡାକ୍ତର ଜଣକ ମେ 4 ତାରିଖରେ କରୋନା ପଜିଟିଭ୍‌ ସାବ୍ୟସ୍ତ ହୋଇଥିଲେ । କରୋନା ପଜିଟିଭ୍‌ ଜଣାପଡଇବା ପରେ ତାଙ୍କୁ ହୋମ୍‌ କ୍ବାରେଣ୍ଟିନ୍‌ରେ ରହିବା ପାଇଁ ନିର୍ଦ୍ଦେଶ ଦିଆଯାଇଥିଲା । ମାତ୍ର ଏହାକୁ ଅବମାନନା କରିବା ସହିତ 5 ତାରିଖରେ ନିଜ ଗାଁ କଚ୍ଛକୁ ଫେରିଥିଲେ । ଏପରିକି କଚ୍ଛ ଫେରିବା ପାଇଁ ସେ ଏକ ନକଲି ଆଇଡି ମଧ୍ୟ ବ୍ୟବହାର କରିଥିଲେ । ଏହି ଘଟଣା ପରେ ମହିଳାଙ୍କ ବିରୋଧରେ ଏପିଡେମିକ୍‌ ଆକ୍ଟ 2005 ଅନୁଯାୟୀ 3ଟି ମାମଲା ରୁଜୁ କରାଯାଇଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ଗତ 24 ଘଣ୍ଟାରେ 4200 କରୋନା ପଜିଟିଭ ଚିହ୍ନଟ

ନୂଆଦିଲ୍ଲୀ : ସାରା ଦେଶରେ କରୋନା ସଂକ୍ରମିତଙ୍କ ସଂଖ୍ୟାରେ କ୍ରମାଗତ ବୃଦ୍ଧି ଘଟିଛି। କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, ଗତ 24 ଘଣ୍ଟା ମଧ୍ୟରେ 4213 ଟି ନୂଆ ମାମଲା ରୁଜୁ ହୋଇଛି ଏବଂ 97 ଜଣଙ୍କର ମୃତ୍ୟୁ ହୋଇଛି।  ଦେଶରେ କରୋନା ସଂକ୍ରମିତ ସଂଖ୍ୟା 67,152 କୁ ବୃଦ୍ଧି ପାଇଛି, ସେଥିମଧ୍ୟରୁ 44,029 ସକ୍ରିୟ ମାମଲା ଥିବାବେଳେ, 20,917 ଜଣ ସୁସ୍ଥ ଅଛନ୍ତି ଏବଂ ବର୍ତ୍ତମାନ ସୁଦ୍ଧା 2206 ଜଣଙ୍କର ମୃତ୍ୟୁ ହୋଇଛି। ପ୍ରଭାବିତ ରାଜ୍ୟଗୁଡ଼ିକ ମଧ୍ୟରେ ସବୁଠୁ ଆଗରେ ରହିଛି ମହାରାଷ୍ଟ୍ର। ଏଠାରେ 22 ହଜାରରୁ ଅଧିକ ଆକ୍ରାନ୍ତ ହୋଇଥିବା ବେଳେ ମୃତ୍ୟୁ ସଂଖ୍ୟା 868ରେ ପହଞ୍ଚିଛି। ସେହିଭଳି ଗୁଜରାଟରେ 8 ହଜାରରୁ ଅଧିକ ଆକ୍ରାନ୍ତ ହୋଇଥିବା ବେଳେ 493 ଜଣ ପ୍ରାଣ ହରାଇଛନ୍ତି। ତାମିଲ୍‌ନାଡୁରେ ମଧ୍ୟ ସଂକ୍ରମିତଙ୍କ 8 ହଜାର ପାର୍‌ କରିଥିବାବେଳେ ମୃତ୍ୟୁ ସଂଖ୍ୟା 53ରେ ପହଞ୍ଚିଛି ।

