Categories
ଆଜିର ଖବର ଜାତୀୟ ଖବର

ଆସନ୍ତା 6 ମାସ ଯାଏଁ ମାସ୍କ ପିନ୍ଧିବାକୁ ବାଧ୍ୟତାମୂଳକ କଲା ଏହି ରାଜ୍ୟ

ମୁମ୍ବାଇ: ଦେଶରେ କରୋନା ମାମଲା ହ୍ରାସ ପାଇବାରେ ଲାଗିଛି । ମହାରାଷ୍ଟ୍ରରେ ମଧ୍ୟ ପୂର୍ବଠାରୁ କରୋନା ଆକ୍ରାନ୍ତଙ୍କ ସଂଖ୍ୟାରେ ହ୍ରାସ ପରିଲକ୍ଷିତ ହୋଇଛି । ତଥାପି ଶୀତ ବଢ଼ୁଥିବାରୁ କରୋନା ସଂକ୍ରମଣ ଅଧିକ ହେବାର ଆଶଙ୍କା ମଧ୍ୟ ରହିଛି। ଏହାକୁ ନଜରରେ ରଖି ମହାରାଷ୍ଟ୍ର ସରକାର କଡ଼ା ପଦକ୍ଷେପ ନେଇଛନ୍ତି। ଆସନ୍ତା 6 ମାସ ପର୍ଯ୍ୟନ୍ତ ମାସ୍କ ପିନ୍ଧିବାକୁ ବାଧ୍ୟତାମୂଳକ କରିଛନ୍ତି ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ  ।

ରାଜ୍ୟରେ ପୁନଃ ଲକ୍‌ଡାଉନ୍‌ କିମ୍ବା ରାତ୍ରିକାଳନୀ କର୍ଫ୍ୟୁ ଲାଗୁ କରିବା ସପକ୍ଷରେ ସରକାର ନାହାନ୍ତି । ଯଦିଓ ରାଜ୍ୟରେ କରୋନା ସ୍ଥିତି ସଙ୍ଗୀନ ଅଛି ତଥାପି ଏହା ନିୟନ୍ତ୍ରଣ ଭିତରେ ରହିଛି ।

ରବିବାର ଦିନ ରାଜ୍ୟବାସୀଙ୍କୁ ସମ୍ବୋଧିତ କରି ଉଦ୍ଧବ ଠାକ୍‌ରେ କହିଛନ୍ତି ଯେ, ରାଜ୍ୟରେ ଆଗାମୀ ଛଅ ମାସ ପର୍ଯ୍ୟନ୍ତ ମାସ୍କ ପିନ୍ଧିବା ବାଧ୍ୟତାମୂଳକ । ବର୍ତ୍ତମାନ ସ୍ଥିତିରେ ସତର୍କ ରହିବା ହିଁ ବଡ଼ ଚିକିତ୍ସା। ଅତିକମରେ ଆଗାମୀ 6ମାସ ପାଇଁ ସାର୍ବଜନୀନ ସ୍ଥାନରେ ସମସ୍ତେ ମାସ୍କ ପିନ୍ଧିବା ଅଭ୍ୟାସ ଜାରି ରଖିବା ଉଚିତ୍‌ ବୋଲି କହିଛନ୍ତି ଠାକ୍‌ରେ ।

ସୂଚନାଯୋଗ୍ୟ, ଶନିବାର ଦିନ ରାଜ୍ୟରେ 3 ହଜାର 940 ମାମଲା ଚିହ୍ନଟ ହୋଇଥିବାବେଳେ ରାଜ୍ୟରେ ଗତ 24 ଘଣ୍‌ଟାରେ 74ଜଣଙ୍କର ମୃତ୍ୟୁ ହୋଇଛି । ରାଜ୍ୟରେ ସର୍ବମୋଟ ମୃତ୍ୟୁ ସଂଖ୍ୟା 48 ହଜାର 648ରେ ପହଞ୍ଚିଛି ।

Categories
ଆଜିର ଖବର ଜାତୀୟ ଖବର

ବିଜେପିରେ ବଢୁଛି ଅସନ୍ତୋଷ, ଦଳ ଛାଡିବେ ଦଶରୁ ଉର୍ଦ୍ଧ୍ବ ବିଧାୟକ !

ମୁମ୍ବାଇ : କ୍ଷମତାର ରାଜନୀତିରେ କିଏ କେତେବେଳେ କେଉଁଆଡେ ଢଳିପଡେ ତାହା ଜଣାପଡେ ନାହିଁ । କେନ୍ଦ୍ରର ସତ୍ତାଧାରୀ ବିଜେପି ଅଧୁନା ସବୁ ରାଜ୍ୟରେ ନିଜର ଦବ୍‌ଦବା ଜାରି ରଖିଥିବାବେଳେ ମହାରାଷ୍ଟ୍ରରେ ଦୁର୍ବଳ ହେଉଥିବା ଭଳି ପ୍ରତୀତ ହେଉଛି। ମହାରାଷ୍ଟ୍ର ବିଧାନସଭା ନିର୍ବାଚନ ବାଜି ଜିତିଥିବା ସତ୍ତ୍ବେ କ୍ଷମତାରୁ ଦୂରେଇ ରହିବାକୁ ପଡିଲା । ମିଳିଥିବା ସୂଚନା ଅନୁସାରେ ମହାରାଷ୍ଟ୍ର ବିଜେପିର 10ରୁ ଅଧିକ ବିଧାୟକ ଦଳ ଉପରେ ନାରାଜ ହୋଇ ଦଳ ଛାଡିବାକୁ ଚାହୁଁଛନ୍ତି ।  ଏନେଇ ସୂଚନା ଦେଇଛନ୍ତି ଏନ୍‌ସିପି ମୁଖ୍ୟ ତଥା ଉଦ୍ଧବ ଠାକ୍‌ରେ ସରକାରଙ୍କ ମନ୍ତ୍ରୀ ଜୟନ୍ତ ପାଟିଲ୍‌ ।  ବିଜେପିରେ ଅସନ୍ତୋଷ ବୃଦ୍ଧି ପାଉଛି । ଏବଂ ଏହି ବିଧାୟକମାନଙ୍କୁ ଭବିଷ୍ୟତରେ ଏନ୍‌ସିପିରେ ସାମିଲ୍‌ କରିବା ନେଇ ନିଷ୍ପତ୍ତି ନିଆଯାଇପାରେ ବୋଲି କହିଛନ୍ତି ଜୟନ୍ତ ପାଟିଲ୍‌ ।

ମହାରାଷ୍ଟ୍ରରେ କ୍ଷମତାସୀନ ସରକାର ମହାବିକାଶ ଅଘାଡି ଦଳର ଅନ୍ୟତମ ଅଂଶ ହେଉଛି ଏନ୍‌ସିପି । ମହାରାଷ୍ଟ୍ରରେ ଶିବସେନା, ଏନ୍‌ସିପି, କଂଗ୍ରେସ ମେଣ୍ଟ କରି ସରକାର ଗଠନ କରିଛନ୍ତି । ରାଜ୍ୟରେ ବିଜେପି ବିରୋଧୀର ଭୂମିକା ନିଭାଉଛି ।

ପାଟିଲ୍‌ କହିଛନ୍ତି ଯେ, ବିଜେପିର 10ରୁ ଅଧିକ ବିଧାୟକ ଦଳର ବ୍ୟବସ୍ଥାକୁ ନେଇ ବିବ୍ରତ ରହିଥିବାବେଳେ ଅସନ୍ତୁଷ୍ଟ ହୋଇ ଦଳ ଛାଡିବାକୁ ନିଷ୍ପତ୍ତି ନେଇଛନ୍ତି ।

ସୂଚନାଯୋଗ୍ୟ, ଗତ କିଛି ଦିନ ପୂର୍ବେ ବିଜେପିର ନେତା ଏକନାଥ ଖଡ୍‌ସେ ଓ ଜୟସିଂହ ଗାୟକଓ୍ବାଡ ଗେରୁଆ ଦଳ ଛାଡି ଏନ୍‌ସିପିରେ ସାମିଲ୍‌ ହୋଇଛନ୍ତି ।

ଅପରପକ୍ଷରେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଅଜିତ୍‌ ପାଓ୍ବାର କହିଛନ୍ତି ଯେ,ଏନ୍‌ସିପି ଏବେ ପଶ୍ଚିମ ମହାରାଷ୍ଟ୍ରରେ ନିଜଦଳର ଆଧାରକୁ ମଜବୁତ୍‌ କରିବାର ଆବଶ୍ୟକତା ରହିଛି । ଯଦି ବିରୋଧୀ ଦଳ ମଧ୍ୟରୁ କେହି ଇସ୍ତଫା ଦେଇ ଏନ୍‌ସିପି, ଶିବସେନା ବା କଂଗ୍ରେସରେ ମିଶୁଛନ୍ତି, ତେବେ ବାକି ଅନ୍ୟ ଦୁଇ ଦଳ ବିଜେପି ବିରୋଧୀରେ  ପ୍ରାର୍ଥୀଙ୍କୁ ସମର୍ଥନ କରିବେ ।

