ରାହୁଲ ଗାନ୍ଧୀ କଂଗ୍ରେସ ସଭାପତି ପଦରୁ ଇସ୍ତଫା ପ୍ରଦାନ କରିବା ପରେ ପ୍ରଥମ ଥର ପାଇଁ ଏହା ଉପରେ ମତ ରଖିଛନ୍ତି ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂ। ରାହୁଲଙ୍କ ଉତ୍ତରାଧିକାରୀ ଭାବରେ ଜଣେ ଯୁବ ନେତୃତ୍ବଙ୍କୁ ଦାୟିତ୍ବ ମିଳିବା ଉଚିତ୍ ବୋଲି ଅମରିନ୍ଦର କହିଛନ୍ତି। ସୋସିଆଲ ମିଡିଆ ସାଇଟ୍ ଟ୍ବିଟ୍ଟର ଜରିଆରେ ନିଜର ମତରଖି ଅମରିନ୍ଦର କହିଛନ୍ତି, ଏଆଇସିସିକ ଜଣେ ଯୁବ ନେତୃତ୍ବଙ୍କୁ ରାହୁଲଙ୍କ ସ୍ଥାନରେ ନିଯୁକ୍ତ କରିବା ଉଚିତ୍। ଏପରି ଜଣେ ନେତୃତ୍ବ ଯିଏକି ତୃଣମୂଳ ସ୍ତରରୁ କାମ କରିଥିବ ଏବଂ ସର୍ବଭାରତୀୟ ସ୍ତରର ଭୋଟରଙ୍କ ନିକଟରେ ନିଜର ଉପଲବ୍ଧି ପହଞ୍ଚାଇବାର କ୍ଷମତା ରଖିଥିବ। ସୁଶୀଲ କୁମାର ସିନ୍ଦେ ଏବଂ ମଲ୍ଲିକାର୍ଜୁନ ଖର୍ଗେ ବର୍ତ୍ତମାନ ସଭାପତି ଦୌଡରେ ରହିଛନ୍ତି। ଉଭୟ ଯଥାକ୍ରମେ 77 ଏବଂ 76 ବର୍ଷ ବୟସର ଅଟନ୍ତି। ଏହି ନେତାଙ୍କ ପରିବର୍ତ୍ତେ ଯୁବକଙ୍କୁ ସୁଯୋଗ ପ୍ରଦାନ କରିବାକୁ ନିବେଦନ କରିଛନ୍ତି ଅମରିନ୍ଦର ସିଂ।
New Delhi: Congress Vice-President Rahul Gandhi with Punjab Congress President Captain Amarinder Singh leaves after the Congress Working Committee (CWC) meeting in New Delhi on Monday. PTI Photo by Kamal Singh (PTI11_7_2016_000208B)