ନୂଆପଡା: ଜିଲ୍ଲାକୁ ଦୁଇ ଦିନିଆ ଗସ୍ତରେ କେନ୍ଦ୍ର ମହିଳା ଓ ବାଲ ବିକାଶ ମନ୍ତ୍ରୀ ସାବିତ୍ରୀ ଠାକୁର ଆସି ବିଭିନ୍ନ କାର୍ଯ୍ୟକ୍ରମରେ ଯୋଗଦାନ କରିଛନ୍ତି। ନୂଆପଡ଼ା ଜିଲ୍ଲା ସଦର ମହକୁମା ଠାରେ ବିଜେପି ଜିଲ୍ଲା କାର୍ଯ୍ୟାଳୟ ଠାରେ ଦଳୀୟ କର୍ମୀଙ୍କ ସ୍ବାଗତ ସମ୍ବର୍ଦ୍ଧନା ସଭାରେ ଯୋଗ ଦେଇଥିଲେ। ପରେ ଜିଲ୍ଲା ସର୍କିଟ ହାଉସ ଠାରେ ଆକାଂକ୍ଷା ଜିଲ୍ଲା ନୂଆପଡ଼ା ଏବଂ ନବରଙ୍ଗପୁରକୁ ଗସ୍ତ ରହିଥିବା ପ୍ରକାଶ କରିଛନ୍ତି।
ଭାରତ ସରକାରଙ୍କ ୧୦ ବର୍ଷ ର ଶାସନ ଏବଂ ୬୦ ବର୍ଷ ଶାସନକୁ ଅନୁଧ୍ୟାନ କଲେ ୧୦ ବର୍ଷ ଶାସନ ଭାରି ପଡିବ ବୋଲି ପ୍ରକାଶ କରିଛନ୍ତି। ଆକାଂକ୍ଷା ଜିଲ୍ଲାକୁ ସମସ୍ତ ମାପ ଦଣ୍ଡରେ ଶତ ପ୍ରତିଶତ ହାସଲ କାର୍ଯ୍ୟ ସମୀକ୍ଷା କରିଛନ୍ତି। କେନ୍ଦ୍ର ସରକାରଙ୍କ ଜନ କଲ୍ୟାଣ ଏବଂ ଗରିବ କଲ୍ୟାଣ,ପ୍ରଧାନମନ୍ତ୍ରୀ ଆବାସ ଯୋଜନା, ପ୍ରଧାନମନ୍ତ୍ରୀ କୃଷି ବିମା ଯୋଜନା ହେଉ ପ୍ରକୃତ ଲୋକଙ୍କ ନିକଟକୁ ପହଞ୍ଚିଲେ ଭାରତ ବିକଶିତ ହେବ ବୋଲି ପ୍ରକାଶ କରିଛନ୍ତି।
ସମୀକ୍ଷା ପରେ ନୂଆପଡ଼ା ସର୍କିଟ ହାଉସରେ ରାତ୍ରି ଯାପନ କରିବେ। ଆସନ୍ତାକାଲି ନୂଆପଡ଼ାରେ ସମୀକ୍ଷା କରି ଅଙ୍ଗନୱାଡ଼ି କେନ୍ଦ୍ର ପରିକ୍ରମା କରିବା ସହ ନବରଙ୍ଗପୁର ଜିଲ୍ଲା ଗସ୍ତ କରିବା କାର୍ଯ୍ୟକ୍ରମ ଅଛି।