ସେହିଭଳି ଆଜି ମୁମ୍ବାଇରେ ଗୋଟିଏ ଦିନରେ 791 ଟି ନୂଆ କରୋନା ମାମଲା ସାମ୍ନାକୁ ଆସିଥିବାବେଳେ ମୁମ୍ବାଇରେ ଆକ୍ରାନ୍ତଙ୍କ ସଂଖ୍ୟା 14,355ରେ ପହଞ୍ଚିଛି । ଆଜି ଏଠାରେ 20 ଜଣଙ୍କର ମୃତ୍ୟୁ ହୋଇଛି। ଗ୍ରେଟର ମୁମ୍ବାଇରେ ବର୍ତ୍ତମାନ ସୁଦ୍ଧା ମୋଟ ମାମଲା 14355କୁ ବୃଦ୍ଧି ପାଇଛି, ଯେଉଁଥିରେ 3110 ଜଣ ଡିସଚାର୍ଜ ହୋଇଥିବା ବେଳେ 528 ଜଣଙ୍କର ମୃତ୍ୟୁ ଘଟିଛି।

ସେହିଭଳି ଆଜି ମୁମ୍ବାଇର ଧରାବୀରେ ଗୋଟିଏ ଦିନରେ 57ଟି ନୂଆ କରୋନା ମାମଲା ସାମ୍ନାକୁ ଆସିଛି । ଧରାବୀରେ ଏପର୍ଯ୍ୟନ୍ତ 916 ଟି ପଜିଟିଭ୍‌ ମାମଲା ଚିହ୍ନଟ ହୋଇଥିବାବେଳେ ବର୍ତ୍ତମାନ ସୁଦ୍ଧା 29 ଜଣଙ୍କର ମୃତ୍ୟୁ ଘଟିଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ମହାରାଷ୍ଟ୍ରରେ ଆକ୍ରାନ୍ତଙ୍କ ସଂଖ୍ୟା 19 ହଜାର ଟପିଲା, ଆଉ 6 ପୋଲିସ୍‌ଙ୍କଠାରେ କରୋନା ପଜିଟିଭ୍‌ ଚିହ୍ନଟ

ମୁମ୍ବାଇ : ଦେଶରେ କରୋନା ସଂକ୍ରମଣର ମାମଲା ବଢିବାରେ ଲାଗିଛି । ମହାରାଷ୍ଟ୍ର ସର୍ବାଧିକ କରୋନା ଯୋଗୁଁ ପ୍ରଭାବିତ ହୋଇଛି । ମହାରାଷ୍ଟ୍ରରେ କରୋନା କହର ଥମିବାର ନାଁ ନେଉନାହିଁ । ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ପ୍ରାୟ 19 ହଜାର ପାର୍‌ କରିଛି । ସେହିପରି ଜେଜେ ପୋଲିସ୍‌ ଷ୍ଟେସନର ଆଉ 6 ଜଣ ପୋଲିସ୍‌ଙ୍କଠାରେ କରୋନା ପଜିଟିଭ୍‌ ଚିହ୍ନଟ ହୋଇଛି ।

ମହାରାଷ୍ଟ୍ରରେ ଗତ 24 ଘଣ୍ଟା ମଧ୍ୟରେ ଏକ ହଜାରରୁ ଅଧିକ କରୋନା ମାମଲା ସାମ୍ନାକୁ ଆସିଛି । ଗତ 24 ଘଣ୍ଟାରେ ମହାରାଷ୍ଟ୍ରରେ 1089 ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି 24 ଘଣ୍ଟାରେ 37 ଜଣଙ୍କ ମୃତ୍ୟୁ ହୋଇଛି । ମହାରାଷ୍ଟ୍ରରେ ଏବେ ମୋଟ୍‌ ସଂକ୍ରମିତଙ୍କ ସଂଖ୍ୟା 19063ରେ ପହଞ୍ଚିଛି । ସେହିପରି ମୃତ୍ୟୁ ସଂଖ୍ୟା 731ରେ ପହଞ୍ଚିଛି । ସେହିପରି 3470ଜଣ ସୁସ୍ଥ ହୋଇଛନ୍ତି ।

