ସାଧାରଣତନ୍ତ୍ର ଦିବସ ଉପଲକ୍ଷେ ୯୪୨ ଜଣଙ୍କୁ ସାହସିକତା/ସେବା ପଦକ ପ୍ରଦାନ: ଜାଣନ୍ତୁ ଓଡିଶାରୁ କେତେ?

ଭୁବନେଶ୍ଵର: ୨୦୨୫ ଗଣତନ୍ତ୍ର ଦିବସ ଅବସରରେ ମୋଟ ୯୪୨ ଜଣ ପୁଲିସ, ଅଗ୍ନିଶମ, ଗୃହରକ୍ଷୀ ଓ ନାଗରିକ ସୁରକ୍ଷା (ଏଚଜି ଓ ସିଡି) ଏବଂ ସଂଶୋଧନ ସେବା କର୍ମଚାରୀଙ୍କୁ ସାହସିକତା ଏବଂ ସେବା ପଦକ ପ୍ରଦାନ କରାଯାଇଛି।

ଓଡ଼ିଶାରୁ ୬ ଜଣ ସୁରକ୍ଷା କର୍ମୀଙ୍କୁ ସାହସିକତା ପଦକ ମିଳିବ। ସେହିପରି ୨ ଜଣଙ୍କୁ ବିଶିଷ୍ଟ ସେବା ପାଇଁ ରାଷ୍ଟ୍ରପତି ପଦକ ଏବଂ ୧୧ ଜଣଙ୍କୁ ଉଲ୍ଲେଖନୀୟ ସେବା ପଦକ ପ୍ରଦାନ କରିବାକୁ ମନୋନିତ କରାଯାଇଛି। ସାହସିକତା ପଦକ ପାଇଁ ମନୋନିତ ଓଡ଼ିଶାର ୬ ଜଣ ପଦକ ବିଜେତା ହେଲେ ସବଇନ୍ସପେକ୍ଟର ଗିରିଶ ଚନ୍ଦ୍ର ମାଝୀ, ହାବିଲଦାର ପବିତ୍ର କୁମାର ସାହୁ ଓ ଉମେଶ ମୁଣ୍ଡା, କନଷ୍ଟେବଳ ପୀତାମ୍ବର ସତନାମୀ, କବିଚନ୍ଦ୍ର ରାଉତ ଏବଂ ସୁଶାନ୍ତ କୁମାର ସାଗର।

ବିଶିଷ୍ଟ ସେବା ପାଇଁ ମନୋନିତ ଓଡ଼ିଶାର ଦୁଇ ପଦକ ବିଜେତା ହେଲେ ଆରକ୍ଷୀ ଅଧିକ୍ଷକ ସରୋଜ କୁମାର ସାମଲ ଏବଂ କନେଷ୍ଟବଳ ସତ୍ୟବାଦୀ ମଲ୍ଲିକ।

ଅନ୍ୟପକ୍ଷରେ ସବଇନ୍ସପେକ୍ଟର ସେଖ ଅବଦୁଲ ଫୟାଜ, ଏଏସଆଇ ଶରତ ଚନ୍ଦ୍ର ବେହେରା, ତେଜ ବାହାଦୂର ଗୁରୁଙ୍ଗ, କନଷ୍ଟେବଳ ପାରିତୋଷ ମଣ୍ଡଳ, ମହମ୍ମଦ ତୋସିଫ ରବାନି, ତ୍ରିଲୋଚନ ବୁଧିଆ, ନରେନ୍ଦ୍ର କୁମାର ଚୌଧୁରୀ, ହାବିଲଦାର ଅତୁଲ କୁମାର ବିଶ୍ୱାଳ, ମନୋଜ କୁମାର ଜେନା, ଜୟନ୍ତୀ ସୁନା ଏବଂ ଦେବପ୍ରସାଦ ମହାନ୍ତି ଉଲ୍ଲେଖନୀୟ ସେବା ପଦକ ପାଇବେ।

