ଭୁବନେଶ୍ଵର: କେନ୍ଦ୍ରାପଡା ଜିଲାର ଭିତରକନିକା ଜାତୀୟ ଉଦ୍ୟାନ ପରିସରରେ ପର୍ଯ୍ୟଟକମାନଙ୍କୁ ଅଧିକ ସଂଖ୍ୟାରେ ଆକର୍ଷିିତ କରିବା ପାଇଁ ଅନେକ ପଦକ୍ଷେପ ରାଜନଗର ବନ୍ୟପ୍ରାଣି ଡିଭିଜନ ପକ୍ଷରୁ ଗ୍ରହଣ କରାଯାଇଛି। ଏବେ ନିକଟରେ ଭିତରକନିକା ଜାତୀୟ ଉଦ୍ୟାନ ମଧ୍ୟରେ ଏକ ଆଧୁନିକ ଜ୍ଞାନକୌଶଳରେ ନିର୍ମାଣ କରାଯାଇଛି ସ୍କାଏ ୱାକ୍ ବା ଭାସମାନ ଚାଲିବା ପଥ। ଏହା ଭିତରକନିକା ଜାତୀୟ ଉଦ୍ୟାନ ବୁଲିବାକୁ ଆସୁଥିବା ଆଗନ୍ତୁକ ପର୍ଯ୍ୟଟକ ମାନଙ୍କ ପାଇଁ ଭିନ୍ନସ୍ୱାଦର ସୁଖଦ ଅନୁଭୁତି ଆଣିଦେବ ବୋଲି ଆଶାପ୍ରକାଶ କରାଯାଇଛି।
ଏହି ସ୍କାଏୱାକ୍ ପଥଟି ନିର୍ମାଣ ପାଇଁ ଭିତରକନିକାରେ ମିଳୁଥିବା ହେନ୍ତାଳ ଗଛର କାଠ ବ୍ୟବାହର କରାଯାଇଛି। ଏହାର ନିର୍ମାଣ ଶୈଳୀ ବେଶ ଚମତ୍କାର ଢଂଗରେ କରାଯାଇଛି। ଏହା ସଂପୁର୍ଣ ପରିବେଶ ଅନୁକୁଳ। ଭିତରକନିକାରେ ବସବାସ କରୁଥିବା ବିଭିନ୍ନ ସ୍ତନ୍ୟପାୟୀ ପ୍ରାଣି,ହରିଣ,କୁମ୍ଭୀର ତଥା ଅନ୍ୟ ଜଂଗଲି ପ୍ରାଣିକୁ ଏହି ପଥ ଉପରୁ ସୁନ୍ଦର ଭାବେ ଅବଲୋକନ କରାଯାଇପାରିବ। ପ୍ରାକୃତିକ ବଣଜଂଗଲରେ ପରିପୂର୍ଣ୍ଣ ଭିତରକନିକାରେ ବିଭିନ୍ନ ବନ୍ୟଜନ୍ତୁକୁ ଦେଖିବା ପର୍ଯ୍ୟଟକମାନଙ୍କ ପାଇଁ ସଂଭବ ହେଉନଥିଲା। ହେନ୍ତାଳବଣ ଭିତରେ କି ଜନ୍ତୁ ରହିଛନ୍ତି ସେମାନଙ୍କ କ୍ରିୟାକଳାପ ଚାଲିଛି ତାହା ଦେଖିବା ସଂଭବ ପର ହୋଇ ପାରୁ ନଥିଲା।
ତେବେ ଏହି ପ୍ରକଳ୍ପ ଦ୍ୱରା ଭିତରକନିକା ଜଂଗଲର ସୌନ୍ଦର୍ଯ୍ୟ ଅବଲୋକନ କରାଯାଇପାରିବା ସହ ବନ୍ୟଜନ୍ତୁଙ୍କ କ୍ରିୟାକଳାପ ଦେଖାଯାଇପାରିବ। ପୂର୍ବରୁ କେବଳ ପ୍ରକାୃତିକ ପଥ ବା ନେଚର ଟ୍ରେଲ ରହିଥିଲା ଯାହାଦ୍ୱରା ତାହାମଧ୍ୟରେ ଚାଲି ଚାଲି ପର୍ଯ୍ୟଟକ ମାନେ ପରିଭ୍ରମଣ କରୁଥିଲେ। ଏବେ ଭୁମିଠାରୁ ଯଥେଷ୍ଟ ଉଚରେ ପର୍ଯ୍ୟଟକ ମାନେ ଚାଲିଚାଲି ଭିନ୍ନ ଅନୁଭୁତି ଗ୍ରହଣ କରିବା ଭଳି ପ୍ରଣାଳୀ ଏହି ପ୍ରକଳ୍ପ ମାଧ୍ୟମରେ ବିକଶିତ ହୋଇଛି। ଏହି କାଠ ନିର୍ମିତ ସ୍କାଏ ୱାକ୍ ପ୍ରକଳ୍ପଟି ଏବେ ପରୀକ୍ଷାମୁଳକ ଭାବେ କାର୍ଯ୍ୟାରମ୍ଭ କରିଛି। ଏହାର ଲମ୍ବ ହେଉଛି ୬୭୦ ମିଟର,ଓସାର ହେଉଛି ସାଢେ ତିନିଫୁଟ। ଭୁମିଠାରୁ ହେନ୍ତାଳବଣ ଉଚରେ ଏହି ପ୍ରକଳ୍ପଟି ନିର୍ମାଣ କରାଯାଇଛି। ଏକ କାଳୀନ ୨୦ ପର୍ଯ୍ୟଟକ ମାନଙ୍କୁ ଏହି ପ୍ରକଳ୍ପ ମାଧ୍ୟମରେ ପ୍ରବେଶ କରିବାର ଅନୁମତି ଦିଆଯାଉଛି।
ତେବେ ପ୍ରବେଶ ଦେୟ ମାତ୍ର ୫ ଟଙ୍କା ରଖାଯାଇଥିବା ଉଲେଖ ଥିଲେ ମଧ୍ୟ ପର୍ଯ୍ୟଟକମାନଙ୍କ ଠାରୁ କୌଣସି ଦେୟ ଗ୍ରହଣ କରାଯାଉନାହିଁ। ଭବିଷ୍ୟତରେ ଉଚକର୍ତୁପକ୍ଷଙ୍କ ସହ ଆଲୋଚନା କରାଯାଇ ଏହାଦର ବୃଦ୍ଧି କରାଯିବ ତଥା ସେଥିରୁ ସଂଗୃହୀତ ଅର୍ଥରେ ପ୍ରକଳ୍ପର ରକ୍ଷଣାବେକ୍ଷଣ କରାଯିବ। ରାଜନଗର ବନ୍ୟପ୍ରାଣିିିିିିିିିିିିିିିିିିି ଡିଭିଜନର ଡିଏଫଓ କେ ସୁଦର୍ଶନ ଗୋପୀନାଥ ଯାଦବ ସୂଚନା ଦେଇଛନ୍ତିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିିି।
