ନୂଆଦିଲ୍ଲୀ: ଝାଡ଼ଖଣ୍ଡ ବିଧାନସଭା ପାଇଁ ଆଜି ପ୍ରଥମ ପର୍ଯ୍ୟାୟ ଭୋଟିଂ ଜାରି ରହିଛି। ୧୫ ଟି ଜିଲ୍ଲାର ୪୩ ଟି ଆସନ ପାଇଁ ଭୋଟ ଗ୍ରହଣ ଚାଲିଛି। ଏହି ନିର୍ବାଚନରେ ବିଜେପି ଏବଂ କଂଗ୍ରେସ-ଜେଏମଏମ ମେଣ୍ଟ ମଧ୍ୟରେ ମୁଖ୍ୟ ପ୍ରତିଯୋଗିତା ହେଉଛି। ଏହି ନିର୍ବାଚନରେ ସ୍ଥିର ହେବ ଯେ, ହେମନ୍ତ ସୋରେନ ଝାଡ଼ଖଣ୍ଡରେ ପୁନର୍ବାର କ୍ଷମତାକୁ ଆସିବେ ନା ବିଜେପି ବାଜି ମାରିବ।
ପରବର୍ତ୍ତୀ ପର୍ଯ୍ୟାୟ ନଭେମ୍ବର ୨୦ ତାରିଖରେ ୩୦ ଟି ଆସନ ପାଇଁ ଅନୁଷ୍ଠିତ ହେବ। ୪୩ ଟି ସିଟ୍ ମଧ୍ୟରୁ ଯେଉଁଠାରେ ଭୋଟ୍ ନିଆଯାଉଛି, ସେଠାରେ ୧୭ ଟି ସାଧାରଣ ବର୍ଗ, ୨୦ ଟି ଏସଟି ଏବଂ ୬ ଟି ଏସସି ସିଟ୍ ଅଛି। ଭୋଟ୍ ପାଇଁ ୨୦,୨୮୧ ସ୍ଥାନରେ ମୋଟ ୨୯୫୬୨ ମତଦାନ ବୁଥ୍ ପ୍ରସ୍ତୁତ କରାଯାଇଛି। ସେଥିମଧ୍ୟରୁ ୫୦୪୨ ବୁଥ ସହରାଞ୍ଚଳରେ ଏବଂ ୨୪୫୨୦ ବୁଥ ଗ୍ରାମାଞ୍ଚଳରେ ଅଛି। ୪୩ ଟି ଆସନ ମଧ୍ୟରୁ ୨୯ ଟି ସମ୍ବେଦନଶୀଳ ନିର୍ବାଚନମଣ୍ଡଳୀ ଭାବେ ଘୋଷଣା କରାଯାଇଛି। ଏଠାରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି।
ଆଜି ପ୍ରଥମ ପର୍ଯ୍ୟାୟରେ ୬୮୩ ପ୍ରାର୍ଥୀ ନିଜ ଭାଗ୍ୟ ପରୀକ୍ଷା କରୁଛନ୍ତି, ସେଥିମଧ୍ୟରୁ ୬୦୯ ଜଣ ପୁରୁଷ, ୭୩ ଜଣ ମହିଳା ଏବଂ ଜଣେ ତୃତୀୟ ଲିଙ୍ଗ ଅଛନ୍ତି।