ସୂଚନାଯୋଗ୍ୟ, 288 ବିଶିଷ୍ଟ ମହାରାଷ୍ଟ୍ର ବିଧାନସଭାରେ ମହାବିକାଶ ଅଘାଡି ଦଳ ପାଖରେ 169ଜଣ ବିଧାୟକ ରହିଛନ୍ତି । ଏହି ସମସ୍ତ ବିଧାୟକଙ୍କ ମଧ୍ୟରୁ ଶିବସେନାର 57ଜଣ, ଏନସିପିର 53, କଂଗ୍ରେସ 44 ଜଣ ଓ ଅନ୍ୟ ଦଳର 15 ଜଣ ବିଧାୟକ ରହିଛନ୍ତି। ସେହିପରି ବିରୋଧୀ ଦଳ ଏନ୍‌ଡିଏ ପାଖରେ 114 ଜଣ ସଦସ୍ୟ ରହିଛି । ତେବେ ଏଠାରେ ସବୁଠୁ ଅଧିକ ବିଧାୟକ 105 ଜଣ ବିଜେପି ପାଖରେ ରହିଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ଦେଶରେ କରୋନା ମୃତ୍ୟୁ ସଂଖ୍ୟା 49 ହଜାର ଟପିଲା

ନୂଆଦିଲ୍ଲୀ: କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ପ୍ରକାଶିତ ସୂଚନା ଅନୁସାରେ  ବିଗତ 24 ଘଣ୍ଟା ମଧ୍ୟରେ 65 ହଜାର ନୂତନ ଆକ୍ରାନ୍ତ ଚିହ୍ନଟ ହେବା ସହିତ ଦେଶ ବ୍ୟାପୀ କରୋନା ଆକ୍ରାନ୍ତଙ୍କ ସଂଖ୍ୟା 25 ଲକ୍ଷ ଅତିକ୍ରମ କରିଛି। 996ନୂତନ ମୃତ୍ୟୁ ସହିତ ସମୁଦାୟ ମୃତ୍ୟୁ ସଂଖ୍ୟା 49 ହଜାର36ରେ ପହଞ୍ଚିଛି। ବିଗତ 24 ଘଣ୍ଟା ମଧ୍ୟରେ 65 ହଜାର 2 ଜଣ ନୂତନ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସମୁଦାୟ ଆକ୍ରାନ୍ତଙ୍କ ସଂଖ୍ୟା  25 ଲକ୍ଷ 25 ହଜାର 743ରେ ପହଞ୍ଚିଛି। ଆକ୍ରାନ୍ତଙ୍କ ମଧ୍ୟରୁ 18 ଲକ୍ଷ 08 ହଜାର 936 ଲକ୍ଷ ଆକ୍ରାନ୍ତ ସୁସ୍ଥ ହୋଇଥିବା ବେଳେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା 6 ଲକ୍ଷ 68 ହଜାର 220 ରହିଛି। ମହାରାଷ୍ଟ୍ରରେ ସର୍ବାଧିକ 6ଲକ୍ଷରୁ ଅଧିକ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଏଠାରେ ମୃତ୍ୟୁ ସଂଖ୍ୟା 19 ହଜାର 427ରେ ପହଞ୍ଚିଛି। ସେହିପରି ତାମିଲନାଡୁରେ 5ହଜାର 514, ଦିଲ୍ଲୀରେ 4 ହଜାର 178, କର୍ଣ୍ଣାଟକରେ 3 ହଜାର 717ଜଣଙ୍କର ମୃତ୍ୟୁ ହୋଇଛି। (ଏଜେନ୍ସି)

Categories
ଆଜିର ଖବର ଜାତୀୟ ଖବର

ମହାରାଷ୍ଟ୍ର ରାଜଭବନରେ କରୋନା : 16 ଷ୍ଟାଫ୍‌ ପଜିଟିଭ୍‌, ଆଇସୋଲେସନ୍‌ରେ ରାଜ୍ୟପାଳ

ମୁମ୍ବାଇ: ମହାରାଷ୍ଟ୍ର ରାଜଭବନରେ କରୋନା। ରାଜଭବନର 16 ଜଣ ଷ୍ଟାଫଙ୍କର ସ୍ୱାବ୍ ରିପୋର୍ଟ ପଜିଟିଭ୍ ଆସିଛି। ଏହାପରେ ରାଜ୍ୟପାଳ ଭଗତ ସିଂ କୋଶିଆରିଙ୍କୁ ଆଇସୋଲେସନ୍‌କୁ ପଠାଯାଇଛି। ମହାରାଷ୍ଟ୍ର ରାଜଭବନର 100 ଜଣଙ୍କର ସ୍ୱାବ୍ ଟେଷ୍ଟ ହୋଇଥିଲା। ସେମାନଙ୍କ ମଧ୍ୟରୁ 55 ଜଣଙ୍କର ରିପୋର୍ଟ ଆସିଥିବା ବେଳେ 16 ଜଣଙ୍କର ପଜିଟିଭ୍ ଆସିଛି।

ରାଜଭବନକୁ ବାହାର ଲୋକଙ୍କ ପ୍ରବେଶକୁ ବାରଣ କରାଯାଇଛି । ସେହିପରି ଅନ୍ୟାଦେଶ ପର୍ଯ୍ୟନ୍ତ ସମସ୍ତ ବୈଠକକୁ ବାତିଲ୍‌ କରିଦିଆଯାଇଛି ।

ସାରା ଦେଶରେ କରୋନାରେ ଅଧିକ କ୍ଷତିଗ୍ରସ୍ତ ହୋଇଛି ମହାରାଷ୍ଟ୍ର । ଏଠାରେ 2 ଲକ୍ଷ 46 ହଜାର 600 ଜଣ ଆକ୍ରାନ୍ତ ହୋଇଥିବାବେଳେ 10 ହଜାର 116ଜଣଙ୍କର ମୃତ୍ୟୁ ହୋଇଛି । (ଏଜେନ୍ସି)

Categories
ଆଜିର ଖବର ରାଜ୍ୟ ଖବର

ଦିନକରେ ଦେଶରେ ପ୍ରାୟ 25ହଜାର ଆକ୍ରାନ୍ତ ଚିହ୍ନଟ ,487ଜଣଙ୍କ ମୃତ୍ୟୁ

ନୂଆଦିଲ୍ଲୀ : ଦେଶରେ ଦ୍ରୁତ ଗତିରେ କରୋନା ମାମଲା ବୃଦ୍ଧି ପାଇବାରେ ଲାଗିଛି । ଦେଶରେ ଆଜି ପୁଣି 24 ହଜାରରୁ ଅଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି ।  ଦେଶରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇ 7 ଲକ୍ଷ 67 ହଜାର ରୁ ଅଧିକ ହୋଇଥିବା ବେଳେ ମୃତ୍ୟୁ ସଂଖ୍ୟା 21 ହଜାର ପାର ହେଲାଣି  ।

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ମିଳିଥିବା ସୂଚନା ଅନୁସାରେ ଗତ 24 ଘଣ୍ଟାରେ 24 ହଜାର 879 ନୂଆ ମାମଲା ସାମନାକୁ ଆସିଛି।  ସେହିପରି 487 ଜଣ ପ୍ରାଣ ହରାଇଥିବା ଜଣାପଡ଼ିଛି।  ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇ 7 ଲକ୍ଷ 67 ହଜାର 297 ରେ ପହଂଚିଛି ।  ଭାରତରେ 21 ହଜାର 129 କୁ ବୃଦ୍ଧି ହୋଇଛି ମୃତ୍ୟୁ ସଂଖ୍ୟା । ମୋଟ୍ ସଂକ୍ରମିତ ମଧ୍ୟରୁ 4 ଲକ୍ଷ 76 ହଜାର 378 ଜଣ ସୁସ୍ଥ ହୋଇଛନ୍ତି। ମୋଟ ଆକ୍ରାନ୍ତଙ୍କ ମଧ୍ୟରୁ 2 ଲକ୍ଷ 69 ହଜାର 789 ସକ୍ରିୟ ଅଛନ୍ତି।

ସର୍ବାଧିକ ମାମଲା ମହାରାଷ୍ଟ୍ରରୁ ହିଁ ଚିହ୍ନଟ ହୋଇଛି ।  ମହାରାଷ୍ଟ୍ର ପରେ ଦ୍ବିତୀୟ ସ୍ଥାନରେ ତାମିଲନାଡୁ ରହିଥିବାବେଳେ ତୃତୀୟ ସ୍ଥାନରେ ଦିଲ୍ଲୀ, ଚତୁର୍ଥ ସ୍ଥାନରେ ଗୁଜୁରାଟ ଓ ପଞ୍ଚମ ସ୍ଥାନରେ ପଶ୍ଚିମବଙ୍ଗ ରହିଛି । ଏହି ପାଞ୍ଚୋଟି ରାଜ୍ୟରେ ସର୍ବାଧିକ ସକ୍ରିୟ ମାମଲା ରହିଛି ।

ମହାରାଷ୍ଟ୍ରରେ 9448 ଜଣଙ୍କର ମୃତ୍ୟୁ ହୋଇଥିବାବେଳେ  ଦିଲ୍ଲୀରେ 3212, ଗୁଜୁରାଟରେ 1993, ତାମିଲନାଡୁରେ 1700ଜଣକ ମୃତ୍ୟୁ ହୋଇଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ଦେଶରେ କରୋନା ସ୍ଥିତି ଗମ୍ଭୀର : 24 ଘଣ୍ଟାରେ ପ୍ରାୟ 17 ହଜାର ସଂକ୍ରମିତ ଚିହ୍ନଟ

