ଡୋଡା: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଜାମ୍ମୁ କାଶ୍ମୀର ଡୋଡାରେ ଏକ ନିର୍ବାଚନ ରାଲିରେ ଉଦବୋଧନ ଦେଇ କହିଛନ୍ତି ଯେ ନୂତନ ଜାମ୍ମୁ କାଶ୍ମୀର ବିକାଶର ଏକ ନୂଆ କାହାଣୀ ଲେଖୁଛି। ଡୋଡା ଠାରେ ଏକତ୍ରିତ ହୋଇଥିବା ଏହି ଜନତା ସ୍ପଷ୍ଟ ଭାବରେ ଦର୍ଶାଉଛି ଯେ, ଗଣତନ୍ତ୍ର ଏଠାରେ ଥିବା ଲୋକଙ୍କ ଶିରାରେ ଅଛି। ବିଜେପିକୁ ଆଶୀର୍ବାଦ ଦେବାକୁ ଆସିଥିବା ସମସ୍ତ ପରିବାର ସଦସ୍ୟଙ୍କୁ ମୋର ହୃଦୟରୁ ଶୁଭେଚ୍ଛା। ବିଜେପି ପ୍ରାର୍ଥୀଙ୍କ ନିର୍ବାଚନ ପ୍ରଚାରରେ ଏହି ରାଲିକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି ଯେ, ରାଜନୀତିରେ ପରିବାରବାଦ ଜାମ୍ମୁ କାଶ୍ମୀରକୁ ଫମ୍ପା କରିଦେଇଛି। ଯେଉଁ ରାଜନୈତିକ ଦଳଗୁଡ଼ିକ ଉପରେ ଆପଣମାନେ ବିଶ୍ୱାସ କରୁଥିଲେ, ସେମାନେ ଆପଣମାନଙ୍କ ପିଲାମାନଙ୍କ ବିଷୟରେ ଚିନ୍ତା କରୁନଥିଲେ। ଏହି ପାର୍ଟୀଗୁଡ଼ିକ କେବଳ ସେମାନଙ୍କ ପିଲାମାନଙ୍କ ଉନ୍ନତି ଦେଖୁଥିଲେ। ନୂତନ ନେତୃତ୍ୱ ସୃଷ୍ଟି ହେବାକୁ ଦିଆଯାଇନଥିଲା।
ପ୍ରଧାନମନ୍ତ୍ରୀ ମୋଗୀ କହିଛନ୍ତି ଯେ, ନୂତନ ନେତୃତ୍ୱ ଏବଂ କଂଗ୍ରେସ, ପିଡିପି ଆଉ ନ୍ୟାସନାଲ କନଫରେନ୍ସ ମଧ୍ୟରେ ଲଢେଇ ହେଉଛି। ଏହି ବଂଶବାଦ ଜାମ୍ମୁ କାଶ୍ମୀରକୁ ନଷ୍ଟ କରିଦେଇଛି। ଏହି ନିର୍ବାଚନ ତିନି ପରିବାର ଏବଂ ଜନସାଧାରଣଙ୍କ ମଧ୍ୟରେ ହେଉଛି।
