Bhartiya Kala Mahotsav: ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁ ଭାରତୀୟ କଳା ମହୋତ୍ସବର ପ୍ରଥମ ସଂସ୍କରଣକୁ ଗତକାଲି ଉଦଘାଟନ କରିଛନ୍ତି। ଆଠ ଦିନ ଧରି ଚାଲିଥିବା ଏହି ଉତ୍ସବକୁ ଉତ୍ତର-ପୂର୍ବ ଅଞ୍ଚଳର ବିକାଶ ମନ୍ତ୍ରଣାଳୟ ଏବଂ ସଂସ୍କୃତି ମନ୍ତ୍ରଣାଳୟର ସହଯୋଗରେ କରାଯାଇଛି। ଏହା ଉତ୍ସବ ହାଇଦ୍ରାବାଦସ୍ଥିତ ରାଷ୍ଟ୍ରପତି ନୀଳୟମ ପରିସରରେ ଆୟୋଜିତ ହୋଇଛି।
ଏହି ଉତ୍ସବର ମୁଖ୍ୟ ଲକ୍ଷ୍ୟ ହେଉଛି ଅରୁଣାଚଳ ପ୍ରଦେଶ, ଆସାମ, ମଣିପୁର, ମେଘାଳୟ, ମିଜୋରାମ, ନାଗାଲାଣ୍ଡ, ସିକ୍କିମ୍, ଏବଂ ତ୍ରିପୁରାର ଉତ୍ତର-ପୂର୍ବ ରାଜ୍ୟଗୁଡିକର ସମୃଦ୍ଧ ତଥା ବିବିଧ ସାଂସ୍କୃତିକ ଐତିହ୍ୟକୁ ପ୍ରଚାର ପ୍ରସାର କରାଇବା।
ଏହି ଉଦଘାଟନ ଅବସରରେ ରାଷ୍ଟ୍ରପତି କହିଛନ୍ତି ଯେ ଆମ ଦେଶର ସମୃଦ୍ଧ ସାଂସ୍କୃତିକ ଐତିହ୍ୟକୁ ସଂରକ୍ଷଣ ତଥା ପ୍ରୋତ୍ସାହିତ କରିବା ଆମର ସାମୂହିକ ଦାୟିତ୍ବ। ଉତ୍ତର-ପୂର୍ବ ରାଜ୍ୟଗୁଡ଼ିକର ସାଂସ୍କୃତିକ ବିବିଧତା, ସେମାନଙ୍କର ଲୋକ ନୃତ୍ୟ, ସଙ୍ଗୀତ, କଳା ଏବଂ ପାରମ୍ପାରିକ ପୋଷାକ ଆମ ଦେଶର ଐତିହ୍ୟ। ଏହି ପର୍ବ ହେଉଛି ବିଭିନ୍ନ ଲୋକମାନଙ୍କୁ ଏହି ଅଞ୍ଚଳର ପରମ୍ପରା ଏବଂ ସମ୍ପ୍ରଦାୟ ସହିତ ଅଧିକ ପରିଚିତ କରାଇବା ପାଇଁ ଏକ ପ୍ରୟାସ।
ରାଷ୍ଟ୍ରପତି କହିଛନ୍ତି ଯେ ଏହି ପର୍ବ ସାଂସ୍କୃତିକ ବିନିମୟକୁ ପ୍ରୋତ୍ସାହିତ କରିବାର ଏକ ସୁଯୋଗ ଅଟେ। ସେ ଆଶା ପ୍ରକଟ କରିଛନ୍ତି ଯେ ଏହି ମହୋତ୍ସବ ଆମ ଦେଶର ଉତ୍ତର-ପୂର୍ବ ଏବଂ ଦକ୍ଷିଣ ଭାଗ ମଧ୍ୟରେ ଏକ ସେତୁ ଭାବରେ କାର୍ଯ୍ୟ କରିବ। ତେବେ ଏହି ଉତ୍ସବ ଉଦଘାଟନ ପରେ ରାଷ୍ଟ୍ରପତି ନିଜେ କଳାକାରଙ୍କ ସହିତ ନୃତ୍ୟ କରିଥିଲେ। ଯାହା ସେଠାରେ ଉପସ୍ଥିତ ଥିବା ଦର୍ଶକମାନେ ବେଶ ଉତ୍ସାହିତ ହୋଇପଡିଥିଲେ।