ନୂଆଦିଲ୍ଲୀ :ଦିନକୁ ଦିନ ଭାରତରେ କରୋନା ସ୍ଥିତି ସଂଘାତିକ ହେବାରେ ଲାଗିଛି । ପ୍ରତିଦିନ ଦେଶରେ ରେକର୍ଡ ସଂଖ୍ୟକ ଆକ୍ରାନ୍ତ ଚିହ୍ନଟ ହେଉଛନ୍ତି । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ମିଳିଥିବା ସୂଚନା ଅନୁସାରେ ଗତ 24 ଘଣ୍ଟାରେ 16 ହଜାର922  ନୂଆ ମାମଲା ସାମନାକୁ ଆସିଛି। ସେହିପରି 418 ଜଣଙ୍କର ମୃତ୍ୟୁ ହୋଇଛି ।

ନୂତନ ଆକ୍ରାନ୍ତଙ୍କୁ ମିଶାଇ ଦେଶରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇ 4 ଲକ୍ଷ 73 ହଜାର105 ରେ ପହଂଚିଛି ।  ଏପର୍ଯ୍ୟନ୍ତ ଭାରତରେ 14 ହଜାର 894 ଜଣଙ୍କ ମୃତ୍ୟୁ ଘଟିଛି । ମୋଟ୍ ଆକ୍ରାନ୍ତଙ୍କ ମଧ୍ୟରୁ 2 ଲକ୍ଷ 71ହଜାର 697 ଜଣ ସୁସ୍ଥ ହୋଇଛନ୍ତି। ମୋଟ ଆକ୍ରାନ୍ତଙ୍କ ମଧ୍ୟରୁ 1 ଲକ୍ଷ 86 ହଜାର 514 ସକ୍ରିୟ ଅଛନ୍ତି।

ସେହିପରି ଦେଶରେ ସର୍ବାଧିକ ଆକ୍ରାନ୍ତ ମହାରାଷ୍ଟ୍ରରୁ ଚିହ୍ନଟ ହୋଇଥିବାବେଳେ ଦ୍ବିତୀୟ ସ୍ଥାନରେ ରହିଛି ଦିଲ୍ଲୀ । ସେହିପରି ତୃତୀୟ ସ୍ଥାନରେ ତାମିଲନାଡୁ, ଚତୁର୍ଥ ସ୍ଥଶନରେ ଗୁଜୁରାଟ ଓ ପଞ୍ଚମ ସ୍ଥାନରେ ପଶ୍ଚିମବଙ୍ଗ ରହିଛି । ଏହି ପାଞ୍ଚୋଟି ରାଜ୍ୟରୁ ସର୍ବାଧିକ ସଂକ୍ରମିତ ମାମଲା ସାମ୍ନାକୁ ଆସିଛି । ସେହିପରି ବିଶ୍ବରେ ସଂକ୍ରମିତ ପ୍ରଭାବିତ ଦେଶ ତାଲିକାରେ ଭାରତ ଚତୁର୍ଥ ସ୍ଥାନରେ ରହିଛି ।

ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ଦିଆଯାଇଥିବା ସୂଚନା ଅନୁସାରେ କରୋନା ଭାଇରସରେ ମହାରାଷ୍ଟ୍ରରେ ସର୍ବାଧିକ ଲୋକଙ୍କ ମୃତ୍ୟୁ ହୋଇଛି । ମହାରାଷ୍ଟ୍ରରେ ସର୍ବାଧିକ 1 ଲକ୍ଷ 42 ହଜାର 900 ଆକ୍ରାନ୍ତ ଚିହ୍ନଟ ବେଳେ 6 ହଜାର 739ଜଣଙ୍କ ମୃତ୍ୟୁ ହୋଇଛି ।

କେଉଁ ରାଜ୍ୟରେ କିପରି ରହିଛି ସ୍ଥିତି :

କ୍ରମିକ ସଂଖ୍ୟା ରାଜ୍ୟ ପଜିଟିଭ୍‌ ସୁସ୍ଥ ମୃତ
1 ଆଣ୍ଡାମାନ ନିକୋବର 56 43 0
2 ଆନ୍ଧ୍ରପ୍ରଦେଶ 10331 4779 124
3 ଅରୁଣାଚଳ ପ୍ରଦେଶ 158 38 0
4 ଆସାମ 6198 3958 9
5 ବିହାର 8209 6113 57
6 ଚଣ୍ଡୀଗଡ 420 323 6
7 ଛତିଶଗଡ 2419 1627 12
8 ଦିଲ୍ଲୀ 70390 41437 2365
9 ଗୋଆ 951 289 2
10 ଗୁଜୁରାଟ 28943 21088 1735
11 ହରିୟାଣା 12010 6925 188
12 ହିମାଚଳ ପ୍ରଦେଶ 806 466 8
13 ଜମ୍ମୁକାଶ୍ମୀର 6422 3818 88
14 ଝାରଖଣ୍ଡ 2207 1570 11
15 କର୍ଣ୍ଣାଟକ 10118 6151 164
16 କେରଳ 3603 1888 22
17 ଲଦାଖ 941 274 1
18 ମଧ୍ୟପ୍ରଦେଶ 12448 9473 534
19 ମହାରାଷ୍ଟ୍ର 142900 73792 6739
20 ମଣିପୁର 970 328 0
21 ମେଘାଳୟ 46 42 1
22 ମିଜୋରାମ 142 19 0
23 ଓଡ଼ିଶା 5752 4123 17
24 ପୁଡୁଚେରୀ 461 176 9
25 ପଞ୍ଜାବ 4627 3099 113
26 ରାଜସ୍ଥାନ 16009 12611 375
27 ତାମିଲନାଡୁ 67468 37763 866
28 ତେଲେଙ୍ଗାନା 10444 4361 225
29 ତ୍ରିପୁରା 1259 897  1
30 ଉତ୍ତରାଖଣ୍ଡ 2623 1721 35
31 ଉତ୍ତରପ୍ରଦେଶ 19557 12586 596
32 ପଶ୍ଚିମବଙ୍ଗ 15173 9702 591
33 ନାଗାଲାଣ୍ଡ 347 148 0
34 ସିକିମ୍‌ 84 39  0
35 ଦାଦ୍ରାନଗର ହାବେଳୀ 120 30  0
ମୋଟ୍‌ ପଜିଟିଭ୍‌ ସଂଖ୍ୟା 473105 271697 14894
Categories
ଆଜିର ଖବର ଜାତୀୟ ଖବର

ଦେଶରେ କରୋନା ମୃତ୍ୟୁ ଆଠ ହଜାର ଟପିଲା

ନୂଆଦିଲ୍ଲୀ : ଦେଶରେ କରୋନା ମାମଲା ହୁ ହୁ ହୋଇ ବଢିବାରେ ଲାଗିଛି । ଦେଶରେ କରୋନା ଆକ୍ରାନ୍ତଙ୍କସଂଖ୍ୟା 2 ଲକ୍ଷ 86 ହଜାର 579କୁ ବୃଦ୍ଧି ହୋଇଥିବାବେଳେ ଏବେ ସୁଦ୍ଧା 1 ଲକ୍ଷ 37 ହଜାର 448ଟି ଆକ୍ଟିଭ୍‌ କେସ ରହିଛି ।ସେହିପରି 1 ଲକ୍ଷ 41 ହଜାର 29 ଜଣ ସୁସ୍ଥ ହୋଇଥିବାବେଳେ ମୃତ୍ୟୁ ସଂଖ୍ୟା 8 ହଜାର 102କୁ ବୃଦ୍ଧି ହୋଇଛି ।

କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ତରଫରୁ ମିଳିଥିବା ସୂଚନା ଅନୁସାରେ ମହାରାଷ୍ଟ୍ରରେ ସର୍ବାଧିକ 94, 041ଜଣ ଆକ୍ରାନ୍ତ ହୋଇଥିବାବେଳେ ମୃତ୍ୟୁ ସଂଖ୍ୟା 3,438କୁ ବୃଦ୍ଧି ହୋଇଛି । ସେହିପରି ଗୁଜୁରାଟରେ ମୃତ୍ୟୁ ସଂଖ୍ୟା 1ହଜାର 347, ଦିଲ୍ଲୀରେ 984, ମଧ୍ୟପ୍ରଦେଶରେ 427 ଜଣଙ୍କର ମୃତ୍ୟୁ ହୋଇଛି ।

Categories
ଆଜିର ଖବର ଜାତୀୟ ଖବର

କୋଭିଡ୍‌ ହସ୍ପିଟାଲରୁ ନିଖୋଜ ବୃଦ୍ଧାଙ୍କ ମୃତଦେହ ଉଦ୍ଧାର

ମୁମ୍ବାଇ : ମହାରାଷ୍ଟ୍ରର ଏକ କୋଭିଡ ହସ୍ପିଟାଲରୁ ନିଖୋଜ ଜଣେ ବୟାଅଶୀ ବର୍ଷୀୟ ବୃଦ୍ଧାଙ୍କର ମୃତଦେହ ଶୌଚାଳୟରୁ ଉଦ୍ଧାର ହୋଇଛି ।