ସାହସିକତା ପଦକ

ପୁଲିସ ସେବା – ୭୮ ଏବଂ ଅଗ୍ନି ସେବା – ୧୭

ସାହସିକତା ପଦକ (ଜିଏମ) ଯଥାକ୍ରମେ ଜୀବନ ଓ ସମ୍ପତ୍ତି ବଞ୍ଚାଇବା କିମ୍ବା ଅପରାଧକୁ ରୋକିବା କିମ୍ବା ଅପରାଧୀମାନଙ୍କୁ ଗିରଫ କରିବାରେ ବିରଳ ବିଶିଷ୍ଟ ସାହସିକତା କାର୍ଯ୍ୟ ଏବଂ ଉଲ୍ଲେଖନୀୟ ସାହସିକତା କାର୍ଯ୍ୟ ଆଧାରରେ ପ୍ରଦାନ କରାଯାଏ ଯାହାକୁ ଦାୟିତ୍ୱ ଓ କର୍ତ୍ତବ୍ୟକୁ ଦୃଷ୍ଟିରେ ରଖି ଆକଳନ କରାଯାଏ।

୯୫ଟି ସାହସିକତା ପଦକ ମଧ୍ୟରୁ ବାମପନ୍ଥୀ ଉଗ୍ରବାଦ ପ୍ରଭାବିତ ଅଞ୍ଚଳର ୨୮ଜଣ କର୍ମଚାରୀ, ଜାମ୍ମୁ-କାଶ୍ମୀର ଅଞ୍ଚଳର ୨୮ ଜଣ କର୍ମଚାରୀ, ଉତ୍ତର-ପୂର୍ବର ୩ ଜଣ କର୍ମଚାରୀ ଏବଂ ଅନ୍ୟାନ୍ୟ ଅଞ୍ଚଳର ୩୬ଜଣ କର୍ମଚାରୀଙ୍କୁ ସେମାନଙ୍କ ସାହସିକ କାର୍ଯ୍ୟ ପାଇଁ ପୁରସ୍କୃତ କରାଯାଉଛି।

ସାହସିକତା ପାଇଁ ପଦକ (ଜିଏମ):-ସାହସିକତା ପାଇଁ ୯୫ଟି ପଦକ (ଜିଏମ) ମଧ୍ୟରୁ ୭୮ ଜଣ ପୁଲିସ୍ କର୍ମଚାରୀ ଏବଂ ୧୭ ଜଣ ଅଗ୍ନିଶମ ସେବା କର୍ମଚାରୀଙ୍କୁ ଯଥାକ୍ରମେ ଜିଏମ ପ୍ରଦାନ କରାଯାଇଛି।

ସେବା ପଦକ

ସେବାରେ ସ୍ୱତନ୍ତ୍ର ବିଶିଷ୍ଟ ରେକର୍ଡ ପାଇଁ ବିଶିଷ୍ଟ ସେବା ଲାଗି ରାଷ୍ଟ୍ରପତି ପଦକ (ପିଏସଏମ) ପ୍ରଦାନ କରାଯାଇଥାଏ ଏବଂ ସମ୍ବଳ ଓ କର୍ତ୍ତବ୍ୟ ପ୍ରତି ସମର୍ପଣ ଦ୍ୱାରା ଚିହ୍ନିତ ମୂଲ୍ୟବାନ ସେବା ନିମନ୍ତେ ପଦକ (ଏମଏସଏମ) ପ୍ରଦାନ କରାଯାଇଥାଏ।

୧୦୧ଟି ବିଶିଷ୍ଟ ସେବା ପାଇଁ ରାଷ୍ଟ୍ରପତି ପଦକ (ପିଏସଏମ) ମଧ୍ୟରୁ ୮୫ଟି ପୁଲିସ ସେବା, ୫ଟି ଅଗ୍ନିଶମ ସେବା, ୭ଟି ନାଗରିକ ସୁରକ୍ଷା ଓ ଗୃହରକ୍ଷୀ ସେବା ଏବଂ ୪ଟି ସଂଶୋଧନ ସେବା ପାଇଁ ପ୍ରଦାନ କରାଯାଇଛି।

୭୪୬ଟି ଉଲ୍ଲେଖନୀୟ ସେବା ପଦକ (ଏମଏସଏମ) ମଧ୍ୟରୁ ୬୩୪ଟି ପୁଲିସ ସେବା, ୩୭ଟି ଅଗ୍ନିଶମ ସେବା, ୩୯ଟି ନାଗରିକ ସୁରକ୍ଷା ଓ ଗୃହରକ୍ଷୀ ସେବା ଏବଂ ୩୬ଟି ସଂଶୋଧନ ସେବା ପାଇଁ ପ୍ରଦାନ କରାଯାଇଛି।

ବିଭିନ୍ନ ସେବା ପାଇଁ ମିଳିଥିବା ପଦକ

ନିମ୍ନରେ ପଦକ ହାସଲକାରୀଙ୍କ ତାଲିକା ଦିଆଯାଇଛି ।