ନୂଆଦିଲ୍ଲୀ: କେରଳର ୱାୟନାଡ ଲୋକସଭା ଆସନର ଉପ-ନିର୍ବାଚନ ପାଇଁ ନବ୍ୟା ହରିଦାସ ନ୍ୟାସନାଲ ଡେମୋକ୍ରାଟିକ୍ ଆଲାଇନ୍ସ (ଏନଡିଏ) ପ୍ରାର୍ଥୀ ହୋଇଛନ୍ତି। ଆଜି ନବ୍ୟା କହିଛନ୍ତି ଯେ, ଗାନ୍ଧୀ ପରିବାର ଏହି ନିର୍ବାଚନମଣ୍ଡଳୀକୁ କେବଳ ବିକଳ୍ପ କିମ୍ବା ଦ୍ୱିତୀୟ ଆସନ ଭାବରେ ବିଚାର କରୁଛନ୍ତି ଏବଂ ଏହି ଅଞ୍ଚଳର ଲୋକମାନେ ବର୍ତ୍ତମାନ ଏହା ଜାଣିସାରିଛନ୍ତି।
କୋଜିକୋଡ କର୍ପୋରେସନର ଦୁଇଥର କାଉନସିଲର ରହିଥିବା ନବ୍ୟା ହରିଦାସ କହିଛନ୍ତି ଯେ, ୱାୟନାଡର ଭୋଟରମାନେ ଏପରି ଜଣେ ନେତା ଚାହୁଁଛନ୍ତି ଯିଏ ସେମାନଙ୍କ ପାଇଁ ଠିଆ ହେବେ ଏବଂ ସେମାନଙ୍କ ସମସ୍ୟାର ସମାଧାନ କରିବେ। କୋଜିକୋଡରେ ସାମ୍ବାଦିକମାନଙ୍କୁ ସେ କହିଛନ୍ତି ଯେ, ପ୍ରିୟଙ୍କା ଗାନ୍ଧୀ ୱାଡ୍ରା ଏକ ନୂଆ ଚେହେରା ନୁହଁନ୍ତି, କିନ୍ତୁ ସେ ୱାୟନାଡ ପାଇଁ ନୂଆ। ସେ ଅଭିଯୋଗ କରିଛନ୍ତି ଯେ, ‘ପ୍ରିୟଙ୍କା ଗାନ୍ଧୀ ପରିବାରର ପ୍ରତିନିଧୀ ଭାବରେ ଆସୁଛନ୍ତି, ଯାହା ସଂସଦରେ ୱାୟନାଡ ପ୍ରସଙ୍ଗ ଉଠାଇବାରେ ବିଫଳ ହୋଇଛି।
ନବ୍ୟା ଆହୁରି ମଧ୍ୟ କହିଛନ୍ତି ଯେ, ୱାୟନାଡର ଲୋକମାନେ ରାହୁଲ ଗାନ୍ଧୀଙ୍କୁ ଏହି ଆଦେଶ ଦେଇଛନ୍ତି ଯେ ସେ ଆସନ୍ତା ପାଞ୍ଚ ବର୍ଷ ସେମାନଙ୍କ ସହ ରହିବେ, କିନ୍ତୁ ଯେତେବେଳେ ସେ ରାୟବରେଲିକୁ ନିଜ ପାଇଁ ହାତରେ ରଖିଲେ, ସେତେବେଳେ ଗାନ୍ଧୀ ପରିବାର ୱାୟନାଡକୁ ଛାଡିଦେଲେ। ସେ କହିଛନ୍ତି ଯେ, ୱାୟନାଡର ଲୋକମାନେ ବର୍ତ୍ତମାନ ହୃଦୟଙ୍ଗମ କରିଛନ୍ତି ଯେ ଗାନ୍ଧୀ ପରିବାର ଏହି ନିର୍ବାଚନମଣ୍ଡଳୀକୁ ଅନ୍ୟ ଏକ ଆସନ କିମ୍ବା ବିକଳ୍ପ ଭାବରେ ଦେଖୁଛନ୍ତି।