ମିଳିଥିବା ସୂଚନା ଅନୁସାରେ ବୃଦ୍ଧା ଜଣକ ଜଳଗାଓ ସରକାରୀ ଡାକ୍ତରଖାନାରୁ ଜୁନ 2 ତାରିଖରୁ ନିଖୋଜ ଥିଲେ। ବୃଦ୍ଧାଙ୍କର ମୃତଦେହ ବୁଧବାର ଶୌଚାଳୟରୁ ଉଦ୍ଧାର ହୋଇଛି । ତେବେ ଏହି ଘଟଣାକୁ ନେଇ ପୋଲିସ କହିଛି, ବୃଦ୍ଧାଙ୍କ ନିଖୋଜ ନେଇ ଥାନାରେ ଅଭିଯୋଗ ହୋଇଥିଲା. ଏତଲା ହେବା ପରେ ଜୁନ 6 ତାରିଖରେ ଏକ ମାମଲା ମଧ୍ୟ ରୁଜୁ ହୋଇଥିଲା. ଏହି ଘଟଣା ନେଇ ପୁଲିସ ତଦନ୍ତ କରୁଛି ।

ଏହି ଘଟଣା ସାମ୍ନାକୁ ଆସିବା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି। ଏହାକୁ ନେଇ ରାଜ୍ୟ ସରକାରଙ୍କ ସ୍ୱାସ୍ଥ୍ୟ ସେବା ଉପରେ  ପ୍ରଶ୍ନ ଉଠିଛି । ସୂଚନାଯୋଗ୍ୟ ଭାରତରେ ସର୍ବାଧିକ କରୋନା ସଂକ୍ରମିତ ମାମଲା ମହାରାଷ୍ଟ୍ରରୁ ହିଁ ଆସିଛି । କରୋନା ଜନିତ ସର୍ବାଧିକ ମୃତ୍ୟୁ ମଧ୍ୟ ଏହି ରାଜ୍ୟରେ ଘଟୁଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ବେକାବୁ କରୋନା :  ଗତ 24 ଘଣ୍ଟାରେ ଦେଶରେ ରେକର୍ଡ ସଂଖ୍ୟକ ମୃତ୍ୟୁ

ନୂଆଦିଲ୍ଲୀ : ଭାରତରେ କରୋନା ସ୍ଥିତି ବେଶ୍‌ ସଂକଟଜନକ ସ୍ଥିତିରେ ରହିଛି । ଦିନକୁ ଦିନ କରୋନା ମାମଲା ବୃଦ୍ଧି ପାଇ ଚାଲିଛି ।  ସେହିପରି ଗତ ଚବିଶ ଘଣ୍ଟା ମଧ୍ୟରେ ଭାରତରେ ମୋଟ୍ 331 ଜଣଙ୍କର ମୃତ୍ୟୁ ଘଟିଥିବା ବେଳେ 9987 ନୂଆ କରୋନା ମାମଲା ଆସିଛି । ଦେଶରେ କରୋନା ମୃତ୍ୟୁସଂଖ୍ୟା 7 ହଜାର 466କୁ ବୃଦ୍ଧି ହୋଇଛି । କରୋନା ଆକ୍ରାନ୍ତଙ୍କ ସଂଖ୍ୟା 2 ଲକ୍ଷ 66 ହଜାର 598କୁ ବୃଦ୍ଧି ହୋଇଛି । ଆକ୍ଟିଭ୍‌ କେସ୍‌ 1 ଲକ୍ଷ 29 ହଜାର 917 ରହିଛନ୍ତି । ସୁସ୍ଥ ହୋଇଛନ୍ତି 1 ଲକ୍ଷ 29 ହଜାର 215 । କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ମିଳିଥିବା ସୂଚନା ଅନୁସାରେ ମହାରାଷ୍ଟ୍ରରେ ସର୍ବାଧିକ 88,528ଜଣ ଆକ୍ରାନ୍ତ ହୋଇଥିବାବେଳେ ମୃତ୍ୟୁ ସଂଖ୍ୟା 3,169 ରହିଛି । ଗୁଜୁରାରେ ମୃତ୍ୟୁ ସଂଖ୍ୟା 1280, ଦିଲ୍ଲୀରେ 874, ମଧ୍ୟପ୍ରଦେଶରେ 414, ପଶ୍ଚିମବଙ୍ଗରେ 405ଜଣଙ୍କର ମୃତ୍ୟୁ ହୋଇଛି ।

କେଉଁ ରାଜ୍ୟରେ କିପରି ରହିଛି ସ୍ଥିତି :

ରାଜ୍ୟ ପଜିଟିଭ୍‌ ସୁସ୍ଥ ମୃତ
ମହାରାଷ୍ଟ୍ର 88528 40975 3169
ତାମିଲ୍‌ନାଡୁ 33229 17527 286
ଦିଲ୍ଲୀ 29943 11357 874
ଗୁଜୁରାଟ 20545 13956 1280
ଉତ୍ତରପ୍ରଦେଶ 10947 6344 283
ରାଜସ୍ଥାନ 10763 8004 246
ମଧ୍ୟପ୍ରଦେଶ 9638 6536 414
ପଶ୍ଚିମବଙ୍ଗ 8613 3465 405
କର୍ଣ୍ଣାଟକ 5760 2519 64
ବିହାର 5202 2499 31
ହରିୟାଣା 4854 2134 39
ଆନ୍ଧ୍ରପ୍ରଦେଶ 4851 2745 75
ଜମ୍ମୁ ଓ କାଶ୍ମୀର 4285 1324 45
ତେଲେଙ୍ଗାନା 3650 1710 137
ଓଡ଼ିଶା 2994 1993 9
ଆସାମ 2776 665 4
ପଞ୍ଜାବ 2663 2128 53
କେରଳ 2005 814 16
ଉତ୍ତରାଖଣ୍ଡ 1411 714 13
ଝାଡଖଣ୍ଡ 1256 519 7
ଛତିଶଗଡ 1160 308 4
ତ୍ରିପୁରା 838 192 0
ହିମାଚଳ ପ୍ରଦେଶ 421 227 5
ଗୋଆ 330 67 0
ଚଣ୍ଡୀଗଡ 317 273 5
ମଣିପୁର 272 58 0
ପୁଡୁୁଚେରୀ 127 52 0
ନାଗାଲାଣ୍ଡ 123 8 0
ଲଦାଖ 103 52 1
ଅରୁଣାଚଳ ପ୍ରଦେଶ 51 1 0
ମିଜୋରାମ 42 1 0
ମେଘାଳୟ 36 13 1
ଆଣ୍ଡାମାନ ନିକୋବର 33 33 0
ଦାଦ୍ରାନଗର ହାବେଳୀ 22 2 0
ସିକିମ୍‌ 7 0 0
Categories
ଆଜିର ଖବର ଜାତୀୟ ଖବର

ଆରବ ସାଗରରେ ଘନୀଭୂତ ହେଉଛି ଲଘୁଚାପ : ଜାଣନ୍ତୁ ପ୍ରଭାବିତ ହେବେ କେଉଁ କେଉଁ ରାଜ୍ୟ

ମୁମ୍ବାଇ : ନିକଟରେ ସାମୁଦ୍ରିକ ବାତ୍ୟା ଆମ୍ପାନ କାରଣରୁ ପଶ୍ଚିମବଙ୍ଗ ଓ ଓଡିଶା ଗଭୀର ଭାବରେ କ୍ଷତିଗ୍ରସ୍ତ ହୋଇଥିବା ବେଳେ ଆରବ ସାଗରରେ ଆଉ ଏକ ଲଘୁଚାପ ସୃଷ୍ଟି ହୋଇଛି । ଦକ୍ଷିଣପୂର୍ବ ଆରବ ସାଗର ଓ ଲାକ୍ଷାଦ୍ୱୀପ ମଝିରେ ସୃଷ୍ଟି ହୋଇଛି ଏହି ଲଘୁଚାପ । ଆସନ୍ତା 3 ତାରିଖ ସୁଦ୍ଧା ଏହି ସାମୁଦ୍ରିକ ବାତ୍ୟା ଗୁଜରାଟ ଏବଂ ମହାରାଷ୍ଟ୍ର ଛୁଇଁବାର ସମ୍ଭାବନା ରହିଛି । ଆସନ୍ତା କାଲି ଠାରୁ ଏହାର ପ୍ରଭାବରେ ଝଡ ବର୍ଷା ହେବା ସହିତ 3 ତାରିଖରେ ଏହା ଲ୍ୟାଣ୍ଡଫଲ୍‌ କରିବାର ସମ୍ଭାବନା ରହିଥିବା ନେଇ ଭାରତୀୟ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ଭାରତରେ 1.5 ଲକ୍ଷ ଅତିକ୍ରମ କଲା କରୋନା ଆକ୍ରାନ୍ତଙ୍କ ସଂଖ୍ୟା

