Tag: ବୈଦେଶିକ ମୁଦ୍ରା ଭଣ୍ଡାର

ନୂଆଦିଲ୍ଲୀ: ବୈଦେଶିକ ମୁଦ୍ରା ଭଣ୍ଡାର ଚାରି ମାସର ଉଚ୍ଚରେ ପହଞ୍ଚିଛି। ୬ ବିଲିୟନ ଡ଼ଲାର ବୃଦ୍ଧି ସହିତ ବୈଦେଶିକ ମୁଦ୍ରା ଭଣ୍ଡାର ୬୦୦ ବିଲିୟନ ଡଲାର ଅତିକ୍ରମ କରିଛି। ଆରବିଆଇ ତଥ୍ୟ ଅନୁଯାୟୀ, ଡିସେମ୍ବର ୧ ତାରିଖ ୨୦୨୩ ଶେଷ ସପ୍ତାହରେ ଫୋରେକ୍ସ ରିଜର୍ଭ ୬.୧୦ ବିଲିୟନ ଡ଼ଲାରରେ ବୃଦ୍ଧି ହୋଇ ୬୦୪.୦୪ ବିଲିୟନ ଡ଼ଲାରରେ ପହଞ୍ଚିଛି। ଏହା କ୍ରମାଗତ ତୃତୀୟ ସପ୍ତାହ ଯାହା ଫରେକ୍ସ ରିଜର୍ଭରେ ବୃଦ୍ଧି ଘଟିଥିବାର ଦେଖାଯାଇଛି।

ବ୍ୟାଙ୍କ ସେକ୍ଟର ନିୟାମକ ଆରବିଆଇ ଶୁକ୍ରବାର ଦିନ ବୈଦେଶିକ ମୁଦ୍ରା ସଂରକ୍ଷଣର ତଥ୍ୟ ପ୍ରକାଶ କରିଛି। ତଥ୍ୟ ଅନୁଯାୟୀ, ଡିସେମ୍ବର ୧ ସୁଦ୍ଧା ବୈଦେଶିକ ମୁଦ୍ରା ସଂରକ୍ଷଣ ୬୦୪.୦୪ ବିଲିୟନ ଡ଼ଲାରକୁ ଖସି ଆସିଛି, ଯାହା ପ୍ରଥମ ସପ୍ତାହରେ ୫୯୭.୩୯୫ ବିଲିୟନ ଡ଼ଲାର ଥିଲା।

ନୂଆଦିଲ୍ଲୀ: ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ର ପୂର୍ବତନ ଗଭର୍ଣ୍ଣର ରଘୁରାମ ରାଜନ ଆରବିଆଇକୁ ପ୍ରଶଂସା କରିଛନ୍ତି। ସେ କହିଛନ୍ତି ଯେ, ‘ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ବୈଦେଶିକ ମୁଦ୍ରା ଭଣ୍ଡାର ବୃଦ୍ଧିରେ ଏକ ଭଲ କାମ କରିଛି। ଦେଶ ଶ୍ରୀଲଙ୍କା ଏବଂ ପାକିସ୍ତାନ ଭଳି ଆର୍ଥିକ ସମସ୍ୟାର ସମ୍ମୁଖୀନ ହେବ ନାହିଁ। ଆମର ପର୍ଯ୍ୟାପ୍ତ ବୈଦେଶିକ ମୁଦ୍ରା ଭଣ୍ଡାର ଅଛି, ରିଜର୍ଭ ବ୍ୟାଙ୍କ ସଂରକ୍ଷଣ ବୃଦ୍ଧିରେ ଏକ ଭଲ କାମ କରିଛି। ଗଣମାଧ୍ୟମ ବାର୍ତ୍ତାଳାପରେ ଆରବିଆଇ ଗଭର୍ଣ୍ଣର କହିଛନ୍ତି ଯେ, ଆମ ଦେଶ ଉପରେ ବୈଦେଶିକ ଋଣ ମଧ୍ୟ କମ୍ ଅଟେ।

ଏଥି ସହିତ ଦେଶର ମୁଦ୍ରାସ୍ଫୀତି ଉପରେ ପୂର୍ବତନ ଆରବିଆଇ ଗଭର୍ଣ୍ଣର କହିଛନ୍ତି ଯେ, ଆରବିଆଇ ଦ୍ୱାରା ନୀତି ହାର ବୃଦ୍ଧି ମୁଦ୍ରାସ୍ଫୀତି ଚାପ ହ୍ରାସ କରିବାରେ ସହାୟକ ହେବ। ଏହା ସହିତ ସେ ଆହୁରି ମଧ୍ୟ କହିଛନ୍ତି ଯେ, ଏହି ସମୟରେ ସମଗ୍ର ବିଶ୍ୱରେ ମୁଦ୍ରାସ୍ଫୀତି ଅଛି। ଆରବିଆଇ କ୍ରମାଗତ ଭାବେ ଏହାର ସୁଧ ହାର ବୃଦ୍ଧି କରୁଛି, ଯାହା ମୁଦ୍ରାସ୍ଫୀତି ହ୍ରାସ କରିବାରେ ସହାୟକ ହେବ। ଖାଦ୍ୟ ଏବଂ ଇନ୍ଧନରେ ସର୍ବାଧିକ ମୁଦ୍ରାସ୍ଫୀତି ବୋଲି ସେ କହିଛନ୍ତି। ଆମେ ସମସ୍ତେ ସ୍ପଷ୍ଟ ଭାବରେ ଦେଖୁଛୁ ଯେ, ବିଶ୍ୱରେ ଖାଦ୍ୟ ମୁଦ୍ରାସ୍ଫୀତି ହ୍ରାସ ପାଉଛି ଏବଂ ଆଗାମୀ ସମୟରେ ଏହା ମଧ୍ୟ ଭାରତରେ ହ୍ରାସ ପାଇବ।