ମହାରାଷ୍ଟ୍ରର ମୁମ୍ବାଇ ସହର କରୋନା ଯୋଗୁଁ ବିଶେଷ ଭାବରେ ପ୍ରଭାବିତ ହୋଇଛି । ମୁମ୍ବାଇରେ ଗତ 24 ଘଣ୍ଟା ମଧ୍ୟରେ 748ଟି ନୂତନ ମାମଲା ସାମ୍ନାକୁ ଆସିଥିବାବେଳେ 25 ଜଣଙ୍କ ମୃତ୍ୟୁ ହୋଇଛି । ମୁମ୍ବାଇରେ ଏପର୍ଯ୍ୟନ୍ତ କରୋନା ଯୋଗୁଁ 462ଜଣଙ୍କ ମୃତ୍ୟୁ ହୋଇଥିବାର ସୂଚନା ରହିଛି ।

ମହାରାଷ୍ଟ୍ରରେ ସୁରକ୍ଷ‌ କର୍ମୀମାନେ କରୋନା ଯୋଗୁଁ ସଂକ୍ରମିତ ହେଉଥିବା ଖବର ସାମ୍ନାକୁ ଆସୁଛି । ମୁମ୍ବାଇର ଜେଜେ ପୋଲିସ୍‌ ଷ୍ଟେସନରେ  ଆଉ 6 ଜଣ ପୋଲିସ୍‌  କରୋନା ସଂକ୍ରମିତ ହୋଇଛନ୍ତି । ପୂର୍ବରୁ ଏହି ପୋଲିସ ଷ୍ଟେସନରୁ 34 ଜଣ ପୋଲିସ୍‌ ସଂକ୍ରମିତ ହୋଇଥିଲେ ।  ଏହି ପୋଲି୍ସ ଷ୍ଟେସନରେ ଅଧିକାଂଶ କର୍ମଚାରୀଙ୍କୁ କ୍ବାରେଣ୍ଟାଇନ୍‌ କରାଯାଇଛି । (ଏଜେନ୍ସି)

 

Categories
ଆଜିର ଖବର ଜାତୀୟ ଖବର

ଦିଲ୍ଲୀରୁ ମୁମ୍ବାଇ ଯିବା ପାଇଁ ଋଷି କପୁରଙ୍କ ଝିଅଙ୍କୁ ଅନୁମତି

ନୂଆଦିଲ୍ଲୀ : ଦିଲ୍ଲୀରୁ ମୁମ୍ବାଇ ଯିବା ପାଇଁ ଋଷି କପୁରଙ୍କ ଝିଅଙ୍କୁ ଅନୁମତି ମିଳିଛି । ଭେଟରାନ୍‌ ବଲିଉଡ୍‌ ଅଭିନେତା ଋଷି କପୁର ଆଜି ମୁମ୍ବାଇର ଏକ ଘରୋଇ ହସ୍ପିଟାଲରେ ଶେଷ ନିଶ୍ବାସ ତ୍ୟାଗ କରିଥିଲେ । ଋଷି କପୁରଙ୍କ ଅନ୍ତିମ ଦର୍ଶନରେ ଯୋଗ ଦେବା ପାଇଁ ଝିଅ ରିଦ୍ଧିମା ସାଇନିଙ୍କୁ ଗୃହ ମନ୍ତ୍ରାଳୟ ପକ୍ଷରୁ ଅନୁମତି ପ୍ରଦାନ କରାଯାଇଛି । ଦିଲ୍ଲୀରେ ଅବସ୍ଥାନ କରୁଥିବା ରିଦ୍ଧିମାଙ୍କୁ ମୁମ୍ବାଇ ଯିବା ପାଇଁ ଅନୁମତି ପ୍ରଦାନ କରାଯାଇଛି । ରିଦ୍ଧିମା ସଡକ ପଥରେ ଦିଲ୍ଲୀରୁ ମୁମ୍ବାଇ ପର୍ଯ୍ୟନ୍ତ ଯିବେ । ଉଲ୍ଲେଖଯୋଗ୍ୟ ଯେ, ସକାଳ 8.54 ମିନିଟ୍‌ରେ କପୁରଙ୍କ ଦେହାନ୍ତ ହୋଇଥିବା ବେଳେ ଅପରାହ୍ନ 4ଟାରେ ତାଙ୍କ ମରଶରୀର ଚନ୍ଦନବାଡି ଶ୍ମସାନକୁ ନିଆଯିବ ବୋଲି ଜଣାପଡିଛି । (ଏଜେନ୍ସି)