ନୂଆଦିଲ୍ଲୀ : ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟକ 1.5 ଲକ୍ଷ ଅତିକ୍ରମ କରିଛି । ବୁଧବାର ସକାଳ ସୁଦ୍ଧା ଦେଶରେ ଆକ୍ରାନ୍ତଙ୍କ ସଂଖ୍ୟା 1,51,767ରେ ପହଞ୍ଚିଥିବା ବେଳେ ମୃତକଙ୍କ ସଂଖ୍ୟା 4337ରେ ପହଞ୍ଚିଛି । ବିଗତ 24 ଘଣ୍ଟା ମଧ୍ୟରେ 6387 ନୂତନ ଆକ୍ରାନ୍ତ ଚିହ୍ନଟ ହୋଇଥିବା ବେଳେ 170 ଜଣଙ୍କ ପ୍ରାଣହାନି ଘଟିଛି । ସେହିପରି ଦେଶରେ ସମୁଦାୟ 64,425 ଜଣ ସୁସ୍ଥ ହୋଇଥିବା ବେଳେ 83004ଟି ସକ୍ରିୟ ମାମଲା ରହିଛି । ମହାରାଷ୍ଟ୍ରରେ ଦେଶର ଏକ ତୃତୀୟାଂଶ ଆକ୍ରାନ୍ତ ବା 54758 ଆକ୍ରାନ୍ତ ରହିଥିବା ବେଳେ ତାମିଲନାଡୁରେ 17728 ଜଣ ଆକ୍ରାନ୍ତ ରହିଛନ୍ତି । ମହାରାଷ୍ଟ୍ରରେ 1792 ଜଣଙ୍କ ମୃତ୍ୟୁ ଘଟିଥିବା ବେଳେ ତାମିଲାନାଡୁରୋ 127 ଜଣଙ୍କ ମୃତ୍ୟୁ ଘଟିଛି । ସେହିପରି ଗୁଜରାଟରେ ଆକ୍ରାନ୍ତଙ୍କ ସଂଖ୍ୟା 14821 ରହିଥିବା ବେଳେ ମୃତକଙ୍କ ସଂଖ୍ୟା 915 ରହିଛି ।

Categories
ଆଜିର ଖବର ଜାତୀୟ ଖବର

ଭାରତରେ ଗୋଟିଏ ଦିନରେ ସର୍ବାଧିକ 6 ହଜାର 88 ଜଣ ଆକ୍ରାନ୍ତ ଚିହ୍ନଟ

ନୂଆଦିଲ୍ଲୀ :  ଦେଶରେ ଲକ୍ ଡାଉନ୍‌ ଚାଲିଥିବା ସତ୍ତ୍ବେ ଦେଶରେ ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ବର୍ତ୍ତମାନ ସୁଦ୍ଧା ଦେଶରେ କରୋନା ଆକ୍ରାନ୍ତ ସଂଖ୍ୟା 1 ଲକ୍ଷ 18 ହଜାରରୁ ଅଧିକରେ ପହଞ୍ଚିଛି। ଆକ୍ରାନ୍ତଙ୍କ ମଧ୍ୟରୁ 66,330 ଜଣ ଚିକିତ୍ସାଧୀନ ଥିବାବେଳେ 48,534 ଜଣ ସୁସ୍ଥ ହୋଇଛନ୍ତି। ତେବେ 3,583 ଜଣଙ୍କ ମୃତ୍ୟୁ ଘଟିଛି। ଏ ନେଇ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି। କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ତରଫରୁ ଦିଆଯାଇଥିବା ସୂଚନା ଅନୁସାରେ ଗତ 24 ଘଣ୍ଟାରେ ଦେଶରେ ସର୍ବାଧିକ 6,088 ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବାବେଳେ 148ଜଣଙ୍କର ମୃତ୍ୟୁ ହୋଇଛି ।

ମହାରାଷ୍ଟ୍ରରେ ସର୍ବାଧିକ 41ହଜାର 642ଜଣ ଆକ୍ରାନ୍ତ ହୋଇ ଥିବାବେଳେ 1ହଜାର 454ଜଣଙ୍କ ମୃତ୍ୟୁ ଘଟିଛି। ମଧ୍ୟପ୍ରଦେଶରେ 270, ଗୁଜୁରାଟରେ 733, ପଶ୍ଚିମବଙ୍ଗରେ 259, ରାଜସ୍ଥାନରେ 151, ଦିଲ୍ଲୀରେ 194, ଉତ୍ତରପ୍ରଦେଶରେ 138, ଆନ୍ଧ୍ରପ୍ରଦେଶରେ 53, ତାମିଲନାଡୁରେ 94, ତେଲେଙ୍ଗାନାରେ 45, କର୍ଣ୍ଣାଟକରେ 41, ପଞ୍ଜାବରେ 39, ଜମ୍ମୁ-କାଶ୍ମୀରରେ 20, ହରିୟାଣାରେ 15, ବିହାରରେ 11, କେରଳରେ 4, ଝାଡଖଣ୍ଡରେ 3,ଓଡ଼ିଶାରେ 7, ଚଣ୍ଡୀଗଡରେ 3, ହିମାଚଳ ପ୍ରଦେଶରେ 3, ଆସାମରେ 4 ଓ ମେଘାଳୟରେ ଜଣଙ୍କର ମୃତ୍ୟୁ ହୋଇଛି ।

Categories
ଆଜିର ଖବର ଜାତୀୟ ଖବର

ଚୀନ୍‌କୁ ଟପିଲା ଭାରତ : କରୋନା ଆକ୍ରାନ୍ତଙ୍କ ସଂଖ୍ୟା 85 ହଜାର 940ରେ ପହଞ୍ଚିଲା, ଦିନକରେ 103ଜଣଙ୍କ ମୃତ୍ୟୁ

ନୂଆଦିଲ୍ଲୀ : ଭାରତରେ କରୋନା ସଂକ୍ରମିତଙ୍କ ସଂଖ୍ୟା ଏବେ ଚୀନ୍‌କୁ ଟପିଯାଇଛି । ଭାରତରେ ଏପର୍ଯ୍ୟନ୍ତ ଆକ୍ରାନ୍ତଙ୍କ ସଂଖ୍ୟା 85 ହଜାର 940ରେ ପହଞ୍ଚିଛି । ଅପରପକ୍ଷରେ ଚୀନରେ ମୋଟ ସଂକ୍ରମିତଙ୍କ ସଂଖ୍ୟା 82 ହଜାର 933 ରହିଛି । ଯାହା ଭାରତ ଠାରୁ ତିନିଜ ହଜାର କମ୍‌ ରହିଛି । ବିଶ୍ବରରେ ସର୍ବାଧିକ କରୋନା ଆକ୍ରାନ୍ତ ମାମଲାରେ ଭାରତ ଏବେ 12ତମ ସ୍ଥାନରେ ରହିଛି ।

ସ୍ବାସ୍ଥ୍ୟମନ୍ତ୍ରାଳୟ ସୂଚନା ଅନୁସାରେ ଗତ 24 ଘଣ୍ଟାରେ କରୋନା 103ଜଣଙ୍କ ଜୀବନ ନେଇଥିବାବେଳେ 3 ହଜାର 970 ଜଣ ପଜିଟିଭ ଚିହ୍ନଟ ହୋଇଛନ୍ତି ।  ଦେଶରେ ମୋଟ୍‌ ଆକ୍ରାନ୍ତଙ୍କ ସଂଖ୍ୟା 85,940 ରେ ପହଞ୍ଚିଛି। ଏବେ 53 ହଜାର 35 ଚିକିତ୍ସାଧୀନ ରହିଥିବାବେଳେ ସୁସ୍ଥ ହୋଇ ଡିସଚାର୍ଜ ହୋଇଛନ୍ତି 30,153ଜଣ ।

ମହାରାଷ୍ଟ୍ରରେ ସ୍ଥିତି ଦିନକୁ ଦିନ ବେକାବୁ ହେବାରେ ଲାଗିଛି। ମହାରାଷ୍ଟ୍ରରେ ସର୍ବାଧିକ 29 ହଜାର 100 ଆକ୍ରାନ୍ତ ହେବା ସହ 1068 ଜଣଙ୍କ ମୃତ୍ୟୁ ହୋଇଛି। ଗୁଜୁରାଟରେ 606, ମଧ୍ୟପ୍ରଦେଶରେ 239ଜଣ, ପଶ୍ଚିମବଙ୍ଗରେ 225 ମୃତ, ରାଜସ୍ଥାନରେ 125, ଦିଲ୍ଲୀରେ 123 ଓ ତାମିଲନାଡୁରେ 71, ରାଜସ୍ଥାନରେ 125, ଉତ୍ତରପ୍ରଦେଶରେ 95, ଆନ୍ଧ୍ରପ୍ରଦେଶରେ 48, ପଞ୍ଜାବରେ 32, ତେଲେଙ୍ଗାନାରେ 34, କର୍ଣ୍ଣାଟକରେ 36, ବିହାରରେ 7, ଜମ୍ମୁକାଶ୍ମୀରରେ11, ହରିୟାଣାରେ 13, ଓଡ଼ିଶାରେ 3, କେରଳରେ 4, ଝାଡଖଣ୍ଡରେ 3, ଚଣ୍ଡୀଗଡରେ 3, ଆସାମରେ 2, ହିମାଚଳ ପ୍ରଦେଶରେ ତିନି, ମେଘାଳୟ ଓ ଉତ୍ତରାଖଣ୍ଡରେ ଜଣେ ଲେଖାଏ ମୃତ୍ୟୁବରଣ କରିଛନ୍ତି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

