ନୂଆଦିଲ୍ଲୀ: ୨୦୨୫ ଆଇପିଏଲ ର ମେଗା ନିଲାମ ପାଇଁ ଖେଳାଳିମାନଙ୍କର ଅନ୍ତିମ ତାଲିକା ପ୍ରକାଶ ପାଇଛି। ଏଥିରେ ସବୁଠାରୁ କମ ବୟସ୍କ ଖେଳାଳି ହେଉଛନ୍ତି ବୈଭବ ସୂର୍ଯ୍ୟବଂଶୀ। ତାଙ୍କୁ ମାତ୍ର ୧୪ ବର୍ଷ ବୟସ। ବୈଭବ ବହୁତ କମ୍ ବୟସରେ ସୁନାମ ଅର୍ଜନ କରୁଛନ୍ତି। ସେ ୫ ବର୍ଷ ବୟସରେ କ୍ରିକେଟ୍ ଆରମ୍ଭ କରିଥିଲେ। ଆଇପିଏଲ ମେଗା ନିଲାମର ଅନ୍ତିମ ଖେଳାଳି ତାଲିକାରେ ବୈଭବଙ୍କ ନାମ ଅନ୍ତର୍ଭୁକ୍ତ କରାଯାଇଛି। ସେ ମୂଳ ମୂଲ୍ୟ ୩୦ ଲକ୍ଷ ଟଙ୍କା ସହିତ ନିଲାମ ତାଲିକାରେ ଯୋଗ ଦେଇଛନ୍ତି।
ବୈଭବ ଏପର୍ଯ୍ୟନ୍ତ ଅନେକ ଘରୋଇ ଟୁର୍ଣ୍ଣାମେଣ୍ଟରେ ଖେଳିଛନ୍ତି। ସେ ରଣଜୀ ଟ୍ରଫି, କୁଚ ବିହାର ଟ୍ରଫି ଏବଂ ଭିନୁ ମଙ୍କଡ଼ ଟ୍ରଫିରେ ଭାଗ ନେଇଛନ୍ତି। ଏହା ସହିତ ସେ ଭାରତର ଅଣ୍ଡର -୧୯ ଦଳ ପାଇଁ ମଧ୍ୟ ମନୋନୀତ ହୋଇଥିଲେ। କୌତୁହଳର ବିଷୟ ହେଉଛି ଯେ ବୈଭବ ସୂର୍ଯ୍ୟବଂଶୀ ବ୍ୟାଟିଂ କରିବା ସହ ବୋଲିଂରେ ମଧ୍ୟ ପାରଦର୍ଶୀ ଅଟନ୍ତି।
ବିସିସିଆଇ ମେଗା ନିଲାମ ପାଇଁ ମୂଳ ତାଲିକାରେ ୨ କୋଟି ଟଙ୍କା ସହିତ ୮୧ ଖେଳାଳିଙ୍କୁ ଯୋଡିଛି। ଶ୍ରେୟସ୍ ଆୟର ଏବଂ ଋଷଭ ପନ୍ତଙ୍କ ନାମ ଏଥିରେ ଅନ୍ତର୍ଭୁକ୍ତ। ୨୪ ଏବଂ ୨୫ ନଭେମ୍ବରରେ ଜେଦ୍ଦା ଠାରେ ଆଇପିଏଲ୍ ମେଗା ନିଲାମ ଅନୁଷ୍ଠିତ ହେବ। ଏଥିପାଇଁ ମୋଟ ୧୫୭୪ ଖେଳାଳି ପଞ୍ଜୀକୃତ ହୋଇଛନ୍ତି। ମାତ୍ର ୫୭୪ ଖେଳାଳି ମେଗା ନୀଳା ପାଇଁ ନିଶ୍ଚିତ ହୋଇଛନ୍ତି।
