ଭୁବନେଶ୍ଵର: ନୂଆପଡ଼ା ଜିଲ୍ଲା ସଦର ମହକୁମା ସ୍ଥିତ ମିନି ଷ୍ଟାଡିୟମ ଠାରେ ୩୩ତମ ସର୍ବଭାରତୀୟ ୱାଈଏମସି କପ୍ କ୍ରିକେଟ ଟୁର୍ଣ୍ଣାମେଣ୍ଟର ଉଦଘାଟିତ ହୋଇଯାଇଅଛି। ଉଦଘାଟନୀ ଉତ୍ସବରେ ମୁଖ୍ୟ ଅତିଥି ରୂପେ ନୂଆପଡ଼ା ଜିଲ୍ଲାପାଳ ମଧୁସୂଦନ ଦାସ ଯୋଗ ଦେଇ ଆନୁଷ୍ଠାନିକ ଭାବେ ଉଦଘାଟନ କରିଥିବା ବେଳେ ଏହି ଟୁର୍ଣ୍ଣାମେଣ୍ଟ ଯୁବ ଖେଳାଳିଙ୍କୁ ଏକ ସୁଯୋଗ ପ୍ରଦାନ କରୁଥିବା କହିଥିଲେ।
ସମ୍ମାନିତ ଅତିଥି ଭାବେ ମୁଖ୍ୟ ଉନ୍ନୟନ ଅଧିକାରୀ ଲମ୍ବୋଦର ଧରୁଆ, ଜିଲ୍ଲା କ୍ରୀଡା ଅଧିକାରୀ ରାଜେନ୍ଦ୍ର ବଢେଇ, ଜିଲ୍ଲା କ୍ରିକେଟ ସଂଘ ସଭାପତି ପ୍ରକାଶ ସାହୁ, ୱାଈଏମସି ସଭାପତି ଅମରେଶ ଦାସ ଉପସ୍ଥିତ ଥିଲେ। ଆଜିର ଖେଳ ବରଗଡ଼ ଓ ନୂଆପଡ଼ା ମଧ୍ୟରେ ଅନୁଷ୍ଠିତ ହୋଇଥିଲା। ବରଗଡ଼ ବ୍ୟାଟିଂ କରି ୨୮.୫ ଓଭରରେ ସମସ୍ତ ଖେଳାଳି ଆଉଟ ହୋଇ ୧୭୬ ରନ କରିଥିଲା। ଏହା ବିପକ୍ଷରେ ନୂଆପଡ଼ା ଦଳ ୨୭.୩ ଓଭରରେ ୩ ୱିକେଟ ବିନିମୟରେ ୧୭୭ ରନ ସଂଗ୍ରହ କରି ୭ ୱିକେଟ ରେ ବିଜୟୀ ହୋଇଥିଲା।
ଆଜି ଖେଳରେ ସର୍ବାଧିକ ୫୧ ବଲରେ ୪୮ ରନ ସଂଗ୍ରହ କରି ଦଳକୁ ବିଜୟ ଲକ୍ଷ୍ୟ ହାସଲରେ ସହଯୋଗ ପାଇଁ ପ୍ରତୀକ ପଟ୍ଟନାୟକଙ୍କୁ ମ୍ୟାନ ଅଫ ଦ ମ୍ୟାଚରେ ନଗଦ ଅର୍ଥ ଓ ଟ୍ରଫି ପ୍ରଦାନ୍ କରାଯାଇଥିଲା। ଆମ୍ପାୟର ଥିଲେ ନାରାୟଣ ମେହେର ଓ ଚୁଡ଼ାମଣି ପାଢ଼ୀ, ସ୍କୋରିଂ ଶୈଳେଶ ଶତପଥୀ, ଧାରା ବିବରଣୀ ସିମାଞ୍ଚଲ୍, ପୁନିତ୍, ଜୈକିଶନ୍, ପ୍ରଦାନ କରିଥିଲେ।
