ରେଢ଼ାଖୋଲ: ଜଣେ ଦଶମ ଶ୍ରେଣୀର ଛାତ୍ରୀ (୧୬ ବର୍ଷ) କନ୍ୟା ସନ୍ତାନ ଟିଏ ଜନ୍ମ ଦେଇ ଡାକ୍ତରଖାନାରେ ଚିକିତ୍ସିତ ହେବା ଭଳି ଘଟଣା ନାକଟିଦେଉଳ ଥାନା ଅଂଚଳରେ ଘଟିଛିl ଏ ନେଇ ପୋଲିସ ଜଣେ ଯୁବକକୁ ଅଟକ ରଖିଛିl
ପୋଲିସ ସୂତ୍ରରୁ ପ୍ରକାଶ ଯେ, ସମ୍ବଲପୁର ଜିଲ୍ଲା ନାକଟିଦେଉଳ ଥାନା ଜାମଜୁରୀ ପଞ୍ଚାୟତ ପଥୁରିନାଳି ର ଦଶମ ଶ୍ରେଣୀ ପଢ଼ୁଥିବା ଜୈନିକା ଛାତ୍ରୀ (୧୬) ବର୍ଷ ଘରେ କେହି ନ ଥିବା ସମୟରେ ଗତ କାଲି ଦିନ ୧୨ ଟାରେ ନିଜ ଘରେ ଏକ ଶିଶୁ କନ୍ୟା କୁ ଜନ୍ମ ଦେଇଥିବା ଜଣାପଡିଛି l ଝିଅର ପେଟରେ ଶିଶୁ ଟିଏ ଥିବା କଥା ଆଗରୁ ପରିବାର ଲୋକେ କେହି ବି ଜାଣି ପାରି ନ ଥିଲେ ବୋଲି ନାବାଳିକା ର ପିତା, ମାତା ଆମ ପ୍ରତିନିଧିଙ୍କ ଆଗରେ ପ୍ରକାଶ କରିଛନ୍ତି l ଝିଅର ପେଟ ପୀଡା ହେଉଥିବା ରୁ ମା ପଡିଶା ଘରକୁ କିଛି ଔଷଧ ପାଇଁ ଯାଇଥିବା ବେଳେ ଆସିବା ବେଳକୁ ଝିଅ ଜଣକ ଏକ ଶିଶୁ କନ୍ୟା ଜନ୍ମ ଦେଇ ସାରିଥିଲା l ଝିଅ ଜଣକ ପାଖ ପଡୋଶୀ ଘରର ଦଶରୁ କିସାନ ସହିତ ପ୍ରେମ ସମ୍ପର୍କ ଥିବା କହିଥିବା ବେଳେ ଦଶରୁ କିନ୍ତୁ ଏହି ଘଟଣା କୁ ପୋଲିସ ଆଗରେ ଅସ୍ବୀକାର କରି ଥିବା ନାକଟିଦେଉଳ ପୋଲିସ ପ୍ରକାଶ କରିଛି l
ଯାହାକୁ ନେଇ ପରିବାର ଲୋକେ ନିଜ ସାହିରେ ରେ ଏକ ସଭା କରିଥିଲେ l କିନ୍ତୁ ଦଶରୁ ଝିଅ ସହିତ କୌଣସି ସମ୍ପର୍କ ନ ଥିବା ଗାଁ ସମାଜ ଆଗରେ ପ୍ରକାଶ କରିଛି l ଆଜି ଘଟଣାଟି ଜଣାପଡିବାପରେ ଗାଁ ର ଅଙ୍ଗନବାଡି କର୍ମୀ ଓ ଆଶା ଦିଦି ଉଭୟ ନା ବାଳିକା ଝିଅ ଓ ଶିଶୁ କନ୍ୟା କୁ ନାକଟିଦେଉଳ ଡାକ୍ତରଖାନରେ ଭର୍ତି କରିଛନ୍ତି l ପ୍ରାଥମିକ ଚିକିତ୍ସା ପରେ ଉନ୍ନତ ଚିକିତ୍ସା ପାଇଁ ବୁର୍ଲା ଡାକ୍ତରଖାନା ପଠାଯାଇଥିବା ଜଣାପଡିଛି l ଝିଅର ପିତା ନାକଟିଦେଉଳ ଥାନାରେ ଦଶରୁ କିସାନ ନାମରେ ଲିଖିତ ଅଭିଯୋଗ କରିଛନ୍ତି l ଅଭିଯୁକ୍ତ ଦଶ୍ରୁକୁ ପୋଲିସ ଅଟକ ରଖି ତଦନ୍ତ ଜାରି ରଖିଥିବା ଥାନାଧିକାରୀ ଗଣମାଧ୍ୟମ ଆଗରେ ପ୍ରକାଶ କରିଛନ୍ତି l