ଭୁବନେଶ୍ଵର: ନୟାଗଡ଼ ଜିଲା ଭାପୁର ବ୍ଲକ ଫତେଗହ ଗ୍ରାମରେ ଚାଲିଥିବା ୧୫ତମ ସର୍ବଭାରତୀୟ ସଦାଶିବ ସ୍ମାରକୀ କ୍ରିକେଟ ଟୁର୍ଣ୍ଣାମେଣ୍ଟ ରବିବାର ସନ୍ଧ୍ୟାରେ ଉବ୍ଯାପିତ ହୋଇଛି। ଆଜିର ଏହି ପ୍ରତିଯୋଗୀତା ଏମ୍ଏମ୍ସିସି ଟିମ୍ ସମ୍ବଲପୁର ଏବଂ ବିଶାଖାପାଟଣାର ନବସିପ ଚମ୍ପିୟାନ୍ ଟିମ୍ ମଧ୍ୟରେ ଅନୁଷ୍ଠିତ ହୋଇଥିଲା ଏହି ମ୍ୟାଚରେ ଏମ୍ଏମ୍ସିସି ଟିମ୍ ସମ୍ବଲପୁର ଚାମ୍ପିଆନ ହୋଇଛି। ବିଜୟୀ ଏମ୍ଏମ୍ସିସି ଟିମ୍ ସମ୍ବଲପୁର ଟିମ୍ ପ୍ରତିପକ୍ଷ ବିଶାଖାପାଟଣାର ନବସିପ ଚମ୍ପିୟାନ୍ ଟିମ୍ କୁ ପରାସ୍ତ କରି ଚାମ୍ପିଆନ ହୋଇଛି।
ପ୍ରଥମେ ଟସ୍ ଜିତି ବିଶାଖାପାଟଣାର ନବସିପ ଚମ୍ପିୟାନ୍ ଟିମ୍ ନିର୍ଦ୍ଧାରିତ ୧୮ ଓଭରରେ ସମସ୍ତ ୱିକେଟ ହରାଇ ୧୪୭ ରନ୍ ସଂଗ୍ରହ କରିଥିଲା। ଏହାର ଜବାବରେ ପ୍ରତିପକ୍ଷ ଏମ୍ଏମ୍ସିସି ସମ୍ବଲପୁର ୧୨ଓଭରରେ ୩ ୱିକେଟରେ ୧୫୨ ରନ ସଂଗ୍ରହ କରିଥିଲା। ଫଳରେ, ଏମ୍ଏମ୍ସିସି ଟିମ୍ ସମ୍ବଲପୁର ଟିମ୍ ୭ ୱିକେଟରେ ବିଜୟୀ ହୋଇଥିଲା।
ଆଜି ଏହି ଉଦ୍ଯାପନ ସମାରୋହରେ ଅତିଥି ଭାବେ ନୟାଗତ ବିଧାୟକ ଡ଼.ଅରୁଣ କୁମାର ସାହୁ, ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା,ବୋଲଗଡ଼-ବେଗୁନିଆ ବିଧାୟକ ପ୍ରଦୀପ କୁମାର ସାହୁ, ଜଟଣୀର ପୂର୍ବତନ ବିଧାୟକ ସୁରେଶ ଚନ୍ଦ୍ର ରାଉତରାୟ, ରଣପୁର ପୂର୍ବତନ ବିଧାୟକ ସତ୍ୟନାରାୟଣ ପ୍ରଧାନ, ଖଣ୍ଡପଡ଼ାର ପୂର୍ବତନ ବିଧାୟକ ସିଦ୍ଧାର୍ଥ ଶେଖର ସିଂହ ପ୍ରମୁଖ ଯୋଗଦେଇଥିଲେ।
ଏହି ଅବସରରେ ଚମ୍ପିଆନ ଦଳକୁ ଟ୍ରଫି ସହ ଦେଢ଼ ଲକ୍ଷ ଟଙ୍କା ଏବଂ ରନର୍ସ ଅପ୍ ଦଳଙ୍କୁ ଟ୍ରଫି ସହ ୧ଲକ୍ଷ ଟଙ୍କା ପୁରସ୍କାର ଆକାରରେ ପ୍ରଦାନ କରାଯାଇଥିଲା।