ନୂଆଦିଲ୍ଲୀ: ତିରୁମାଲା ତିରୁପତି ଦେବସ୍ଥାନମ୍ (ଟିଟିଡି) ବୋର୍ଡର ନୂତନ ଚେୟାରମ୍ୟାନ୍ ଭାବରେ ବୋଲିନେନି ରାଜଗୋପାଲ ନାଇଡୁଙ୍କୁ ନିଯୁକ୍ତ କରାଯାଇଛି। ନୂତନ ଦାୟିତ୍ଵ ଗ୍ରହଣ କରିବା ପରେ ସେ କହିଛନ୍ତି ଯେ, ତିରୁପତି ମନ୍ଦିରରେ ବର୍ତ୍ତମାନ କେବଳ ହିନ୍ଦୁମାନେ କାମ କରିବେ। ତାଙ୍କର ଏହି ବିବୃତ୍ତିକୁ କଲ୍କି ଧାମର ପିଠାଧୀଶ୍ୱର ତଥା ପ୍ରିୟଙ୍କା ଗାନ୍ଧୀ ବାଦ୍ରାଙ୍କ ପୂର୍ବତନ ପରାମର୍ଶଦାତା ଆଚାର୍ଯ୍ୟ ପ୍ରମୋଦ କୃଷ୍ଣମ ସମର୍ଥନ କରିଛନ୍ତି।
ଆଚାର୍ଯ୍ୟ ପ୍ରମୋଦ କୃଷ୍ଣମ କହିଛନ୍ତି ଯେ, “ତିରୁପତି ବାଲାଜୀ ହେଉଛନ୍ତି ଆମର ଆସ୍ଥାର କେନ୍ଦ୍ର, ଆଧାର ଏବଂ ବିଷୟ। ମୁଁ କହିବି ଯେ, ଯେଉଁମାନେ ଇଶ୍ବରଙ୍କ ଉପରେ ବିଶ୍ଵାସ କରନ୍ତି ନାହିଁ ସେମାନେ ତିରୁପତି ଯିବା ଉଚିତ୍ ନୁହେଁ। ଯେପରି କୌଣସି ମଦ୍ୟପ ମସଜିଦରେ କାମ କରିପାରିବେ ନାହିଁ କିମ୍ବା ସେଠାକୁ ଯାଇପାରିବେ ନାହିଁ ସେହିଭଳି, ଯେଉଁମାନେ ଗୋମାଂସ ଖାଉଛନ୍ତି ସେମାନେ ତିରୁପତି ବାଲାଜୀ କିମ୍ବା ଅନ୍ୟାନ୍ୟ ଧାର୍ମିକ ସ୍ଥାନ ଦର୍ଶନ କରିବା ଉଚିତ୍ ନୁହେଁ।