ଭୁବନେଶ୍ଵର: ଇଣ୍ଡିଆ ବୁକ ଅଫ ରେକର୍ଡସ ରେ ପୁରୀ ଜିଲ୍ଲା ରାଷ୍ଟ୍ରୀୟ ସୂଚନା ବିଜ୍ଞାନ କେନ୍ଦ୍ର କାର୍ଯ୍ଯାଳୟରେ ଅବସ୍ଥାପିତ ଥିବା ଜିଲ୍ଲା ସୂଚନା ବିଜ୍ଞାନ ଅଧିକାରୀ ବିଶ୍ଵନାଥ ପଣ୍ଡା ସ୍ଥାନ ପାଇଛନ୍ତି। ଶ୍ରୀ ପଣ୍ଡା ନିରବିଛିନ୍ନ ଭାବରେ ୧୦ମ ଥର ପାଇଁ ମହାମହିମ ରାଷ୍ଟ୍ରପତିଙ୍କ ଅସ୍ଥାୟୀ କାର୍ଯ୍ୟାଳୟକୁ ବୈଷୟିକ ଜ୍ଞାନ ବା ଆଇ ଟି ସହାୟତା ପ୍ରଦାନ କରି ଏହି ରେକର୍ଡର ଅଧିକାରୀ ହୋଇ ପାରିଛନ୍ତି। ଏହି ସଫଳତା ପାଇଁ ତାଙ୍କୁ ରାଜ୍ୟ ସୂଚନା ବିଜ୍ଞାନ ଅଧିକାରୀ ଡଃ ଅଶୋକ କୁମାର ହୋତା ଓ ପୁରୀ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ଵାଇଁ ଶୁଭେଛା ଜଣାଇଛନ୍ତି।
ମହାପ୍ରଭୁ ଶ୍ରୀ ଜଗନ୍ନାଥଙ୍କୁ ଦର୍ଶନ କରିବା ପାଇଁ ମହାମହିମ ରାଷ୍ଟ୍ରପତି ବାରମ୍ବାର ପୁରୀ ଗସ୍ତ କରୁଥିବାରୁ ତାଙ୍କ ଅସ୍ଥାୟୀ କାର୍ଯ୍ୟାଳୟକୁ ଆଇ ଟି ସହାୟତା ପ୍ରଦାନ କରିବା ପାଇଁ ଶ୍ରୀ ପଣ୍ଡା ବାରମ୍ବାର ସୁଯୋଗ ପାଇଛନ୍ତି।