24 ଘଣ୍ଟାରେ ଦେଶରେ କରୋନା ନେଲା 100 ଜୀବନ

ନୂଆଦିଲ୍ଲୀ : ଦେଶରେ କରୋନା ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ସ୍ବାସ୍ଥ୍ୟ ମନ୍ତ୍ରାଳୟ ତରଫରୁ ମିଳିଥିବା ସୂଚନା ଅନୁସାରେ ଏପର୍ଯ୍ୟନ୍ତ 81,970ଜଣ ସଂକ୍ରମିତ ହୋଇଛନ୍ତି । ସେହିପରି 2649ଜଣଙ୍କର ମୃତ୍ୟୁ ହୋଇଛି । ସେହିପରି 27,919ଜଣ ସୁସ୍ଥ ହୋଇଛନ୍ତି । ଏବେ ଦେଶରେ 50 ହଜାରରୁ ଅଧିକ ଆକ୍ଟିଭ୍‌ କେସ୍‌ ରହିଛି । ଗତ 24 ଘଣ୍ଟାରେ 100ରୁ ଉର୍ଦ୍ଧ୍ବଙ୍କ ଜୀବନ ଯାଇଛି । ସେହିପରି 3967ଟି ନୂତନ ମାମଲା ଆସିଛି ।

ସ୍ବାସ୍ଥ୍ୟ ମନ୍ତ୍ରାଳୟ ସୂଚନା ଅନୁସାରେ ମହାରାଷ୍ଟ୍ରରେ ସର୍ବାଧିକ 1019ଜଣଙ୍କର ମୃତ୍ୟୁ ହୋଇଥିବାବେଳେ ଗୁଜୁରାଟରେ 586, ମଧ୍ୟପ୍ରଦେଶରେ 237, ପଶ୍ଚିମବଙ୍ଗରେ 213, ରାଜସ୍ଥାନରେ 125, ଦିଲ୍ଲୀରେ 115, ଉତ୍ତରପ୍ରଦେଶରେ 88, ଆନ୍ଧ୍ରପ୍ରଦେଶରେ 38, ତାମିନାଡୁରେ 6, ତେଲେଙ୍ଗାନାରେ 34, କର୍ଣ୍ଣାଟକରେ 35, ପଞ୍ଜାବରେ 32, ଜମ୍ମୁକାଶ୍ମୀରରେ 11, ହରିୟାଣରେ 11, ବିହାରରେ 7, କେରଳରେ 4, ଝାଡଖଣ୍ଡରେ 3, ଓଡ଼ିଶାରେ 3, ଚଣ୍ଡୀଗଡରେ 3, ହିମାଚଳ ପ୍ରଦେଶରେ 2, ଆସାମରେ 2 ଓ ମେଘାଳୟରେ ଜଣକର ମୃତୃୁ ଘଟିଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା 78 ହଜାର ଡେଇଁଲା, ମୃତ୍ୟୁ ସଂଖ୍ୟା 25 ଶହ ଟପିଲା

ନୂଆଦିଲ୍ଲୀ : ଦେଶରେ ମହାମାରୀ କରୋନା ପ୍ରକୋପ ଜାରି ରଖିଛି । କରୋନା ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବଢିବାରେ ଲାଗିଛି । ସ୍ବାସ୍ଥ୍ୟ ମନ୍ତ୍ରାଳୟ ତରଫରୁ ମିଳିଥିବା ସୂଚନା ଅନୁସାରେ ଏବେ ଦେଶରେ କରୋନା ସଂକ୍ରମିତଙ୍କ ସଂଖ୍ୟା  78 ହଜାର ପାର ହୋଇଥିବା ବେଳେ କରୋନା ଆକ୍ରାନ୍ତଙ୍କ ମୃତ୍ୟୁ ସଂଖ୍ୟା 25 ଶହ ଟପିଛି ।

ଗତ 24 ଘଣ୍ଟାରେ ଦେଶରେ 3722 ଟି ନୂଆ କରୋନା ଆକ୍ରାନ୍ତଙ୍କ ମାମଲା ସାମନାକୁ ଆସିଥିବା ବେଳେ 134 ଜଣ ପ୍ରାଣ ହରାଇଥିବା ଜଣାପଡ଼ିଛି ।  ଏବେ ଦେଶରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇ 78 ହଜାର 003ରେ ପହଂଚିଛି ।  ଏପର୍ଯ୍ୟନ୍ତ ଭାରତରେ 2549 ଜଣଙ୍କ ମୃତ୍ୟୁ ଘଟିଛି ।  ସେହିପରି ମୋଟ୍ ଆକ୍ରାନ୍ତଙ୍କ ମଧ୍ୟରୁ 26,235ଜଣ ସୁସ୍ଥ ହୋଇଛନ୍ତି। ମୋଟ ଆକ୍ରାନ୍ତଙ୍କ ମଧ୍ୟରୁ 49, 219 ସକ୍ରିୟ ଅଛନ୍ତି।

ମହରାଷ୍ଟ୍ରରେ ସ୍ଥିତି ସଙ୍ଗୀନ ହେବାରେ ଲାଗିଛି। ଦିଲ୍ଲୀ ଓ ଗୁଜୁରାଟରେ ମଧ୍ୟ ସ୍ଥିତି ଭୟଙ୍କର ରହିଛି । ମହାରାଷ୍ଟ୍ରରେ ମୃତ୍ୟୁ ସଂଖ୍ୟା 975କୁ ବୃଦ୍ଧି ହୋଇଛି । ମଧ୍ୟପ୍ରଦେଶରେ 232, ଗୁଜୁରାଟରେ 566, ଦିଲ୍ଲୀରେ 106, ତାମିଲନାଡୁରେ 64, ତେଲେଙ୍ଗାନାରେ 34, ଆନ୍ଧ୍ରପ୍ରଦେଶରେ 47, କର୍ଣ୍ଣାଟକରେ 33, ଉତ୍ତରପ୍ରଦେଶରେ 83, ପଞ୍ଜାବରେ 32, ପଶ୍ଚିମବଙ୍ଗରେ 207, ରାଜସ୍ଥାନରେ 121, ଜମ୍ମୁକାଶ୍ମୀରର 11, ହରିୟାଣାରେ 11, କେରଳରେ 4, ଝାଡଖଣ୍ଡରେ 3, ବିହାରରେ 7, ଓଡ଼ିଶାରେ 3, ହିମାଚଳ ପ୍ରଦେଶରେ 2, ମେଘାଳୟରେ ଜଣଙ୍କର ମୃତ୍ୟୁ ହୋଇଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ଗତ 24 ଘଣ୍ଟାରେ କରୋନା ଯୋଗୁଁ ମହାରାଷ୍ଟ୍ରରେ 54ଜଣଙ୍କ ମୃତ୍ୟୁ

ମୁମ୍ବାଇ :କରୋନା ଯୋଗୁଁ ମହାରାଷ୍ଟ୍ରର ସ୍ଥିତି ଜଟିଳ ହେବାରେ ଲାଗିଛି । ଗତ 24 ଘଣ୍ଟା ମଧ୍ୟରେ ରାଜ୍ୟରେ 1495 ଜଣ ଆକ୍ରାନ୍ତ ହୋଇଥିବାବେଳେ 54 ଜଣଙ୍କ ମୃତ୍ୟ ଘଟିଥିବାର ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି । 24 ଘଣ୍ଟାରେ ମୃତ୍ୟୁ ବରଣ କରିଥିବା 54 ଜଣଙ୍କ ମଧ୍ୟରେ ମୁମ୍ବାଇର 40 ଜଣ ରହିଥିବାବେଳେ ପୁଣେରୁ 6 ଜଣ, ଜଳଗାଓ୍ବରୁ 2, ସୋଲାପୁରରୁ 2, ଔରଙ୍ଗାବାଦରୁ 2, ବସଇଁ ବିରାର ଓ ରତ୍ନଗିରିରୁ ଜଣେ ଲେଖାଏଁ ରଖିଛନ୍ତି।  ମହାରାଷ୍ଟ୍ରରେ ଏବେ କରୋନା ଜନିତ ମୃତ୍ୟୁ ସଂଖ୍ୟା 975କୁ ବୃଦ୍ଧି ହୋଇଛି ।

ସେହିପରି ମହାରାଷ୍ଟ୍ରରେ କରୋନା ସଂକ୍ରମିତଙ୍କ ସଂଖ୍ୟା 25 ହଜାର ପାର୍‌ କରିଛି । ରାଜ୍ୟରେ ଏବେ ସର୍ବମୋଟ୍‌ କରୋନା ଆକ୍ରାନ୍ତଙ୍କ ସଂଖ୍ୟା 25,922 ରହିଛି । ସେହିପରି କେବଳ ମୁମ୍ବାଇରେ ସଂକ୍ରମିତଙ୍କ ସଂଖ୍ୟା 15747 ରହିଛି । ସେହିପରି ଏପର୍ଯ୍ୟନ୍ତ ମୁମ୍ବାଇରେ 596ଜଣଙ୍କ କରୋନା ଯୋଗୁଁ ମୃତ୍ୟୁ ହୋଇଥିବାର ସୂଚନା ରହିଛି ।

