ନୂଆଦିଲ୍ଲୀ: ବିଶ୍ୱର ସର୍ବକନିଷ୍ଠ ଚେସ୍ ଚାମ୍ପିଅନ୍ ହୋଇଥିବାରୁ ଗୁକେଶ ଡି ଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଭିନନ୍ଦନ ଜଣାଇଛନ୍ତି। ତାଙ୍କର ଏହି ସଫଳତାକୁ ଐତିହାସିକ ଓ ଉଦାହରଣୀୟ ବୋଲି କହି ସେ ପ୍ରଶଂସା କରିଛନ୍ତି।
ଏକ୍ସ ରେ ଆନ୍ତର୍ଜାତିକ ଚେସ୍ ମହାସଂଘ ପକ୍ଷରୁ ହୋଇଥିବା ଏକ ପୋଷ୍ଟର ପ୍ରତିକ୍ରିୟାରେ ଶ୍ରୀ ମୋଦୀ କହିଛନ୍ତି:
“ଐତିହାସିକ ଏବଂ ଉଦାହରଣୀୟ!
ଏହି ଉଲ୍ଲେଖନୀୟ ଉପଲବ୍ôଧି ପାଇଁ ଗୁକେଶ ଡି ଙ୍କୁ ଅଭିନନ୍ଦନ। ଏହା ଅସାଧାରଣ ଦକ୍ଷତା, କଠିନ ପରିଶ୍ରମ ଏବଂ ଅତୁଟ ଲକ୍ଷ୍ୟର ପରିଣାମ।
ତାଙ୍କର ଏହି ବିଜୟ କେବଳ ଯେ ଚେସ୍ ଇତିହାସ ପୃଷ୍ଠାରେ ତାଙ୍କ ନାମ ଲିପିବଦ୍ଧ କରିବ ତାହା ନୁହେଁ ବରଂ ବଡ଼ ସ୍ୱପ୍ନ ଦେଖିବାକୁ ଏବଂ ଦକ୍ଷତା ପ୍ରଦର୍ଶନ କରିବାକୁ ଲକ୍ଷ ଲକ୍ଷ ଯୁବକଙ୍କୁ ପ୍ରୋତ୍ସାହିତ କରିବ।
ତାଙ୍କର ଭବିଷ୍ୟତର ଲକ୍ଷ୍ୟ ପାଇଁ ବହୁତ ବହୁତ ଅଭିନନ୍ଦନ@DGukesh ”
