ନାଗାଲାଣ୍ଡରେ ଆହୁରି ୬ ମାସ ଲାଗି ରହିବ ଅଫ୍‌ପ୍ସା

ଉତ୍ତର ପୂର୍ବୀୟ ରାଜ୍ୟ ନାଗାଲାଣ୍ଡରେ ଆହୁରି ୬ ମାସ ପର୍ଯ୍ୟନ୍ତ ଆଫପ୍ସା ବଳବତ୍ତର ରହିବ ବୋଲି କେନ୍ଦ୍ର ସରକାରଙ୍କ ପକ୍ଷରୁ ସୂଚନା ମିଳିଛି। କେନ୍ଦ୍ର ସ୍ବରାଷ୍ଟ୍ର ମନ୍ତ୍ରାଳୟ ପକ୍ଷରୁ ମଙ୍ଗଳବାର ଏହି ସୂଚନା ପ୍ରଦାନ କରାଯାଇଛି। ୩୦ ଜୁନ୍‌ ୨୦୧୯ରୁ ଏହି ନିୟମ ଲାଗୁ କରାଯିବା ସହିତ ୬ ମାସ ପର୍ଯ୍ୟନ୍ତ ବଳବତ୍ତର ରହିବ ବୋଲି ଗୃହ ମନ୍ତ୍ରୀ ଅମିତ ଶାହା ପ୍ରକାଶ କରିଛନ୍ତି। ବିଗତ ଏକ ଦଶନ୍ଧି ଧରି ଆଫପ୍ସା ଲାଗି ରହିଥିବା ବେଳେ ଚଳିତ ସରକାର ଏହା ଉଠାଇବା ନେଇ ଆଶା କରାଯାଉଥିଲା। ମାତ୍ର ୧ ତାରିଖର ବିଜ୍ଞପ୍ତି ଅନୁଯାୟୀ ନାଗାଲାଣ୍ଡ ଅଶାନ୍ତ ରହୁଥିବାରୁ ଏହି ଧାରା ଆହୁରି ୬ ମାସ ପର୍ଯ୍ୟନ୍ତ ବଳବତ୍ତର ରହିବ।