କରୋନା ଯୁଦ୍ଧରେ ଯୋଦ୍ଧା ସାଜିଥିବା ପୋଲିସ୍‌ଙ୍କ ଉପରେ ମଧ୍ୟ କରୋନା ପ୍ରଭାବ ପଡିଛି । ମୁମ୍ବାଇ ପୋଲିସର ଆଉ ଜଣେ ଅଧିକାରୀ କରୋନା ଯୋଗୁଁ ମୃତ୍ୟୁବରଣ କରିଥିବାର ସୂଚନା ରହିଛି ।  ସେହିପରି ମହାରାଷ୍ଟ୍ରରେ 5,547ଜଣ ସୁସ୍ଥ ହୋଇଛନ୍ତି । 2,98,213ଜଣଙ୍କୁ ହୋମ କ୍ବାରେଣ୍ଟିନ୍‌ରେ ରଖାଯାଇଥିବାବେଳେ 14, 627ଜଣଙ୍କୁ ବିଶେଷ ସୁବିଧା ଯୁକ୍ତର କ୍ବାରେଣ୍ଟିନ୍‌ କରାଯାଇଛି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା 70 ହଜାର ଟପିଲା, ଗତ 24 ଘଣ୍ଟାରେ 87ଜଣଙ୍କ ମୃତ୍ୟୁ

ନୂଆଦିଲ୍ଲୀ : ଭାରତରେ କରୋନା ସଂକ୍ରମିତ ସଂଖ୍ୟା ସତୁରୀ ହଜାର ଅତିକ୍ରମ କରିଛି ।ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ  ମିଳିଥିବା ସୂଚନା ଅନୁସାରେ ଗତ 24 ଘଣ୍ଟାରେ 3604ଟି ମାମଲା ସାମ୍ନାକୁ ଆସିଥିବାବେଳେ 87ଜଣଙ୍କ ମୃତ୍ୟୁ ହୋଇଛି । ଦେଶରେ ଏବେ ସର୍ବମୋଟ୍‌ 70 ହଜାର 756ଜଣ ସଂକ୍ରମିତ ହୋଇଛନ୍ତି । ସେହିପରି 46 ହଜାର 8 ଜଣ ଚିକିତ୍ସାଧୀନ ରହିଥିବାବେଳେ 22 ହଜାର 455 ଜଣ ସୁସ୍ଥ ହୋଇଛନ୍ତି ଓ 2293ଜଣଙ୍କର ମୃତ୍ୟୁ ହୋଇଛି ।

ମହାରାଷ୍ଟ୍ରରେ ସର୍ବାଧିକ 23 ହଜାର 401 ଜଣ ଆକ୍ରାନ୍ତ ଥିବାବେଳେ 868ଜଣଙ୍କର ମୃତ୍ୟୁ ହୋଇଛି । ସେହିପରି  ଗୁଜୁରାଟରେ 513, ମଧ୍ୟପ୍ରଦେଶରେ 221, ପଶ୍ଚିମବଙ୍ଗରେ190, ରାଜସ୍ଥାନରେ 113, ଦିଲ୍ଲୀରେ 73, ଉତ୍ତରପ୍ରଦେଶରେ 80, ଆନ୍ଧ୍ରପ୍ରଦେଶରେ 45, ତାମିଲନାଡୁରେ 53, ତେଲେଙ୍ଗାନାରେ 30, କର୍ଣ୍ଣାଟକରେ 31, ପଞ୍ଜାବରେ 31, ଜମ୍ମୁକାଶ୍ମୀରରେ 10, ହରିୟାଣାରେ11, ବିହାରରେ 6, କେରଳରେ 4, ଝାଡଣ୍ଡରେ 3, ଓଡ଼ିଶାରେ 3, ଚଣ୍ଡୀଗଡରେ 2, ହିମାଚଳ ପ୍ରଦେଶରେ 2, ଆସାମରେ 2 ଓ ମେଘାଳୟରେ ଜଣକର ମୃତ୍ୟୁ ହୋଇଛି ।  (ଏଜେନ୍ସି)

Categories
ଆଜିର ଖବର ଜାତୀୟ ଖବର

ମହାରାଷ୍ଟ୍ରରେ ଆକ୍ରାନ୍ତଙ୍କ ସଂଖ୍ୟା 19 ହଜାର ଟପିଲା, ଆଉ 6 ପୋଲିସ୍‌ଙ୍କଠାରେ କରୋନା ପଜିଟିଭ୍‌ ଚିହ୍ନଟ

ମୁମ୍ବାଇ : ଦେଶରେ କରୋନା ସଂକ୍ରମଣର ମାମଲା ବଢିବାରେ ଲାଗିଛି । ମହାରାଷ୍ଟ୍ର ସର୍ବାଧିକ କରୋନା ଯୋଗୁଁ ପ୍ରଭାବିତ ହୋଇଛି । ମହାରାଷ୍ଟ୍ରରେ କରୋନା କହର ଥମିବାର ନାଁ ନେଉନାହିଁ । ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ପ୍ରାୟ 19 ହଜାର ପାର୍‌ କରିଛି । ସେହିପରି ଜେଜେ ପୋଲିସ୍‌ ଷ୍ଟେସନର ଆଉ 6 ଜଣ ପୋଲିସ୍‌ଙ୍କଠାରେ କରୋନା ପଜିଟିଭ୍‌ ଚିହ୍ନଟ ହୋଇଛି ।

ମହାରାଷ୍ଟ୍ରରେ ଗତ 24 ଘଣ୍ଟା ମଧ୍ୟରେ ଏକ ହଜାରରୁ ଅଧିକ କରୋନା ମାମଲା ସାମ୍ନାକୁ ଆସିଛି । ଗତ 24 ଘଣ୍ଟାରେ ମହାରାଷ୍ଟ୍ରରେ 1089 ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି 24 ଘଣ୍ଟାରେ 37 ଜଣଙ୍କ ମୃତ୍ୟୁ ହୋଇଛି । ମହାରାଷ୍ଟ୍ରରେ ଏବେ ମୋଟ୍‌ ସଂକ୍ରମିତଙ୍କ ସଂଖ୍ୟା 19063ରେ ପହଞ୍ଚିଛି । ସେହିପରି ମୃତ୍ୟୁ ସଂଖ୍ୟା 731ରେ ପହଞ୍ଚିଛି । ସେହିପରି 3470ଜଣ ସୁସ୍ଥ ହୋଇଛନ୍ତି ।

ମହାରାଷ୍ଟ୍ରର ମୁମ୍ବାଇ ସହର କରୋନା ଯୋଗୁଁ ବିଶେଷ ଭାବରେ ପ୍ରଭାବିତ ହୋଇଛି । ମୁମ୍ବାଇରେ ଗତ 24 ଘଣ୍ଟା ମଧ୍ୟରେ 748ଟି ନୂତନ ମାମଲା ସାମ୍ନାକୁ ଆସିଥିବାବେଳେ 25 ଜଣଙ୍କ ମୃତ୍ୟୁ ହୋଇଛି । ମୁମ୍ବାଇରେ ଏପର୍ଯ୍ୟନ୍ତ କରୋନା ଯୋଗୁଁ 462ଜଣଙ୍କ ମୃତ୍ୟୁ ହୋଇଥିବାର ସୂଚନା ରହିଛି ।

ମହାରାଷ୍ଟ୍ରରେ ସୁରକ୍ଷ‌ କର୍ମୀମାନେ କରୋନା ଯୋଗୁଁ ସଂକ୍ରମିତ ହେଉଥିବା ଖବର ସାମ୍ନାକୁ ଆସୁଛି । ମୁମ୍ବାଇର ଜେଜେ ପୋଲିସ୍‌ ଷ୍ଟେସନରେ  ଆଉ 6 ଜଣ ପୋଲିସ୍‌  କରୋନା ସଂକ୍ରମିତ ହୋଇଛନ୍ତି । ପୂର୍ବରୁ ଏହି ପୋଲିସ ଷ୍ଟେସନରୁ 34 ଜଣ ପୋଲିସ୍‌ ସଂକ୍ରମିତ ହୋଇଥିଲେ ।  ଏହି ପୋଲି୍ସ ଷ୍ଟେସନରେ ଅଧିକାଂଶ କର୍ମଚାରୀଙ୍କୁ କ୍ବାରେଣ୍ଟାଇନ୍‌ କରାଯାଇଛି । (ଏଜେନ୍ସି)

 

Categories
ଆଜିର ଖବର ଜାତୀୟ ଖବର

ଗତ 24 ଘଣ୍ଟାରେ କରୋନା ଯୋଗୁଁ ମହାରାଷ୍ଟ୍ରରେ 36ଜଣଙ୍କ ମୃତ୍ୟୁ, ଦେଶରେ ମୃତ୍ୟୁ ସଂଖ୍ୟା 1200 ଟପିଲା

ମୁମ୍ବାଇ : ମହାରାଷ୍ଟ୍ରରେ କରୋନା ଏବେ ବିସ୍ଫୋରକ ସ୍ଥିତିରେ ପହଞ୍ଚିଛି । ଗତ 24 ଘଣ୍ଟା ମଧ୍ୟରେ ରାଜ୍ୟରେ କୋଭିଡ୍‌19ର 790ଟି ମାମଲା ସାମ୍ନାକୁ ଆସିଥିବାବେଳେ 36ଜଣଙ୍କର ମୃତ୍ୟୁ ହୋଇଛି । ମହାରାଷ୍ଟ୍ରରେ ଲଗାତାର ଭାବରେ ବଢୁଥିବା କରୋନା ମାମଲା ଏବେ ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କ ଚିନ୍ତାର କାରଣ ପାଲଟିଛି । ଏପର୍ଯ୍ୟନ୍ତ ରାଜ୍ୟରେ ମୃତ୍ୟୁ ସଂଖ୍ୟା 521ରେ ପହଞ୍ଚିଥିବାବେଳେ ଆକ୍ରାନ୍ତଙ୍କ ସଂଖ୍ୟା 12ହଜାର ଟପିସାରିଛି ।

ମହାରାଷ୍ଟ୍ରରେ କଣ୍ଟେନମେଣ୍ଟ, ହଟ୍‌ସ୍ପଟ୍‌ ଜୋନ୍‌ ଓ ଲକ୍‌ଡାଉନକୁ ଶକ୍ତ ରୂପେ ପାଳନ କରାଯିବା ପରେ ମଧ୍ୟ ଲଗାତାର ଭାବରେ ମାମଲା ବୃଦ୍ଧି ପାଉଛି । ମହାରାଷ୍ଟ୍ର ରାଜଧାନୀ ମୁମ୍ବାଇରେ 8351ଜଣ ଆକ୍ରାନ୍ତ ରହିଛନ୍ତି । ସେହିପରି ଏଠାରେ ମୃତ୍ୟୁସଂଖ୍ୟା 332 ରହିଛି । ଗତ 24 ଘଣ୍ଟା ମଧ୍ୟରେ ମୁମ୍ବାଇରୁ 539 କରୋନା ମାମଲା ସାମ୍ନାକୁ ଆସିଛି ।

ରାଜ୍ୟରେ ଦୁଇ ହଜାର ଲୋକେ ସୁସ୍ଥ ହୋଇଥିବାବେଳେ ଏହି ସୁସ୍ଥ ଲୋକଙ୍କୁ ମଧ୍ୟ ଆଇସୋଲେଟ୍‌ରେ ରଖାଯାଉଛି । ମହାରାଷ୍ଟ୍ରରେ ଧାରାବୀ ଅଞ୍ଚଳରୁ ମାତ୍ର 2 ଦିନ ମଧ୍ୟରେ 127ଟି ମାମଲା ସାମ୍ନାକୁ ଆସିଛି । ଧାରାବୀରେ ଏପର୍ଯ୍ୟନ୍ତ 496ଜଣ ସଂକ୍ରମିତ ହୋଇଥିବାବେଳେ 18 ଜଣଙ୍କର ମୃତ୍ୟୁ ଘଟିଛି ।

ଦେଶରେ କରୋନା ଜନିତ ମୃତ୍ୟୁ ସଂଖ୍ୟା 1223ରେ ପହଞ୍ଚିଥିବାବେଳେ ସଂକ୍ରମିତଙ୍କ ସଂଖ୍ୟା 37,776 ରହିଥିବାବେଳେ ବିଦେଶୀ 111ଜଣ ରହିଛନ୍ତି । ସେହିପରି 10,017ଜଣ ସୁସ୍ଥ ହୋଇଛନ୍ତି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ଦେଶରେ କରୋନା ମୃତ୍ୟୁ ସଂଖ୍ୟା 775କୁ ବୃଦ୍ଧି

ନୂଆଦିଲ୍ଲୀ : ଗତ 24 ଘଣ୍ଟାରେ ଦେଶରେ 1429 ଜଣ ଆକ୍ରାନ୍ତ ହୋଇଥିବାବେଳେ 57 ଜଣଙ୍କ ମୃତ୍ୟୁ ହୋଇଛି ବୋଲି କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ତରଫରୁ ସୂଚନା ଦିଆଯାଇଛି । ଦେଶରେ ସର୍ବମୋଟ ଆକ୍ରାନ୍ତଙ୍କ ସଂଖ୍ୟା 24 ହଜାର 506ଜଣ ଥିବାବେଳେ ସର୍ବମୋଟ ମୃତ୍ୟୁ ସଂଖ୍ୟା 775କୁ ବୃଦ୍ଧି ହୋଇଛି । ସେହିପରି ଚିକିତ୍ସାଧୀନ ରହିଛନ୍ତି 18 ହଜାର 668ଜଣ । ସୁସ୍ଥ ହୋଇଛନ୍ତି 5 ହାଜର 63ଜଣ । ମହାରାଷ୍ଟ୍ରରେ ସର୍ବାଧିକ 301ଜଣ ମୃତ୍ୟୁବରଣ କରିଥିବାବେଳେ ଆକ୍ରାନ୍ତ ହୋଇଛନ୍ତି 6816ଜଣ । ଗୁଜୁରାଟରେ ଦ୍ବିତୀୟ ସର୍ବାଧିକ 127ଜଣ ମୃତ୍ୟୁବରଣ କରିଥିବାବେଳେ ମଧ୍ୟପ୍ରଦେଶରେ 92, ଦିଲ୍ଲୀରେ 53ଜଣଙ୍କର ମୃତ୍ୟୁ ହୋଇଛି।

ସେହିପରି ରାଜସ୍ଥାନରେ 32, ତାମିଲନାଡୁରେ 22, ଉତ୍ତରପ୍ରଦେଶରେ 25, ତେଲେଙ୍ଗାନାରେ 25, ଆନ୍ଧ୍ରପ୍ରଦେଶରେ 29, ପଶ୍ଚିମବଙ୍ଗରେ 18, କର୍ଣ୍ଣାଟକରେ 18,ଜମ୍ମୁକାଶ୍ମୀରରେ 5, କେରଳରେ ତିନି, ପଞ୍ଜାବରେ 17, ହରିୟାଣାରେ 3, ବିହାର, 2 ଓ ଓଡ଼ିଶା, ହିମାଚଳ ପ୍ରଦେଶ, ଆସାମ, ମେଘାଳୟରେ ଜଣେ ଜଣେ ମୃତ୍ୟୁବରଣ କରିଛନ୍ତି । (ଏଜେନ୍ସି)

Categories
ଆଜିର ଖବର ଜାତୀୟ ଖବର

ମହାରାଷ୍ଟ୍ରରେ ଗୋଟିଏ ଦିନରେ ରେକର୍ଡ ସଂଖ୍ୟକ 552 ଆକ୍ରାନ୍ତ ଚିହ୍ନଟ

ମୁମ୍ବାଇ : ପୂରା ଦେଶ ଏବେ କରୋନା ସହ ଲଢେଇ କରୁଛି । ଏହି ମହାମାରୀ ଯୋଗୁଁ ମହାରାଷ୍ଟ୍ର ସବୁଠୁ ଅଧିକ ପ୍ରଭାବିତ ହୋଇଛି । ମହାରାଷ୍ଟ୍ରରେ ଗତ 24 ଘଣ୍ଟା ମଧ୍ୟରେ ସର୍ବାଧିକ ସଂକ୍ରମିତ ହୋଇଥିବାର ସୂଚନା ମିଳିଛି । ମହାରାଷ୍ଟ୍ରର ଭିନ୍ନ ଭିନ୍ନ ଅଞ୍ଚଳରେ ଗତ 24 ଘଣ୍ଟା ମଧ୍ୟରେ 552 ଜଣ ନୂତନ କରୋନା ରୋଗୀଙ୍କ ଚିହ୍ନଟ ହୋଇଛି । ସେହିପରି 12ଜଣଙ୍କର ମୃତ୍ୟୁ ହୋଇଛି । ମହାରାଷ୍ଟ୍ରରେ ସର୍ବମୋଟ୍‌ 223ଜଣଙ୍କର ମୃତ୍ୟୁ ହୋଇଥିବାବେଳେ ସାରା ଦେଶରେ କରୋନା ଜନିତ ମୃତ୍ୟୁ ଓ ସଂକ୍ରମଣରେ ମହାରାଷ୍ଟ୍ର ଆଗରେ ରହିଛି । ମହାରାଷ୍ଟ୍ରରେ ସର୍ବମୋଟ ଆକ୍ରାନ୍ତଙ୍କ ସଂଖ୍ୟା 4200ରେ ପହଞ୍ଚିଥିବାବେଳେ ମୁମ୍ବାଇରେ 2724 ଜଣ କରୋନାରେ ସଂକ୍ରମିତ ହୋଇଛନ୍ତି ।

ସୂଚନାଯୋଗ୍ୟ ଦେଶରେ କରୋନା ସଂକ୍ରମିତଙ୍କ ସଂଖ୍ୟା 16 ହଜାର ପାର୍‌ କରିଥିବାବେଳେ ମୃତ୍ୟୁ ସଂଖ୍ୟା 521ରେ ପହଞ୍ଚିଛି ।(ଏଜେନ୍ସି)